Hlôngr yiêz têx thành phố, thị xã nhoz Sơn La

            Hâur 2 luz hli hâur shôngk shông, thị xar Mộc Châu tưz tok muôx 1 triệu ntâu lênhx kruô, phênhv sâu xar hôiv tâu muôx 1.300 tiv đêiv ntâu. Mộc Châu tsik so tâu nriêr pâuz txos sâuv bản đồ du lịch Việt Nam thiêz ntiêx têz viv muôx ntâu qơư jông jav; đros co zos chor tsưr homestay, tsêr kruô nhoz so, nox hâuk muôx txơưx jênhv, sir jos txoz cxơưx trâu tsôngv kruô txos trâu chor ziv chuôz zis cux paz qơư nhoz pư trâu tsôngv kruô hâur têx hnuz muôx chôngz nênhs tuôs ndis shuôk uô si. Tix lâus Hoàng Mạnh Duy, Phưv Giám đốc qơư du lịch Mộc Châu Island hêik pâuz: “No zos iz hâur têx kror lok six jông chiê paz trâu nganhx du lịch huôv tsar, cêr vax tsêr cxuô zav tâu yưv pênhr cxix cxuô zuôr zos iz hâur têx kror zov chênhr chiê paz cxơưz cxiz, zaz zâuv tsôngv kruô cxuô qơư tuôx trâu Mộc Châu… txix têx cêr, tsơưr lươngv dịch vuv chor qơư nhoz so, qơư du lịch cux zuôr tâu cxiv kho cov jông đuô”.

             Tưz tsik zos hâur đrôngs, luz nênhx xênhz huôx, lox tôngv, cơưv ntơưr nhoz thax tsav tox siêz, đêz đrôngs, thax tsav ntus đriv ntơưv Mộc Châu cux hlôngr yiêz ntâu. Xưk hâur tơư trôngz Pha Luông, buôs ti ntus đriv đros têz qơưk Lào, qơư luz nênhx tsênhv yuôr ntâu txov nhêv, hâux lưv hêik chiê têx tuz nhuôs tuôx cơưv ntơưr tưz muôx ntu zos iz kror lax uô… Nhiv no, cưk kriê ntơưr thiêz shux xênhz li têx tsêr lớp cơưv ntơưr ntơưv tsêr cơưv Pha Luông, nhoz tsêr cơưv Cxênhx iz Chiềng Sơn, xar Chiềng Sơn tâu yưv pênhr uô ziv hnuz ziv lox jông; yênhx lênhx canr bôv, cưk kriê ntơưr cux sir jos hlôngr yiêz zuk, jux juk paz trâu zoz zux nhoz têx đrôngs thiêz têx thax tsav txov nhêv tsik sik txơưr ntâu.

            Cưk kriê Bùi Thị Thưởng, tsêr cơưv Pha Luông, nhoz Tsêr cơưv Cxênhx iz Chiềng Sơn, xar Chiềng Sơn hêik pâuz: “Têx tsêr lớp cơưv ntơưr cux tâu cxiv kho jông đuô lok six ntâu, xưk li pêz nhiv no muôx ti vi, mêir tính chiê kriê ntơưr, chor shux xênhz tâu njiê pov ciês têx kror tsênhv tsênhz, paz trâu chor shux xênhz cơưv tâu ntơưr jông đuô. Pêz cux tưz cơưv shâuv nzir txux chi, tsưr ziv uô hâux lưv, tiv zix zos công nghệ thôngz mông chiê  kriê ntơưr trâu shux xênhz tâu uô jông đuô”.

               Lơưr Ủy ban Thường vụ Côx hôiv li Nghị quyết tâu uô trơưk txix hnuz 1/2, thị xar Mộc Châu tâu yênhx lix lơưr tas nro têx đêx ar thiêz dân sôr muôx nhoz huyện Mộc Châu, đros muôx 8 phường thiêz 7 xar.

            Hâux lưv hlôngr đuô tsưr ziv sêiz car taz viv hành chính txix chinhr quyền jêx jok trâu taz viv hành chính zos đrôngs, muôx phêiz, chiê lok uô cê ntâu taz viv hành chính cấp xar yênhx chor phường, chor xar… uô trâu Mộc Châu tsuv sir jos chiê kriz uô cov tâu têx hâux lưv lox. Taz sik, Mộc Châu tưz sêi đrơưv truôx tuk têx huôx tôngv cxuô cấp thiêz tror phuôx huiz cxuô kror liv chiê hlôngr yiêz zuk, huôv tsar đuô. Pos Nguyễn Thị Hoa, Phưv Chủ tịch Ủy ban thị xar Mộc Châu khav tênhv: “Pêz xav jênhv no zos kror liv lox chiê Mộc Châu huôv tsar hâur ntu zuôr txos: txơưx jênhv cux siêz đuô hâur tuôr tsês chiê, phuôx huiz têx tsiv gri nhiv no Mộc Châu tsênhv muôx. Pêz cux vav tiêk Mộc Châu ntu tov ntêx no zuôr muôx nzir têx pênhr jos lox chiê paz trâu huôv tsar kinh têr, xar hôiv, hâur co tsênhv njiêz zos huôv tsar du lịch”.

