Muôx tsi txâuk suôz jêz, ntâu doanh nghiệp nhoz Lai Châu siz zâuv jov, yâu têx poz jêz chiê uô hmôngr suôz jêz cxiv uô côngz trênhx

Muôx tsi txâuk suôz jêz cxiv uô vax tsêr, uô têx côngz trênhx nhiv no tsênhv zos iz kro phiv liv nhoz tỉnh tox siêz Lai Châu, suôv qơư tsênhv taz tov cxiv tsa ntâu têx côngz trênhx chiê huôv tsar. Têx li heik co uô ruôr hiêv txos yênhx puô côngz trênhx sir zôngv pênhr nhiêx têz qơưk, hâur co muôx côngz trênhx nhoz têz qơưk 3 tsaz yênhx, phênhv ntâu ntơưv thax tsav tox siêz đêz đrôngs. Thiêz têx muôx tsi txâuk suôz jêz cxiv tsa li nhiv no tsênhv uô phiv liv trâu tas nro tsưr yưv pênhr uô thiêz lênhx nênhs cxiv tsa côngz trênhx.

Trơưk li tuz sâuv xor xưv pâuz, nhiv no nhoz Lai Châu muôx 5 qơư tâu tso chei krêz yâu têx suôz jêz, iz shông xav hur si tax nhos 45 cxênhz yiv đruôz. Chor qơư krêz yâu suôz jêz co puôr lênhx zos ntơưv têx tus đêx hâur huyện Phong Thổ, Sìn Hồ, Nậm nhùn, Tân Uyên thiêz chor qơư yâu suôz jêz no li têx suôz jêz cux tsar dnê, txo grêk lơưr yênhx ntu hâur shông.

Zơưv Nguyễn Thái Lực, Phưv Giám đốc Sở Cxiv tsa tỉnh Lai Châu heik pâuz: Đros thiêz têx côngz trênhx cxiv tsa li nhiv no, suôz jêz tsuôk txâuk uô nhos 15% côngz trênhx. Zos sir zôngv têx suôz jêz tsuv muôx ntơưr côngk nhav suôz jêz jông, chor côngz trênhx nhoz tox siêz đêz đrôngs hâur thax tsav zuôr njiz trâul ntâu phiv liv, viv nhiêx txiêx ntiêr fax thâux civ:

“Côngk nhav têx suôz jêz jông trơưk li cui tinhv, zos chor qơư krêz yâu suôz jêz thiêx pâuz tâu xưz. Iz chas co, nhoz hâur têx thax tsav li krêz yâu tâu suôz jêz chiê phưx vưv cxiv tsa côngz trênhx, zos six cui tinhv li no, chor côngz trênhx nhoz tox siêz đêz đrôngs tsuv sir zôngv suôz jêz tưz tâu côngk nhav zos suôz jêz jông chiê cxiv tsa. Uô li ntơư zuôr uô nhiêx txiêx ntiêr fax thâux lok six civ, uô tsar ndê phênhv pênhr yưv uô”.

Trơưk li zơưv Nguyễn  Quang Khoa, Giám đốc Ban seiz car dưv anr yưv pênhr cxiv tsa têx côngz trênhx Dân dụng thiêz Công nghiệp tỉnh Lai Châu heik pâuz: Shông 2023, taz viv tâu choz seiz car 18 côngz trênhx krêz uô yiêz thiêz tsênhv taz tov cxiv tsa tsi tâu tâu tiêr, xav hur si pênhr yưv uô tas muôx nhos 286 tyv đeiv. Nhiv no taz viv muôx nhos 10 côngz trênhx tsênhv bax zuôr cxiv tsa thiêz phênhv ntâu chor côngz trênhx co nhoz đêz. Trơưk taz viv njuôk xav, zos côngz trênhx nhoz đêz qơư krêz yâu suôz jêz li heik sâuv, tsi tâu muôx 30 cêik mak gri suôz jêz zuôr tsar ndê txix 1,4 txos 1,5 jiês:

“Hâur ntu đhâu têx suôz jêz tsi txâuk phưx vưv cxiv tsa côngz trênhx tsênhv muôx têx cik txos muôx tsi txâuk pênhr yưv uô. Uô trâu têx côngz trênhx thâuv krêz côngz cxiv uô tsuv xav txos tsưr ziv zuôr têx suôz jêz đêz thâux lok. Iz zav li iz cxiê thax tsav huyện Mường Tè, cxiv tsa têx côngz trênhx hâur xã thâuv njuôk xav cxiv uô, cik txos nhiêx fax thâux têx chuôz laov, uô tsar ndê tas ntâu nhiêx txiêx”.

