Shir phaz muk uô lox tôngv, xênhz yar hâur cheix ntux yiêz nhoz Yên Bái         

          Zuôr xar 200 lênhx công nhân, nênhs lox tôngv Công ty cổ phần Yên Thành (Yên Bái) ciês đhâu têx hnuz so tsiêz tưz sik đros tror tuôx công ty uô hâux lưv đros khôngz qiv lox tôngv, tsiv uô lov jêv. Niêv lâuk Đỗ Thị Thủy- công nhân công ty puz pâuz, niêv lâuk uô hâux lưv ntơưv công ty txix shông 2009 txos nhiv no, đros phênhv sâu fênhx pheiz muôx nhos 10 tsov đeiv iz luz hlik. Hâur ntu uô hâux lưv ntơưv no, niêv lâuk thâuv tưs cux tâu taz por chế độ nhiêx shar; nhiêx khơưk kruôk; tâu Ban lênhs tov công ty yax six tsov cưv txos luz nênhx viv li lênhx tưs cux jông siêz. Viv li, ciês đhâu jiês so tsiêz, niêv lâuk tưz đros têx lênhx nênhs lox tôngv txơưr tror tuôx Công ty uô hâux lưv lơưr six hơưv tso tơưv: “Shông tưs cux li ntơưv, thâuv 25 hli 12 zênhz lix pêz ho qêz suô chiê so Tsiêz. Uô ntêx thâuv so tsiêz cux tsưr tsix “Tsiêz shir phaz” trâu công nhân thiêz khơưk muôz huv tsiêz cxix cxuô. Nox tsiêz tas công ty thôngz pov muk uô hâux lưv thiêz tâu Giám đốc công ty xa luk phôngv jông, khơưk muôz nhiêx txiêx lok six shir phaz”.

             Công ty CP Yên Thành (Yên Bái) đros hâux lưv uô tsênhv zos tsiv uô njuôs shôngz thiêz ntông muôs tơưv. Nhiv no công ty tsênhv sik hux jos đros tsôngv box chos 100 hecta ntâu njuôs shôngz Bát độ thiêz cir hôx thôngx sâu zuôr njuôs trâu tsôngv box, têx HTX tsiv uô yênhx xiv huv njuôs shôngz muôs tơưv trâu niêv ciêz Nhật Bản, Đài Loan (Trung Quốc). Đros co zos tsiv uô xiv huv njuôs shông OCOP muôs hâur têz qơưk. Zơưv Nguyễn Đức Dũng, giám đốc Công ty puz pâuz: “Chiê tax tâu tsưr ziv tso tơưv, công ty tsênhv chêx chôngk uô 2 tsưr ziv tsênhv: tiv iz, tror nriêr pâuz, krêz đar niêv ciê muôs tơưv đhâu jiês Covid-19 huôv xênhz; tiv 2 cxơưz tiês sir zôngv khoa học, hlôngr yiêz công ty li hâux lưv tsiv uô, muôv muôs”.

             Ntơưv têx thax tsav Công nghiệp tỉnh Yên Bái, sơưr đơưk tưz siz zâuv tuôx hâux lưv shir phaz thiêz lov jêv ntưk ciês hâur têx hnuz hâur shôngk shông yiêz 2025. Tix lâus Nguyễn Công Luân, công nhân Công ty Công nghiệp Sunwell Việt Nam hâur thax tsav công nghiệp Minh Quân, huyện Trấn Yên (Yên Bái) heik, txix ciês têx hnuz hâur shôngk shông yiêz, tix lâus đros 250 lênhx lox tôngv hâur công ty tưz tuôx uô hâux lưv, sir jos chiê uô tâu ntâu têx hax huv txâuk muôs trâu ciêz đrôngs Hoa Kỳ trơưk li tưz đas cir, njuôk xav zuôr uô tiêr têx hâux lưv ntơư hâur hli 3 zuôr txos. “Cur tưz tuôx uô hâux lưv ntơưv no tâu iz shông lơưv, hâur shông 2025 no, pêz zuôr sik đros sir jos chiê uô tâu tiêr têx hâux lưv zok muôz. Pêz cux vav chiê siêz, hâur shông 2025 no, zuôr muôx phênhv sâu truôx tuk đuô chiê txoz cxơưx trâu chuôz zis”.

          Shông 2024, Công ty TNHH Công nghiệp Sunwell Việt Nam- doanh nghiệp tsiv uô txax, tuv, trôngx tos…tưz uô tiêr tas nro tsưr ziv tsiv uô, muôv muôs thiêz muôz hâux lưv uô trâu 250 lênhx nênhs lox tôngv đros phênhv sâu fênhx pheiz txix 8-10 tsov đeiv iz luz hlik, khiêz nhiêx txiêx têz qơưk 2 tỷ đeiv ntâu. Niêv lâuk Phan Thị Như Quỳnh- tuêv tsar Tuêv krưr xiv huv, công ty TNHH Công nghiệp Sunwell VN pheiz kênh: “Qir txix hnuz xiêz 6/1 zênhz lix Công ty tưz tror muk uô hâux lưv. Cur cux jênhv pov công nhân, nênhs lox tôngv công ty tuôx uô hâux lưv đros chinhz yênhx lok six shir phaz. Pêz cux xar njôngr hâur shông 2025 no zuôr tax tâu doanh số siêz đuô shông 2024”.

          Khôngz qiv tror muk uô lox tôngv, xênhz yar txix ciês hâur têx hnuz hâur shôngk shông yiêz Hnaz shông chênhr zos kror coaz tsôngv chiê Yên Bái njênhs njôngr iz shông yiêz zênhx liv, gôngr phênhv coaz tsôngv trâu tỉnh Yên Bái thiêz têx tiv phaz thax tsav Tây Bắc li huôv tsar cxuô hâur shông 2025./.