           16 taz viv hành chính cấp xar nhoz 5 huyện Phù Yên, Thuận Châu, Yên Châu, Sông Mã, Quỳnh Nhai tỉnh Sơn La cux tâu kho đuô, chiê lok uô cê, phưx vưv trâu hâux lưv yênhx lix thiêz kriz đar chor thị trấn.

           Tâu chiê lok uô cê txix pêz taz viv hành chính zos xar Quang Huy, xar Huy Bắc thiêz thị trấn Phù Yên – Thị trấn Quang Huy, đros muôx 25 tiểu khu thiêz 21 cxênhz ntâu lênhx nênhs, zos yênhx huyện Phù Yên, tỉnh Sơn La li luz đrôngs lox. Đhâu ciês truôx tuk tâu tsưr tsix bôv mêir, cấp ủy, chinhr quyền thị trấn Quang Huy tưz sêi đrơưv kriz uô ciês têx jênhv vưv ntơưv thax tsav qơư. Zơưv Bạc Cầm Đoàn, Chủ tịch Ủy ban thị trấn Quang Huy, huyện Phù Yên, tỉnh Sơn La puz pâuz: “Pêz zuôr tror kriz uô têx tsưr ziv, kriz uô huôv tsar kinh têr xar hôiv, ndar txos Đại hôiv Đảng cxuô cấp. Thị trấn zuôr tror cxiv tsa tsưr ziv huôv tsar kinh têr xar hôiv chiê cxiv tsa thị trấn Quang Huy huôv tsar tâu têx kror liv, nzor paz trâu thị trấn zos yênhx đô thị vav mênhx”.

            Đhâu cxiv kho đuô, tỉnh Sơn La muôx 12 taz viv hành chính cấp huyện, zos 10 huyện, 1 thị xar thiêz 1 thành phố; 200 taz viv hành chính cấp xar, đros muôx 177 xar, 15 phường thiêz 8 thị trấn; tsuôk yuôr 2 huyện tsik muôx thị trấn zos huyện Sốp Cộp thiêz huyện Vân Hồ./.

Lê Hạnh-Lik Thox cxêik nhênhv

Jok Cho Ngàn Vắng muôx luz nênhx tsâu sor khov chos ciêv fix

            Muk txos thax tsav chos ciêv fix Ngàn Vắng, xã Xuân Tầm, huyện Văn Yên, tỉnh Yên Bái, khênhr tâu sơưr đơưk heik ntâu txos tsôngv box Cho nhoz suôv qơư no chos ciêv fix huôv tsar uô bluô nux. Lar heik li: Triệu Tò Lụ, Bàn Phúc Vi, Bàn Hữu Vượng, Triều Tài Hiện, Triệu Tiến Thăng têx chuôz zis, iz shông muôx phênhv sâu tâu 2, 3 puôk tsov đeiv txix chos ciêv fix.

           Pos Triệu Thị Nhị nhoz jok Ngàn Vắng, xã Xuân Tầm, huyện Văn Yên, tỉnh Yên Bái ndo đuô: Thâuv ntêx tsôngv box Cho jok Ngàn Vắng lok six txov nhêv, luz nênhx tsuôk pâuz tok txos têx kôngz xưz, viv li tsi huôv tsar. Taz sik đros thiêz sir jos khưr, hlôngr yiêz tsưr ziv uô nox, huôv tsar chos ciêv fix chiê  muôx phênhv sâu tâu, pos chuôz zis thiêz tsôngv cưr tix nênhx tsa hâur jok tưz hla đhâu yeiz pluôs: “Thâuv ntêx nênhs Cho Ngàn Vắng luz nênhx lok six txov nhêv cơưk, taz sik khov tsoz chos ciêv fix, nhiv no tưz hlôngr yiêz lok six ntâu lơưv, muôx nox muôx tsês, têx tuz nhuôs tâu muk cơưv ntâuz ntơưr cxix cxuô. Chuôz zis tưz cxiv uô tâu vax tsêr truôx khor nhoz, cur chuôz zis lok six jông siêz thiêz shir phaz hênhr”.

