Tsaz yênhx nta suôz luk Hmôngz hnuz 25-3-2023
Chủ nhật, 21:39, 26/03/2023 VOVTB VOVTB
VOV4.VOV.VN -

Tuôr tsês vênhx huôv Hmôngz njuôz

          Tuôx txos jos Tu Thượng, xã Nậm Xé, huyện Văn Bàn, tỉnh Lào Cai, hâur thax tsav qơư iz ndis zos têx tox trôngz siêz, hâur tsôngv box Hmôngz njuôz li tsêr nhoz, chuôz zis tưs cux muôx têx chuôz zênhx ntok ntâuz, viv nhoz no tsênhv tuôr tsês hâux lưv chos max, ntok ntâuz txix nzor. Pos Mai Xênhv Vax tsôngv box nhoz hâur jos pheiz kênh:

          “17 shông cur qir shâuv ntok ntâuz, 1 shông uô tâu 2 chêr tsôngs yo txir nênhx thiêz pox niêv. Niêx hnuz muk uô liêx uô têz tsuôk hmo ntux thiêx li muôx six hơưv uô. Pêz Hmôngz njuôz mak lênhx tưs cux tsuv muôx tsôngs yo chax chês hnhar hâur têx hnuz ntênhs, hnuz tsiêz, nhuôv tuz, nhuôv nxeik lênhx tưs cux hnhar zuk mênhx cxưx li tsôngs yo”.

          Tsi taz xơưk tsôngs yo trâu têx lênhx nênhs hâur chuôz zis, têx lênhx pox niêv muôx hnuz nhôngs siêz nhoz jos Tu Thượng cux kriê trâu cxênhx tuz nhuôk hâux lưv ntok ntâuz. Hmôngz njuôz li tsôngs yo mak tsi xơưk ntâu pax ntâuz taz sik chiê uô tâu iz chêr tsôngs yo cux pôngz ntâu ntu uô thiêz đas jos chiê uô. Tul muôv Mai Xênhv Vax pheiz kênh:

          “Thâuv tsi uô hâux lưv tưs mak cur ho shâuv cur niêv, têx niêv hloz xơưk pax ntâuz, ntok ntâuz chiê muôx tâu zuk mênhx cxưx li têx chêr tsôngs yo jông”

          Đrâuv chos max ntok ntâuz, tsôngv box Hmôngz njuôz nhoz Tu Thượng tsênhv tuôr tsês têx vênhx huôv jông li heik cưr cxiêx đhâu 2 tos trax, ntâuk tux luz, yuôz kênhx, ntâuk hlâu, hiêz shôngz….Lơưr zơưv Dương Tuấn Nghĩa, Phưv giám đốc Sở vênhx huôv thiv thao tỉnh Lào Cai, Hmôngz njuôz nhoz Lào Cai tsuôk muôx muôx nhos 1 cxênhz lênhx, nhoz uô nênhx chêx chôngk ntơưv huyện Văn Bàn viv li jênhv vưv tuôr tsês vênhx huôv zos lok six coaz tsôngv:

          “Pêz tưz tsưr tsix seiz shuôk lok six ntâu, đros tas nro tsôngv box Hmôngz njuôz nhoz Văn Bàn li di sản vênhx huôv; thôngx cxix cux paz txưv tsôngv box hôx phưx têx ntênhs phêv trâur lâuk”.

          Chiê phuôx huiz chêx cuk tuôr tsês têx cêr nênhx vênhx huôv jông, têx nghêx nhân vênhx huôv, vênhx ziv chax chês hâur tsôngv box Hmôngz njuôz cux tưz tâu xeir chiê yênhx lix têx Câu lạc bộ, xênhz huôx muôx six hơưv chiê phuôx huiz, heik kriê hâur côngv thôngx. Đrâuv co, chính quyênx tiv phaz cux chuôz tsar paz pox nhuôk huôv tsar tu zus buô tiv phaz, cxaz chuôz dự án chos njuôs shôngz chiê muôz siêz kinh têr, yax mông muôz siêz jênhv pâuz cxuôv por tsês têx cêr uô nênhx pôngz kaz./.

(An Kiên-Hồng Ngọc-Txâur Vax cxeik nhênhv)

 

Huôv tsar truôx vênhx huôv, muôx chôngz lênhx kruô tuôx trâu têx  jêx jos Lai Châu

        Ntênh hội tsêz chos blêx liêx, zos hêir nênhs poz ziz đuz nhoz huyện Than Uyên (Lai Châu) iz vênhx huôv jông. Ntơư zos iz vênhx huôv tâu tsưr tsix kriz uô hâur shôngk shông txos trâu nhiv no, muôx chôngz lênhx kruô tuôx sêiz shuôk nhoz trơưr siêz tsik plox. Zơưv Nguyễn Văn Nguyên, iz lênhx kruô nhoz tỉnh Bắc Ninh hêik pâuz:

