Lào Cai: Sir jos uô cov tiêr têx luôs hâux lưv tso tơưv hâur shông

           Zos iz hâur têx qơư trâus đêx ngaz ntâu thâuv hli 9 nhiv kruôr đhâu, taz sik khov muôx cấp ủy, chinhr quyền li têx paz ndar six hơưv, pox nhuôs xar Gia Phú, huyện Bảo Thắng, tỉnh Lào Cai li thax tsav qơư chos jâuz tsênhv piz njuôz jông jux juk, nzor muôx tâu jâuz chiê muôs sâuv ciêz đrôngs. Niêv tix Nguyễn Thị Ngọ, nhoz jok Soi Cờ phêiz kênh: “Ciês đhâu txêik tâu xar têx nhiêx paz mak pêz tưz zuôr zuz lok chos chiê đhâu 25-30 hnuz zuôr tror chos tâu trâu têx thax tsav trâus tuôs tiv đêx ngaz.

           Đhâu qênhz yuôx, têx kôngz nuv nhoz Lào Cai trâus coz chuô sôr 3 ruôr hiêv tas xar muôx 950 tiv đêiv. Lơưr zơưv Đỗ Văn Duy, Giám đốc Sở Kôngz nuv thiêz Huôv tsar tox siêz tỉnh Lào Cai, têx tsưr ziv paz, kriê kho đuô tu zus tsiêx cxu, chos kôngz lôngk đhâu muôx ntux nas đêx ngaz cuôr puôr lênhx tưz tâu kriz uô jông chiê yênhx thax tsav qơư sêi đrơưv kriz uô: “Nganhx kôngz nuv zuôr sir jos chox kriê uô chiv ntux tsâus. Lơưr tsưr ziv zos 4.500 héc ta, taz sik, tỉnh cux choz nzir trâu cxuô thax tsav qơư tsuv chos 600 héc ta poz cưk thiêz 600 héc ta jâuz chiê cxaz nzir trâu têx trâus coz chuô sôr 3 ruôr hiêv”.

            Lơưr zơưv Nguyễn Trọng Hòa, Phưv Giám đốc Sở Tsưr ziv thiêz Yưv pênhr tỉnh Lào Cai, đhâu trâus ntux nas chuô, đêx ngaz cuôr ruôr hiêv, Lào Cai tưz kho đuô têx pênhr nhiêx cov huv đros. Nhiv kruôr đhâu, tỉnh tưz txêik jênhv muôx 300 tiv đêiv ntâu paz đhâu Mặt trận Têz qơưk, 150 tiv đêiv txix nhiêx txiêx têz qơưk trung ương thiêz huiz tôngv tâu 50 triệu đêiv ntâu txix nhiêx txiêx têz qơưk tỉnh, ntâu tsênhv njiêz cux tưz tâu tso tsês: “Đrâuv têx paz txix nhiêx txiêx têz qơưk, hâur ntu zuôr txos, tỉnh Lào Cai zuôr tror huiz tôngv têx pênhr jos txơưr, đros têx kror hêik pêx xênhv, doanh nghiệp côngv đros paz chiê nzor kho đuô tâu uô nox, kinh doanh thiêz ngaz tuk xar hôiv sâuv thax tsav. Sir jos cov kho đuô tâu nzor tiv zix, tax tâu chuôz ndê 7,3% hâur shông 2024”.

            Đhâu thâuv Tỉnh ủy tso tơưv Chỉ thị 50, Ủy ban tỉnh tso tơưv sik tưr sik côngv têk kho đuô têx trâus coz chuô sôr 3 ruôr hiêv, ntâu nganhx, thax tsav qơư nhoz Lào Cai tưz sir jos uô lơưr iz hli uô nzir iz hnuz uô hâux lưv zos hnuz thưr 7 chiê gôngr côngv hnuz côngz, muôz trâu Cuiv paz trâu tsôngv box trâus ntux nas chuô, đêx ngaz cuôr ruôr hiêv. Lơưr zơưv Đỗ Bá Hùng, Phưv Chủ tịch Ủy ban huyện Bảo Thắng, phongz yaox no tưz nzor tâu hêik txos 14 xar, phường, thị trấn đros 13 phòng, ban hâur tas nro huyện thiêz tâu sơưr đơưk thôngx ziv uô: “Cơ quan tưs uô hâux lưv nzir hnuz thưr 7 zos yuôr ntâu kror hâux lưv uô tsik tâu tiêr mak zuôr uô tâu nzir 2 hnuz, 3 hnuz chiê uô tiêr tâu têx hâur lưv lơưr huyện tsưr ziv tso tơưv”.

             Hêik ntơưv Ủy ban tỉnh li jiês cơưv hâur hli 10/2024, zơưv Hoàng Quốc Khánh, Phưv Chủ tịch Ủy ban tỉnh Lào Cai hêik, đros uô jông ngaz tuk xar hôiv, chiê uô tâu luôs hâux lưv chuôz ndê, tas nro tsuv sir jos uô kho đuô tỉnh 4 hov nganhx kinh têr chênhr; uô tiêr têx cêv kuôk qơư kinh têr trôngx đriv, kho đuô thành phố Lào Cai, kho đuô qơư du lịch Y Tý; sir jos muôz têx pênhr nhiêx têz qơưk kriz uô: “Nganhx nhiêx sê, tài chính, hải quan tsuv sir jos, qênhz yuôx tas nro chor phênhv sâu zuôr sâu tâu chiê thêv trâu nhiêx txiêx têz qơưk, đros tsưur ziv zos shông no zuôr sâu tâu 12.800 tiv đêiv, paz trâu shông yiêz zos 15.500 tiv đêiv./.