Thừa Xuân- Txâur Vax cxeik nhênhv

Zok nriêr qơư nhoz truôx trâu yênhx cxênhz chuôz zis pêx xênhv tox siêz Sơn La

           Luz tsêr iz yôngx cxiv uô truôx khor, đar 35 xưv phaz xưv mênhv tưz tâu hlôngr trâu Quàng Duy Khanh, shux xênhz tsêr cơưv Phổ thông nội trú xênhz 2-cxênhx 3 Sông Mã luz tsêr tsar lơưx đaz tuôs, tsi truôx khor ntơư. Co zos poz huv jông mak canr bôv, chiến sĩ Zênhx Pênhz phax Trôngx đriv Chiềng Khương đros cxuô cơ quan, taz viv, nênhs siêz jông uô puz trâu tuz lênhv pênhz phax têx nhuôv puôs. Khanh chuôz zis lok six txov nhêv, Khanh niêv trâus muôx moz gênhk, tsuv muk chơưv kho moz tsi so, tsi muôx đas jos uô nox. Ntâu shông lok no, Khanh đros đaz lâul thiêz niêv têik nhoz uô nênhx hâur luz tsêr đaz tuôs, tsi truôx khor ntơưv xã ntus đriv Mường Sai, huyện Sông Mã, Khanh heik: “Cur lok six jông siêz thiêz shir phaz thâuv tâu nhoz hâur luz tsêr yiêz no. Uô tsâus ntâu txos chor txir nzơưv tuz lênhv tưz paz uô tsêr nhoz trâu cur chuôz zis, cur chos luk zuôr sir jos cơưv chiê tsiv nhos chor txir nzơưv têx cêr paz”.

            Têx luz tsêr yiêz tưz thiêz tsênhv gra lok cêr shir phaz trâu tsôngv box huyện ntus đriv Sông Mã, Sơn La. Cấp ủy, hâu nov ntơưv qơư tsênhv sir jos uô tiêr luôs hâux lưv paz uô tsêr nhoz trâu chor chuôz zis txov nhêv uô ntêx hli 4 shông no. Zơưv Nguyễn Đức Thiện, Phưv Chủ tịch Ủy ban huyện Sông Mã heik: “Huyện tưz fuô uô ntâu faz tsưr ziv, sir jos qênhz shuôs, thôngz sâu tsênhz mênhx chor chuôz zis pluôs, chuôz zis txov nhêv hâur thax tsav zuôr trâus tâu paz uô tsêr nhoz, taz por tsi yuôr chuôz zis tưs tsi tâu paz”.

            Têx hnuz no, phôngz yaox sik tưr 79 hnuz hmo “siz chos paz uô tsêr nhoz trâu têx chuôz zis pluôs, chuôz zis txov nhêv” shông 2025 tsênhv tâu fuô uô nhoz cxuô xã, thị trấn, cơ quan, taz viv hâur huyện Mường La. Thax tsav qơư sir jos paz uô tiêr zuôr xar 360 luz tsêr,hâur co zuôr xar 340 luz cxiv uô yiêz, 20 luz kho đuô hâur ntu no, qir txix hnuz xiêz 10/2. Zơưv Khương Thế Anh, Giám đốc Công ty tênhv tênhz Sơn La heik: “Thâuv txeik tâu Ủy ban huyện Mường La tsaz yênhx phuôx tôngv, công ty tưz heik txos trâu tas nro sơưr đơưk hâur công ty chiê sik đros paz max, lênhx tưs muôx li chas mak paz li ntơư, tus muôx ntâu paz ntâu, tus muôx tsơưs paz tsơưs”.

            Ntơưv tỉnh Tsênhv qơư kinh tế-chính trị, TP Sơn La cux tsênhv sir jos uô cov tiêr têx luôs hâux lưv tso tơưv. Lar heik, TP xav tinhv, chor chuôz zis pluôs, chuôz zis txov nhêv tâu paz uô tsêr nhoz zuôr ntâu đuô, tsi tiêk 60 ntâu chuôz zis pluôs, chuôz zis zuôr xar pluôs, nênhs muôx côngz trâu têz qơưk thiêx tâu paz xưz. Zơưv Hà Trung Chiến, Bí thư thành ủy Sơn La heik pâuz: “Tas nro têx chuôz zis pluôs, chuôz zis zuôr xar pluôs, nênhs muôx côngz têz qơưk....thiêz chor chuôz zis tsi muôx vax tsêr truôx khor nhoz cux zuôr tâu paz uô tsêr nhoz hur si”.

            Nhiv no, tỉnh Sơn La tsênhv yuôr 2 cxênhz ntâu chuôz zis zuôr tsuv tâu paz cxiv uô yiêz tsêr nhoz thiêz kho đuô xar muôx 300 luz, xav nhiêx txiêx paz uô tsêr nhoz trâu têx chuôz zis li heik sâuv tas 130 tyv đeiv ntâu. Thax tsav tox siêz đêz đrôngs, ntus đriv tsênhv yuôr ntâu txov nhêv, taz sik Sơn La xav tinhv luôs hâux lưv uô co hâur thax tsav lok six zov chênhr, hu lơưk tas nro côngv thôngx sơưr đơưk sik đros paz, côngv têk uô chiê sir jos uô tiêr tsêr nhoz trâu têx chuôz zis pluôs, chuôz zis txov nhêv uô ntêx hnuz 19/5 shông no./.

Lê Hạnh-Riê Lâux cxeik, nhênhv