LÀO CAI SIR JOS RO TSOZ CHOS ZAX ZÊNHZ POR TSÊS

          Tuêv 4, phường Sa Pả zos qơư cuz nxor lok chos zax zênhz nhoz thị xã Sa Pa. Liv zôngv liêx têz nhoz đêz tsêr, iz cxiê ziv chuôz zis tưz nhiês chos zax zênhz. Muôx têx lênhx nhiês chos ciês hâur têx vax chos jâuz nhoz jê tsêr, zơưv Thào A Kế cux chos zax zênhz hâur vax. Thâuv trâus qênhz pov, yưr lir, zơưv Kế heik: “Cur chos uô yuôx puz buô, keiz, nhux thiêz uô yuôx kho moz plaz xưz”.

          Txix zơưv Kế li hâux lưv uô co, Công an phường Sa Pả, thị xã Sa Pa tưz xưv phuôv hành chính thiêz heik zơưv cir ntơưr tsi tror chos zax zênhz.

          Tiếng động....

          Txix shông 2022 txos nhiv no, ntơưv phường Sa Pả, lưx lươngv công an tưz pov, yưr lir 8 txuz đros 7 lênhx nênhs muôx lênhx coaz txos hâux lưv chos, thâux gra thiêz muôv muôs zax zênhz; sâu tâu 2 cxênhz 500 tsoz zax zênhz lox zâu. Thượng úy Nguyễn Văn Học- Phưv tsar Công an phường Sa Pả puz pâuz: “Đros hâux lưv chos tsơưs đuô 500 tsoz zax zênhz, công an phường yênhx lix tuêv côngz xưv uô ntâuz ntơưr yưr lir lơưr pháp luật li cui tênhv thiêz heik tsôngv box cir ntơưr tsi tror chos zax zênhz. Đros têx txuz chos ntâu đuô 500 tsoz mak công an phường zuôr sik côngv qênhz yuôx, công an thị xã qênhz yuôx uô ntâuz ntơưr chiê yưr lir lơưr pháp luật li cui tênhv”.

          Lơưr chiz coaz muôx txơưx jênhv, jê ntơưv no hâux lưv muôv muôs, thâux gra zax zênhz thiêz chos zax zênhz sâuv thax tsav chuôz ndê. Viv li, Công an tỉnh Lào Cai tưz chox kriê công an tiv phaz chuôz tsar seiz car, pov thiêz ruôr yênhx côngz, yưr lir têx lênhx nênhs uô cxâuv. Thượng tá Đỗ Mạnh Tiến- Tsar phongx cảnh sát qênhz yuôx nênhs phamv cxâuv lok zax zênhz, Công an tỉnh Lào Cai puz pâuz: “Pêz chox kriê têx lưx lươngv, tiv zix zos công an xã seiz car jông jêx jos, truôx siêz heik pox nhuôk ntor luôx por tsês zax zênhz tưz chos. Đrâuv co pov thiêz tir tar hâux lưv muôv muôs zax zênhz, phax tar tơưv txênhz nênhs phamv cxâuv muôx lênhx coaz txos zax zênhz”

          Qênhx shênhx tsôngv box nhiês chos zax zênhz tsênhv six fênhx muôx yưv nhoz iz cxiê thax tsav tỉnh Lào Cai. Viv li, đros thiêz cxơưz tiês côngz xưv yax mông, tsuv muôx têx tsưr ziv zov chênhr đuô chiê txu grês thiêz tso tsês qênhx shênhx no nhoz tiv phaz./.

(CTV Trung Kiên-Txâur Vax cxeik nhênhv)

Têx tsưr ziv phax tar trâus kâus yar ntux hâur chêix ntux sor

         Thâuv jêx tưv ndê siêz, jông đuô mak tsuv nhoz hâur têx qơư muôx nzôngr nzông thiêz lax.

       Zos tsuv tơưv đrâuv jôngr thâuv muôx yar ntux cuz sor, mak tsuv uô lơưr têx tsưr ziv phax tar trâus kâus yar ntux cux sor li đrav kaz:

       Hâuk nzir têx zav cuô đêx txir ntông chiê paz luz chêr tsik yuô cuz sor hâur têx hnuz yar ntux cuz sor.

        Hnar têx trik yo lax, têx trik yo por vêv lox tôngv, ntông câuk mov, chox tsov iêr đuz…

       Hâuk nzir đêx. Chiê phax tar trâus pôngz plox đêx, tsuv hâuk tsơưs tiv zix 1,5 lir đêx đơưz, cuô đêx txir ntông lok sik cuô têx txir kok yênhx hnuz. Zuôr hâuk tâu têx zav đêx hâuk thể thao muôx ntâu tsơưr paz trâu luz chêr hâur têx hnuz jêx tưv ndê siêz thiêz nông grêk tsơưs.

       Tsik uô hâux lưv ntêr hâur yar ntux cuz lok sik uô hâux lưv ntêr hâur tênhv qơư sor cuz, tsik uô têx huôx tôngv pôngz tas ntâu đas jos. Tsuv nhoz so đhâu 45 phênhz lok sik 1 six hơưv uô hâux lưv tsik so ntơưv têx qơư muôx yar ntux cuz sor, nhoz so ntơưv têx qơư muôx nzôngr nzông, lax nziês txix 10-15 phênhz.

      Thâuv nhiv kruôr muk tir yar ntux cuz lok, no zos six hơưv luz chêr lok ntâu hưk, jêx tưv đros chêr siêz, zos đa đêx ciês mak zuôr uô trâu jêx tưv luz chêr grêk kik sêi, lok six phiv liv, zôngx ziv trâus tơưs têx lênhs nyar hlưz hâu.

Nhạc cắt

        Uô têx tsưr ziv phax tar nzir thâuv uô thể dục lok sik uô hâux lưv saz đrâuv jôngr. Zuôr hâuk tâu muôx 700 ml đêx uô ntêx oz six hơưv thâuv zuôr uô thể dục thiêz njuôk xav cxaz nzir muôx 250ml đêx lok sik têx zav đêx hâuk thể thao uô ntêx ciês thâuv zuôr uô thể dục. Thâuv uô thể dục, đhâu 20 phênhv mak  hâuk nzir 250 ml đêx txơưv tiêk tsik nkrik đêx.

       Hlôngr đuô lok sik tso tsês têx huôx tôngv đrâuv jôngr hâur têx hnuz yar ntux cuz sor. Tsuv hlôngr đuô têx huôx tôngv đrâuv jôngr trâu têx ntu lax đuô hâur hnuz xưk li thâuv sơưr nzor lok sik zuôr tsâuk ntux.

       Tsik hâuk têx zav đêx hâuk muôx caffeine lok sik chơưr, viv têx tsơưr no zuôr uô trâu luz chêr trâus pôngz plox đêx sêi thiêz ntâu đuô.

       Tsik tơưv ntâu đrâuv jôngr thâuv yar ntux cuz sor. Paz muôx qơư lax nziês hâur tsêr, muôx ntâuz thêir vor têx kror trêi zos yar ntux cuz lok hâur tsêr thâuv six hơưv yar ntux cuz sor tiv zix hâur hnuz.

       Tsik chiê chor nhuôs zâu lok sik lênhx nênhs tưs nhoz hâur yêz lox thâuv yêz đrêk thiêz tuô mêir, hâur qiv hơưv sor cuz, txơưv tiêk nhoz iz mê njil xưz, tiv jêx tưv hâur yêz zuôr chuôz ndê muôx 11 tưv ntâu tsuôk hâur 10 phênhz./.

Tòng Anh-Lik Thox cxêik nhênhv