Tsaz yênhx nta suôz luk Hmôngz hnuz 18.2.2023
Thứ bảy, 10:55, 18/02/2023 VOVTB VOVTB
VOV4.VOV.VN -

               

                  Mênhx cxưx Tày li phongx cxưx txi côngv đaz kror chuz

Mênhx cxưx Tày sêiz kror chuz zos kror qơư trâu đaz kror chuz hâur tsêr nhoz, thiêz tuk đaz no zuôr paz trâu chuôz zis cov muôx tâu luz nênhx jông, shir phaz. Pos Hoàng Thị Nhuận, nênhs nhênhz chơưv vênhx huôv ntơưv tỉnh Cao Bằng puz pâuz: Tuk đaz hluôr tơưl tâu mênhx cxưx Tày hu uô Pò Fầy. Txos thâuv hmo pêz châus tsiêz, chuôz zis tưs cux muôx iz tuk tơưl lok six lox, trâur cov hluôr tơưl tsik tuôs, pir li tuk chưx ntak, iz zar zos shông kuz, iz zar zos shông yiêz. Mênhx cxưx Tày luz kror chuz lơưr cxôngx nzor tâu uô muôx câuv trâu hâur tsêr lơưx thiêz kror chuz zos zênhz mak đaz hluôr tơưl zos zax. Zênhz zax siz thôngx mak cxuô kror thiêx jông:“Hli iz shông yiêz tok lok txos lơưv, đaz kror chuz nhoz kror tưs tsuv chis cov pov cêr, châuv thiêz hlơưr cov têx kror fêv tsik jôngkhiêr muk đêz, txêik tok têx kror jông lok tsêr, txix no muk mak zuôr tsâu sor, shông yiêz muôx luz nênhx jông, uô tuk tsi lok cux tâu, cxuô lênhx nênhs muôx đas jos, tsik muôx moz gênhs thiêz uô cxuô zav tâu trơưk li siêz xar…”

Đros mênhx cxưx Tày, cux xưk li ntâu mênhx cxưx txơưr, kror chuz li pưk txux zos chiê uô jâuz mor nox trâu chuôz zis. Viv nhoz jê jôngr ntông têx trâur hâur kror chuz zos tơưl. Thâuv ntux no mak kror chuz zos qơư chiê trâur tơưl ntê cov sor. Luz txênh sâuv kror chuz cê zos qơư tsês chiê cxuô zav, cê zos qơư tsês chiê cxuô zav nox cov tâu ntêr… Hluôr tơưl tâu trâus chis hnuz đhâu hnuz, shông đhâu shông thiêz hâur tsêr thâuv tưs muôx hluôr tơưl chis:“Hluôr tơưl tâu trâur ntơưv tsêr, taz sik pez tsênhv muôz khâuz hlaz câur trâu tư tơưl chiê gra muk đrav liêx, muk uô têz, zos tsik li mak muôz tuk car tơưl zâu, zoschor tơưl tơưr chis tâu ntêr”.

Lơưr mênhx cxưx Tày li phongx cxưx cxôngx nzor, thâuv luz tsêr tâu uô tiêr, kror xuz thơưx zos chox đaz hluôr tơưl lok trâu hâur tsêr. Txơưv cxuô kror hâur têx chuôz zis zuôr sik txơưr taz sik puôr lênhx muôx iz kror cxuô zos tsik chiê yar ntux jiêz lok trâu luz kror chuz; pos zơưv, niêv txir tsik so hêik kriê têx tuz nhuôs thâuv jâuv ntơưv kror chuz mak tsik muôz co tơư tsux trâu sâuv kror chuz; tsik tâu fuô tơưl hâur kror chuz, iz ndis kror chuz tsuv txâuk trâu sơưr đơưk muk lok thiêz jâuv ntê tơưl… Nghệ nhân ưu tú Lương Thiêm Phú, nhoz jok Chang Nà, xar Tình Húc, huyện Bình Loeei, tỉnh Quảng Ninh puz pâuz:“Txix thâuv ntêx, pos zơưs, niêv txir tưz zênhx hêik tẩu pêz tiêk thâuv jâuv ntơưv kror chuz mak tsik tsuv tso co tơư trâu sâuv kror chuz lok sik txar tos trax shôngz cxok shaz viv lơưr siêz xar, no zos qơư trâu đaz hluôr tơưl nhoz. Thâuv muôz tơưl trâur hâur kror chuz mak tsuv max mav tso xưz; tsik tsuv nti kâuz ndâus trâu ntơưv kror chuz, viv li mak zos tsik xav txos đaz kror chuz lơưv…”

Nhiv no, txơưv mênhx cxưx Tày luz nênhx tưz muôx ntua hlôngr yiêz, taz sik ntâu jêx jok nhoz tox siêz cux tsênhv tuôr tsês chiê tâu têx kror chuz li thâuv ntêx thiêz phongx cxưx txi côngv đaz kror chuz. Têx vênhx huôv jông no tưz zaz zâuv tsôngv kruô sơưr đơưk tuôx sêiz shuôk thiêz nriêr pâuz./.