An Kiên-Lik Thox cxêik nhênhv

Cxaz nzir phênhv paz so lâuk xã hôiv txix zuôr BHXH

          Lơưr co, BHXH muôx ntâu zav li: paz txưv so lâuk xã hội; BHXH zuôr trâus zuôr thiêz BHXH txưv zênhv; BH so lâuk cxaz nzir chiê ndar txos tas nro tsôngv box zuôr BHXH. Paz so lâuk lơưr Chei BHXH shông 2024 li cui tênhv (Grê 21, grê 22) zos zav BHXH muôx nhiêx txiêx têz qơưk taz por, tâu cxiv tsa sâuv tsưr ziv huôv tsar iz phênhv txix cui tênhv lok  paz txưv xã hội yênhx hli đros nênhs muôx hnuz nhôngs siêz, hâur co cui tênhv:

         1)Hov hnuz nhôngs tâu sơưv phênhv paz so lâuk xã hội kis đuô 5 shông pir đros hnuz nhôngs sơưv paz txưv xã hội yênhx hli đros nênhs muôx hnuz nhôngs siêz nhiv no, tsênhz mênhx: Tsôngv box VN txix txâuk 75 shông ndê muk mak tsi tâu sơưv nhiêx so lâuk lok sik paz txưv BHXH yênhx hli mak tâu sơưv phênhv paz txưv so lâuk xã hội. Tsôngv box VN txix txâuk 70 shông txos kis đuô 75 shông zos chuôz zis pluôk, chuôz zis zuôr xar pluôk thiêz tuôv zênhv txâuk têx tâu sơưv paz txưv so lâuk xã hội.

          2)Phênhv paz txưv so lâuk xã hội yênhx hli zos Chính phuv cui tênhv huv đros têx theox chênhv huôv tsar KTXH thiêz zênhx hangx têz qơưk li nhiêx txiêx yênhx ntu. Six hơưv 3 shông, Chính phuv uô, seiz shuôk hâux lưv hlôngr yiêz phênhv so lâuk xã hội.

           3)Nênhs txâuk theox chênhv sơưv phênhv paz so lâuk xã hội cê zos lênhx nênhs tâu sơưv phênhv paz xã hội yênhx hli mak tâu sơưv chế độ paz cấp siêz đuô

           4)Tâu nhiêx txiêx têz qơưk gôngr BHYT thâuv tsênhv sơưv paz txưv so lâuk xã hội, thâuv tâu tas siv nênhx mak tsưr tsix, lênhx nênhs bax uô đaz kruô tâu jênhv paz txưv lơưr pháp luật li cui tênhv lok nênhs muôx hnuz nhôngs siêz.

        5)Seiz shuôk hlôngr yiêz txu grês hov hnuz nhôngs sơưv paz txưv so lâuk xã hội: UB thường vụ côx hôiv cuiz tênhv hlôngr yiêz txu grês hov hnuz nhôngs sơưv paz txưv so lâuk xã hội sâuv chính phuv li thix ziv đros theox chênhv huôv tsar KTXH thiêz nhiêx txiêx têz qơưk hâur yênhx ntu.

Nhạc cắt

             Cxaz nzir cui tênhv chiê chuôz tsar sik côngv hâur têx cxênhx az txưv ho lâuk xã hội thiêz BHXH cơ bản:

             Chei BHXH shông 2024 (Grê 23) cxaz nzir chế độ yênhx hli đros nênhs lox tôngv tsi txâuk theox chênhv sơưv nhiêx so lâuk thiêz tsi txâuk hnuz nhôngs sơưv paz txưv so lâuk xã hội, tsênhz mênhx:

          1)Tsôngv box VN txâuk hnuz nhôngs so lâuk muôx six hơưv gôngr BHXH taz sik tsi txâuk theox chênhv sơưv nhiêx so lâuk lơưr pháp luật li cui tênhv thiêz tsi txâuk theox chênhv sơưv nhiêx paz so lâuk xã hội zos tsi sơưv BHXH iz jiês mak muôx zoz qơưx tâu sơưv phênhv paz yênhx hli txix zuk li phênhv gôngr.

           2)Phênhv paz yênhx hli tâu hlôngr yiêz thâuv chính phuv hlôngr yiêz nhiêx so lâuk, phênhv paz BHXH yênhx hli.

            3)Hâur ntu sơưv phênhv paz yênhx hli mak tâu nhiêx txiêx têz qơưk paz gôngr BHYT; thâuv tâu tas siv nênhx mak nênhs cxênhz jê tâu sơưv phênhv paz iz jiês trâu têx hli tsi tâu jênhv thiêz tâu sơưv phênhv paz uô đaz kruô zos muôx txâuk theox chênhv lơưr cui tênhv./.

Thanh Thủy-Txâur Vax cxeik nhênhv