Ntơưv huyện Tân Uyên, thax tsav muôx iz qơư krêz yâu suôz jêz, iz shông yâu tâu 10 cxênhz yiv đruôz, txơưv txâuk phưv vưv cxiv tsa côngz trênhx taz sik ho muôx iz kro txơưr, co zos chor nênhs yưv pênhr uô thiêz doanh nghiệp tsi xar zôngv txos têx suôz jêz no, tsênhv muôz muôs ntơưv qơư txix 210-270 cxênhz đeiv iz yiv đruôz, hok suôz jêz công nghiệp mak gri civ đuô txix 300 cxênhz đeiv iz yiv đruôz. Chênhr txix têx suôz jêz công nghiệp gri siêz li ntơư thiêz tsênhv tâu ntâu côngz trênhx sir zôngv, tưz uô ntâu qơư tsông poz jêz hâur thax tsav qơư muôz têx poz jêz jov, yâu uô suôz jêz muôs tsi trơưk chei.

Zơưv Ngô Xuân Hùng, Phưv Giám đốc Sở đêx ar thiêz tênhx qơư tỉnh Lai Châu heik pâuz: Nhiv no hâur thax tsav muôx 22 qơư tsông poz jêz tâu tso chei krêz uô thiêz tsuôk muôx công ty Lương Việt li iz qơư tsông poz jêz Sùng Chô 2, ntơưv xã Sùng Phài, TP Lai Châu tâu tso chei jov têx poz jêz li heik sâuv uô suôz jêz xưz. Yuôr đuô li mak tsi tâu tso chei:

“Lok sâuv doanh nghiệp li txơưx jênhv zos tsuv uô trơưk têx ntâuz ntơưr. Hâur chor ntâuz ntơưr seiz car co zos heik doanh nghiệp uô lơưr jông ntơưr tso chei têx cui tinhv; hâur ntơư têx suôz jêz uô tâu cux trơưk li cui tinhv. Lok sâuv doanh nghiệp tsiv uô têx xiv huv tsi trơưk ntơưr tso chei li tsênhv njiêz zos tsi uô lơưr cui tinhv. Taz sik, tsênhv njiêz no nhiv nor chei xưv bluô tsênhv tsi tâu tsênhz mênhx, chênhr zos li co, uô ntêx pêz zuôr heik têx doanh nghiệp uô trơưk têx ntâuz ntơưr chiê heik trâu cơ quan muôx vax huôv tso chei”.

Têx muôx tsi txâuk suôz jêz cxiv tsa nhoz Lai Châu tsi tiêk uô têx côngz trênhx tsar ndê gri thiêz muôx yưv qênhx shênhx tsông, jov poz jêz uô suôz jêz tsi trơưk chei. Têx li heik co tsênhv uô ntâu lênhx nênhs yưv pênhr côngz cxiv tsa têx côngz trênhx nhoz tox siêz đêz đrôngs zuôr chor côngz trênhx đêx tênhv li têx suôz jêz tâu chei krêz yâu chiê phưx vưv cxiv tsa, txo grêk tsơưs nhiêx txiêx cxiv uô côngz trênhx. Têx li heik co uô ruôr hiêv txos tsơưr lươngv côngz trênhx đhâu cxiv uô tiêr, uô tuôr xuôv têx chuôz laov cxiv tsa ntơưv qơư./.

Khắc Kiên-Riê Lâux cxeik nhênhv 

Điện Biên: Kho đuô Chei ar têz tsuv tsov cưv txos côngz xưv car chêx luôk hâux lưv txơưr

          Ciês thâuv Chính phuv tso tơưv Nghị quyết số 170 lok hâux lưv sâu zuôr ziv chênhv tsôngv box đros dự thảo Chei ar têz (kho đuô), Luật sư Lê Đình Thu, Văn phongx Luật sư Công lý, đoanx luật sư tỉnh Điện Biên tưz tsês ntâu six hơưv chiê nhênhz chơưv dự thảo Chei thiêz cxaz chuôz ziv gôngr ziv chênhv.