            Jok Ngàn Vắng muôx 75 chuôz zis mak tas nro 75 chuôz zis co puôr lênhx chos ciêv fix, têx ziv chos ntâu muôx txos 10-15 ha, ziv chos tâu tsơưs cux muôx 1-2 ha. Têx shông thâuv ntêx, muôx kênh ntu ciêv fix tâu gri mak 30 cxênhz đeiv iz cir têr tơưr; chês thiêz blôngx ciêv fix cux tâu tsôngv box khơưk sâu muôs hur si. Shông no txơưv tsi yuô tâu gri taz sik cux paz tsôngv box muôx nzir phênhv sâu tâu. Khov tsoz chos ciêv fix, tas nro jok muôx 95% chuôz zis tưz cxiv uô tâu vax tsêr truôx khor nhoz. Ntâu chuôz zis tưz zuôr tâu yêz ô tô, đros ntâu zav chuôz zênhx jông phưx vưv xênhz huôx.... Zơưv Triệu Tài Hương-Bí thư Đảng ủy xã Xuân Tầm, huyện Văn Yên, tỉnh Yên Bái khav tinhv: “Têx shông thâuv ntêx, Ngàn Vắng tsênhv zos iz jok lok six txov nhêv. Taz sik khov sơưr đơưk sik thôngx siêz, sir jos khưr huôv tsar uô nox, siz paz siz hluz. Lar heik 2, 3 shông jê lok no, tsoz chos ciêv fix tâu chos hâur thax tsav jok Ngàn Vắng thiêz yênhx tsoz chos chênhr, paz pêx xênhv cxuz cêr yeiz pluôs. Txos nhiv no tưz yênhx jok huôv tsar đuô lok six ntâu pir li 2 chas thax tsav đrâuv. Zuôr xar 100% chuôz zis pêx xênhv cxiv uô tâu vax tsêr truôx khor, yuôr iz chuôs zis pluôs xưz”.

           Trơưk li zơưv Triệu Tòn Yết-Bí thư chi bộ jok Ngàn Vắng: Khov hâu nov ntơưv qơư muôx tsưr ziv jông kriê pêx xênhv uô nox tưz paz sơưr đơưk xeir tâu zuz nôngz tsoz chos, tsiêx tu zus huv đros ntơưv qơư; chor đảng viên cêr uô ntêx nyuôs, muôx tsưr ziv jông, car xar car uô nhoz Ngàn Vắng thiêz tsôngv box thax tsav qơư no têx sir jos tưz cxơưz siz paz Ngàn Vắng uô tâu têx jông li nhiv no.

             Đros tsoz chos ciêv fix huv đros thax tsav qơư, hloz lox thiêz huôv tsar jông, thiêz uô trơưk têx tsưr ziv yiêz lok chos, tu chênhr viv li ciêv fix tưz lox sei njuôz têx tox trôngz câuv har. Chor tsưr ziv huôv tsar uô nox txix ciêv fix tưz jux juk tâu yênhx lix thiêz huôv tsar truôx: “Khov muôx Đảng, têz qơưk thiêz hâu nov ntơưv qơư kriê pêx xênhv huôv tsar uô nox, nhiv no tsôngv box Cho hâur jok Ngàn Vắng tưz hla đhâu yeiz pluôs, sir jos uô bluô nux sâuv chênhr zuk thax tsav qơư nhoz. Hâur ntu zuôr txos, pêz tror yax kriê tsôngv box Cho uô lơưr têx tsưr ziv uô nox yiêz chiê tu têx tsoz chos ciêv fix, cov ziv hnuz ziv muôx ntâu xiv huv ciêv fix jông, gra lok phênhv sâu tâu siêz trâu pêx xênhv”.

           Luz nênhx tsâu sor, vav mênhx đuô, tsôngv box Cho Ngàn Vắng ziv moz siêz đros por hưv, tuôr tsês zuk heir nênhs têx txux chi vênhx huôv, co zos cêr nênhx phôngz cxưx, tsôngk tril yo hnar, txux chi hu gâux, heik cưr cxiêx... Niêv lâul Triệu Thị Phấy, nhoz jok Ngàn Vắng heik: “Tsôngv box Cho uô tsâus ntâu txos Đảng, têz qơưk tưz moz siêz paz pêx xênhv chiê sơưr đơưk muôx luz nênhx tsâu sor, chuôz zis muôx cêr shir phaz. Pêz thâuv tưs tưz siz heik, uô nênhx sik thôngx siêz, siz chos cxiv tsa jêx jok ziv hnuz ziv huôv tsar, đros tsưx phưv truôx têx txux chi vênhx huôv tsi chiê pôngz plox”./.

Thiều Nghiệp-Riê Lâux cxeik, nhênhv