                                                                            TTĐB-Lik Thox cxêik nhênhv

Phênhv ndis shuôk têz qơưs

Mộc Châu zos qơư muôx tox trôngz câuv har jông jav sâuv ntiêx têz

      

    Hâur têx hnuz no, tox siêz Mộc Châu, tỉnh Sơn La tưz muôx chôngz lênhx kruô tuôx uô si, sêiz shuôk têz qơưs. Ntơưv oz saz ntus cêr lox lok sik têx ntar trôngz, tưz pov têx pax txir khơưz tơưs yiêz uô trâu tsôngv kruô tuôx sêiz shuôk, cxêik đuôz. Pos Nguyễn Bích Hoà, iz lênhx kruô nhoz đrôngl Hà Nội tuôx ndis uô si, sêiz shuôk têz qơưs txos Mộc Châu shir phaz lul hêik: (Têx tox trôngz câuv har hâur thax tsav Mộc Châu jông jav hênhr, muôx chuô lax nziês, uô trâu cur nhiêv tuôx sêiz shuôk. Chênhr zos li hêik ntơư, pêz sđ thiêx tuôx ndis uô si trâu ntơưv tox siêz Mộc Châu-Sơn La)

          Tox siêz Mộc Châu, muôx tox trôngz câuv har jông jav, chuô lax nziês hâur yênhx shông, pir li: Đơưv trôngz Pha Luông, tsas đêx tsơưk tsuô, Vax txir đuôx, txir khơưz, tiêx trrongz nhó tu zus nhux tso cuô mik….Đros ntơư, Mộc Châu cux tsênhv huôv tsar tâu truôx cxuô hêir nênhs têx txux chi, vênhx huôv jông cxôngx nzor. Pos Maya Lou, tới từ  nhoz California, têz qơưs Mỹ tuôx sêiz shuôk têz qơưs txos Mộc Châu shir phaz lul hêik: (Cur tưz tuôx ntâu jiês trâu tox siêz Mộc Chau, cur pov  têx qơư ndis uô si nhoz Mộc Châu, ziv hnuz ziv huôv tsar thiêz têx tsêr tok kruô cux cxiv uô huv đros tsôngv kruô siêz nhiêv thiêz Môc Châu cux muôx ntâu zav nox kaz, cur jông siêz hênhr)

          Txơưv têz qơưs muôx ntâu hlôngr yiêz, taz sik Mộc Châu cux tsênhv huôv tsar truôx cxuô hêir nênhs têx txux chi, vênhx huôv jông cxôngx nzor, ntâu doanh nghiệp, ntâu chuôz zis nhoz Mộc Châu tưz huôv tsar cxiv uô ntâu qơư ndis uô si txuôk đros cxuô zav vênhx huôv jông cxôngx nzor huv đros tsôngv kruô siêz nhiêv. Zơưv Hoàng Mạnh Duy, Tsar phôngx vênhx huôv cxiv uô qơư ndis uô si Mộc Châu shir phaz lul heik: (Luôs hâux lưv tuôr tsês côngz bê “zos qơư muôx tox trôngz câuv har jông jav sâuv ntiêx têz”. Chênhr zos li hêik ntơư, luôs hâux lưv tuôr tsês têx qơư jông jav, zos iz kro cxơưz cxiz tâu tsôngv kruô tuôx uô si, ndis shuôk têz qơưs txos tox siêz Mộc Châu)

          Trơưk li zơưv Lê Trọng Bình, Chủ tịch uỷ ban huyện Mộc Châu, tỉnh Sơn La, yênhx thax tsav qơư muôx ntâu qơư ndis uô si đros trâu têx tox trôngz câuv har jông jav sâuv ntiêx têz, tsênhv qơư tsuv huôv tsar uô cov tâu truôx jông lok cxuô zav thiêz hêik kriê cxuô hêir nênhs sđ têx txux chi, vênhx huôv jông cxôngx nzor trâu tsôngv kruô pâuz txos: (Chiê tuôr cov tâu truôx côngz bê “Zos qơư jông jav sâuv ntiêx têz”, nhiv no hâu nov huyện Mộc Châu tưz tso tơưv luôs hâux lưv zoss huôv tsar truôx jông tiêx trôngz tsoz chos yuôx zêx, tiêx trôngz nhov, trôngz jôngr ntông tu zus nhux tso cuô mik cov huv đros thax tsav qơư jông jav hâur thax tsav)

          Tox siêz Mộc Châu nhoz thax tsav faz Bắc, muôx txox cêr lox muk lok đhâu trâu đrôngl Hà Nội. Hâur ntu huôv tsar qơư ndis uô si hâur têz qơưs, zos oz huyện: Mộc Châu thiêz Vân Hồ, tâu xav zos qơư muôx tox trôngz câuv har jông jav, muôx chuô lax nziês hauar yênhx shông, zôngx ziv cxiv uô cxuô qơư ndis uô si, sêiz shuôk têz qơưs.

          Chênhr zos li hêik ntơư, hâu nov huyện Mộc Châu tsênhv taz tov cxơưz cxiz cxuô tsênhv qơư hâur thax tsav cxiv uô cxuô qơư ndis uô si cov ziv hnuz ziv jông txuôk đros tsôngv kruô hâur têz qơưs thiêz kruô sâuv ntiêx têz siêz nhiêv./. 

                                                   Tsu cxêik nhênhv-Trấn Long, CQTT Tây Bắc   

VOVTB

Viết bình luận

TIN CÙNG CHUYÊN MỤC