          Lơưr co, iz hâur têx vênhv thix tâu zơưv tsov cưv zos vênhv thix car chêx têx luôk hâux lưv muôx lênhx coaz. Lơưr Luật sư Lê Đình Thu, tsuv kho đuô điểm b, khoản 2, grê 85 hâur ntâuz ntơưr dự thảo. Viv lơưr dự thảo mak nhiv no, UB cấp xã tsuôk muôx txơưx jênhv sik côngv, yuôr têx chiz coaz, tsưr tsix lov lik mak tsuv muôx txơưx jênhv uô hâux lưv car chêx têx luôk hâux lưv cik txos. Viv li thâuv uô tsênhv tsênhz txix tiv phaz zuôr muôx ntâu kror tsi huv đros, txix co uô trâu qênhx shênhx car chêx luôk hâux lưv cik txos tâu krêz uô kênhz:

          “Nênhs seiz car têz qơưk lok ar têz nhoz ntơưv qơư mak pâuz tâu cxuô luôk hâux lưv muôx lênhx coaz txos ar têz nhoz ntơưv thax tsav. Taz sik thâuv pâux nzir, car chêx luôk hâux lưv cik txos mak lơưr ho tsi muôx qênhx chiê xav jênhv lok hâur pâus ar têz, nênhs sir zôngv ar. Txix co uô tsôngv box tsi jông siêz, uô hâux lưv car chêx luôk hâux lưv txơưr tâu krêz uô kênhz. Viv li thix ziv tsuv cxaz nzir lok hâur điểm b khoản 2 iz njiêz luv zos UB cấp xã li txơưx jênhv, txơưx jênhv xav tênhv hâur pâus ar têz, zav ar, lênhx nênhs trâus sênhv ar uô ntêx thâuv uô hâux lưv njuôs siv”.

          Cux muôx ziv chênhv lok côngz xưv car chêx luôk hâux lưv lok ar têz hâur dự thảo Chei ar têz (kho đô), pos Phạm Thị Sáu, Phưv giám đốc Tsênhv qơư paz txưv pháp lý tỉnh Điện Biên cux muôx ziv chênhv cxaz chuôz lok khoản 2, Grê 72 lok thôngz pov sâu ar thiez uô cuiz tênhv sâu ar viv côx phax txiv ngaz, huôv tsar KTXH, viv liv zix têz qơưk. Txix co chiê taz por đuô njiêz luv hâur dự thảo Chei ar têz (Kho đuô) tâu cxix cxuô thâuv muôx lênhx coaz txos hâux lưv thôngz pov sâu ar thiêz uô thôngz pov sâu ar:

          “Thix ziv cxaz nzir têx njiêz luv thâuv thôngz pov sâu ar uô ntêx six hơưv cui tênhv tsuv muôx lênhx nênhs trâus sâu ar li ntâuz ntơưr xav jênhv. Hâux lưv no taz por dự thảo ntâuz ntơưr cxix cxuô đuô, cux xưk li hâur ntu krêz uô mak zôngx ziv đuô. Viv hâux lưv no muôx lênhx coaz txos tsôngv box thâuv trâus sâu ar, pâux nzir thiêz bax qơư nhoz yiêz trâu tsôngv box”.

          Ntu đhâu, tỉnh Điện Biên muôx ntâu dự án krêz uô kênhz, muôx têx truz ntêr ntâu shông pir đros tsưr ziv tso tơưv li: Dự án cêr 60 yiv, dự án cxix luôk kỹ thuật qơư uô côngz xưv, qơư công côngv, qơư muôv muôs jix vuv buôk ntus cêr 60 yiv; dự án kho đuô qar yêz za Điện Biên mak qir tiv phênhv ntâu zos kênhz car chêx tâu têx phêv liv hâur côngz xưv pâux nzir ar têz, tsưr thâux tsi muôx ar chiê uô dự án. Txix tsênhv tsênhz co, tỉnh Điện Biên li têx ziv chênhv gôngr lok dự thảo Chei ar têz (kho đuô) tsênhv tsov cưv txos vênhv thix car chêx luôk hâux lưv muôx lênhx coaz txos ar têz, taz por tsôngv box trâus sâu ar li qênhx liv, lok six zuôr trâus tâu sâu jênhv./.

(Vũ Lợi-Txâur Vax cxeik nhênhv)