Yên Bái huiz tôngv pêx xênhv sik đros uô cêr muk lol jêx jok

          Văn Yên zos huyện tox siêz hâur tỉnh Yên Bái, muôx 25 xã, thị trấn, hâur co ntâu xã zos xã txov nhêv. Chiê paz thax tsav txov nhêv huôv tsar kinh tế-xã hội, cxuz cêr pluôs sei thiêz truôx, huyện tưz sir jos hu zâuv cxuô pênhr jos chiê huôv tsar thiêz uô têx cêr jêx jok cov đar, zôngx ziv muk lol.

          Đros trâu têx li heik co, Văn Yên tsênhv vênhv tôngv pêx xênhv paz hnuz côngz lox tôngv, muôz ar liêx têz thiêz nhiêx txiêx chiê krêz uô cêr jêx jok cov đar jông muk lol. Tix lâus Chung Xênhv Cưr, nhoz jok Trung Tâm, xã Mỏ Vàng heik pâuz: Thâuv muôx tsưr ziv krêz uô cêr jêx jok cov đar li heik sâuv, tix lâus chuôz zis cux xưk li tsôngv box sơưr đơưk nhoz no tưz muôz yênhx cxênhz xưv phaz ar, ntor yênhx cxênhz tsoz ntông ciêv fix chiê krêz uô cêr muk lol, muôx kênh chuôz zis muôz xav uô nhiêx mak tas nhos 500 tsov đeiv: “Cur chuôz zis tưz nhoz uô nênhx ntơưv no txix shông 1980 tax txos nhiv no. Thâuv ntêx tsi muôx cêr jông muk lol, sơưr đơưk tsuv muk têx cêr mê grêiv ndê trôngz ndê har, chor tuz nhuôs muk cơưv ntơưr lok cux lok six phiv liv cơưk. Nhiv no Đảng, têz qơưk muôx tsưr ziv krêz uô cêr tuôx no, tsôngv box sơưr đơưk lênhx tưs cux shir phaz, jông siêz hlo muôz ar liêx têz chiê krêz uô cêr cov đar zôngx ziv muk lol huôv tsar uô nox, cux iz zav li têx nhuôs muk cơưv ntâuz cơưv ntơưr tsi yuô phiv liv”.

        Huôv tsar uô cêr muk lol jêx jok hâur huyện Văn Yên phênhv ntâu zos uô hâur têx xã li: Lang Thíp, Châu Quế Hạ,, Mỏ Vàng, Nà Hẩu, Phong Dụ Thượng, Đại Sơn, Tân Hợp…., têx thax tsav tsênhv yuôr ntâu txov nhêv. Iz chas co, huyện cux tsov cưv trâu têx xã uô zuôr tiêr luôs hâux lưv cxiv tsa jêx jok yiêz hâur niêx shông.

Chiê uô tâu luôs hâux lưv tso tơưv, niêx shông huyện puôr lênhx qênhz shuôs, cxiv tsa tsưr ziv, choz hâux lưv thiêz phênhz pênhr tsênhv tsênhz trâu yênhx xã. Zơưv Đỗ Cao Quyền, Bí thư Đảng ủy xã Mỏ Vàng, huyện Văn Yên heik pâuz: “Trơưk li tsưr ziv, ntu iz shông 2023, xã Mỏ Vàng tâu huyện Văn Yên cir ntơưr cxiv uô 4.300 ntâu cêik cêr luôv suôz jêz xi măng jêx jok. Chiê uô tiêr hâux lưv no, ntơưv qơư xav tinhv zuôr ar luôv plas zos hâux lưv zov chênhr. Cấp ủy, hâu nov ntơưv qơư thiêz đoanx thêv tưz tso têx đoanx muk qênhz shuôs, tôngv zênhx, yax kriê txos trâu tas nro cxuô ziv chuôz zis muôx ar liêx têz jê ntus cêr, muôz ar uô cêr cov đar jông muk lol”.

          Tỉnh Yên Bái sir jos ntu 2021-2025 cxiv uô nzir 2 cxênhz cêik cêr, tsar ndê têx cêr tâu luôv suôz jêz, xi măng jông muk lol xar muôx 6 cxênhz cêik, hâur hur si zuôr xar 8 cxênhz cêik cêr muk lol jêx jok hâur tas nro tỉnh, tax 75%.

           Ciês huyện Văn Yên muôx 1.300 ntâu cêik cêr muk lol jêx jok, nhiv no muôx nhos 60% tưz tâu cxiv uô jông. Hâur ntu 2021-2025, huyện sir jos uô cov 300 ntâu cêik luôv suôz jêz, xi măng, đar 5 thiêr tror zar sâuv. Xuz thơưx hâur shông 2023, huyện tso tơưv hâux lưv uô 100 ntâu cêik cêr muk lol luôv suôz jêz, xi măng. Zơưv Lưu Trung kiên, Phưv Chủ tịch Ủy ban huyện Văn Yên, tỉnh Yên Bái heik pâuz: “Hâur ntu uô cêr, huyện Văn Yên tưz tsưv ziv txos huiz tôngv, uô uô cê têx pênhr jos txix nhiêx txiêx têz qơưk thiêz têx pênhr txơưr đuô, doanh nghiệp, pêx xênhv sik đros paz chiê uô cêr muk lol jêx jok. Lar heik, tsưv ziv thiêz sir jos gra siêz tsôngv pêx xênhv li pưs txux, vênhv tôngv tsôngv niêv txir lax pêx xênhv đros gôngr nhiêx, paz hnuz côngz, muôz ar liêx têz chiê uô têx cêr muk lol hâur zuk jêx jok”.

         Cêr muk lol thiêz côngz trênhx zoz thôngz muôx pưs txux jông, tâu pir li ngênhx kinh tế zov chênhr, cxơưz paz cxuz cêr yeiz pluôs. Viv muôx cêr muk txos tưs, pêx xênhv, thax tsav qơư co huôv tsar txos ntơư. Chênhr viv li, huôv tsar côngz trênhx thiêz cxiv uô jông têx cêr muk lol chênhr zos iz hâur têx zov chênhr paz Văn Yên nzor uô tiêr luôs hâux lưv huôv tsar kinh tế-xã hội trơưk Nghị quyết Đại hội Đảng bộ huyện jiês tiv 16, six cxiv 2020-2025, hâur co muôx tsưr ziv yênhx huyện jông jav, huôv tsar lok shông 2024./. 

                              (Thừa Xuân-Riê Lâux cxeik, nhênhv)