“Bắc Ninh nhiv no muôx ntâu ntênhk hội, taz sik cur sêiz pov hêir nênhs poz ziz ntênhk hội cux txơưr ntâu thiêz zos jiês xuz thơưx cur sêiz pov pâuz txos ntênhk hội no. Lar hêik zos tsôngv px hâur thax tsav co cux sưv đros tsôngv kruô siêz nhiêv”

          Zos ntênhk hội tsêz chos blêx liêx, đhiê pax vuôs zos hêir nênhs poz ziz ntênhk hội vênhx huôv; ntênhk hội nthuôr uô cêr lov jêv gruôv tox, zos hêir nênhs Hmôngz iz vênhx huôv txux chi jông cxôngx nzor, tâu kriz uô hâur chêix ntux yiêz. Chênhr zos li hêik ntơư, hâur iz shông hla trâu chêix ntux yiêz, cxuô lênhx nhoz têx jêx jos tox siêz tưz tuôx đros nthuôr uô cêr lov jêv đhiê pax vuôs trâu têx hnuz kriz ntênhk hội gruôv tox. Tus muôv Sơ x Muôk, nhoz xã Tà Mung, huyện Than Uyên shir phaz lul hêik:

“Cur tuôx uô si ntơưv no lov jêv hênhr, viv muôx ntâu zav txux chi, ntuôr uô cêr lov jêv huv đros tsôngv tuz nxêik hluôk sđ. Pir li hnuz no kriz nthuôr uô cêr lov jêv gruôv tox, muôx cxuô lênhx sđ cux tuôx đros côngv cêr lov jêv. Cur sêiz pov cux lov jêv, shir phaz cơưs’’

          Ntênhk hội gruôv tox muôx liv lox zos thor ntux yar ntux nas, tsôngv px sđ uô iz chiv kôngz, sâu tâu ntâu kôngz lôngk, cxuô chuôz zis muôx luz nênhx truôx tuk tsâu sor. Zơưv Sa x Shôngx phưv Chủ tịch UBND xã Tà Mung, huyện Than Uyên hêik pâuz:

“Luôs hâux lưv tror uô đuô ntênhk hội gruôv tox nhoz ở xã Tà Mung cux muôx liv lox trâu hêir nênhs co li luz nênhx nox nhoz muk lok hâur niêx hnuz chiê huôv tsar truôx thiêz khơưk tsês chiê hêir nênhs co têx txux chi, vênhx huôv jông cxôngx nzor tsik chiê pôngz plox”

Zơưv Trần Quang Chiến, Phưv Chủ tịch UBND huyện Than Uyên cux hêik pâuz tiêk: Tsênhv qơư cux chêx chôngk cxiv uô cov tâu tiêr têx tsêr vênhx huôv chiê cxơưz cxiz huôv tsar du lix cov muôx chôngz lênhx kruô tuôx sêiz shuôk têz qơưs. Txix ntơư, tso tơưv cxuô luôs hâux lưv uô cov tsênhz mênhx tuôr cov tâu truôx cxuô hêir nênhs têx txux chi, vênhx huôv jông tsik chiê pôngz plox thiêz txuôk đros cxuô luz jêx jos huôv tsar qơư ndis uô si côngv thôngx:

“Pêz tưz uô trơưkĐảng bộ huyện thiêz Đảng bộ tỉnh Nghị quyết lok huôv tsar cxuô hêir nênhs tsơưs têx txux chi, vênhx huôv jông txuôk đros huôv tsar qơư ndis uô si côngv thôngx. Txix ntơư, pêz tưz huôv tsar tâu truôx cxuô hêir nênhs tsơưs  hâur thax tsav têx txux chi txuôk đros huôv tsar qơư uô si, sêiz shuôk têz qơưs”

Cxuô hêir nênhs tsơưs ntâu vênhx huôv, txux chi cxôngx nzor thiêz ntênhk hội li Hạn Khuống, Kin Pang, nox mor blêx yiêz, gruôv tox, đhiê pax vuôs…tưz muôx chôngz lênhx kruô tuôx sêiz shuôk txos huyện tox siêz Than Uyên. Zos shông 2021 tsênhv qơư no tok tâu 20 ntâu cxênhz lênhx kruô tuôx uô si, sêiz shuôk têz qơưs mak shông 2022, tsôngv kruô tuôx sêiz shuôk têz qơưs tsar ndê txos 30 ntâu cxênhz lênhx. Ntơư cux chênhr zos iz kro cxơưz cxiz tsênhv qơư co tror uô cov tâu truôx đuô cxuô luôs hâux lưv tso tơưv thiêz tsiv uô cov tâu ntâu zav hax huv yiêz huv đros tsôngv kruô siêz nhiêv cov ziv hnuz ziv muôx chôngz lênhx kruô tuôx sêiz shuôk têz qơưs, tsôngv px muôx phênhv sâu tâu nhiêx txiêx, cxiv kho chuôz zis muôx luz nênhx tsâu sor./. 

Tsu cxêik nhênhv-Khắc Kiên

VOVTB

Viết bình luận

TIN CÙNG CHUYÊN MỤC