Hêir nênhs Cho Lào Cai phongz cxưx txi côngv jôngr hâur shôngk shông yiêz

Iz shông iz jiês, txos hnuz jông tưz tâu xeir hâur hâur shôngk shông yiêz, tsôngv box nênhs Cho Tuyển nhoz jos Làng Ẻn, xã Trì Quang, huyện Bảo Thắng, tỉnh Lào Cai ho tsưr tsix ntênhs txi côngv jôngr trâu ntơưv tsoz hâur pâus ntông lox nhoz jê thax tsav jos. Nênhs tâu xeir chiê uô ntênhs txi côngv zos txir nênhs, pâuz thôngz thiêz zos lênhx txir ndâux txir luk hâur jos. Zơưv Đặng Quý Sinh- iz lênhx tsôngv box nhoz hâur jos pheiz kênh:        “Tsuv thor chiê tsôngv box hâur jos uô tâu nox tâu hâuk, chiv cheix sâu tâu jông; tsi muôx têx hâux lưv tsi jông hâur jos, cxuô lênhx cxuô tul muôx jông đas jos”

          Tsi xưk li iz cxiê thax tsav qơư txơưr, nênhs Cho Tuyển nhoz Làng Ẻn li ntênhs txi côngv jôngr cux tsoz chei trâu pox niêv cxaz chuôz. Taz sik tas nro têx lênhx nênhs tuôx cxaz chuôz tsuv uô trơưk jông phongz cxưx txi côngv jôngr no. Niêv lâuk Hoàng Thị Thanh hnar tsôngs yo yiêz jông tiv zix jông siêz pheiz kênh:“Têx li buô, keiz mak txir nênhx bax uô lơưv, yuôr pox niêv mak uô nduôr. Nduôr tâu uô txix môngr cxur thiêz thax, tiv zix zos tsi cxoz uô lo trox. Tiv 2 zos tsuv hnar tsôngs yo jông tiv zix thâuv cxaz chuôz ntênhs txi côngv jôngr”

          Thax tsav zos qơư tâu tso ntâu qơư txi côngv tâu seiz zos jôngr txưr, tsi puz lênhx tưs uô hiêv txos, viv li sđ hâur jos tsuv por vêv jông. Đhâu ntênhs txi côngv, lâuk nênhs, tuz nxeik hâur jos sik đros cxaz chuôz uô si lov jêv li leiv poz, heik cưr cxiêx, uô zuk mênhx cxưx li zav nox kaz...Zơưv Nguyễn Văn Vinh, Phưv Chủ tịch UB xã Trì Quang puz pâuz:  “No zos ntênhs phêv chax chês hâur xã thiêz tsênhv tâu tuôr tsês jông. Txix co tsôngv box, tiv zix zos tsôngv box nênhs Cho muôz siêz siêz xar por vêv jôngr cux xưk li chos cxaz ntâu jôngr ntông njuôz jông đuô”.

          Tsi taz nênhs Cho xưz mak, ntâu mênhx cxưx nhoz Lào Cai li Hmôngz, Hà Nhì cux tuôr tsês tâu phongz cxưx txi côngv jôngr. Cêr vênhx huôv jông no tso pov chinhz yênhx ndo txiêx njik thiêz sik côngv siêz huôv tsar chiê tror tuôr tsês jông, phuôx huiz cêr chax chês jông hâur côngv thôngx mênhx cxưx tsơưs nênhs nhoz tox siêz./.

                                                                    An Kiên-Txâur Vax cxeik nhênhv

Mộc Châu zos qơư muôx tox trôngz câuv har jông jav sâuv ntiêx têz

  Hâur têx hnuz no, tox siêz Mộc Châu, tỉnh Sơn La tưz muôx chôngz lênhx kruô tuôx uô si, sêiz shuôk têz qơưs. Ntơưv oz saz ntus cêr lox lok sik têx ntar trôngz, tưz pov têx pax txir khơưz tơưs yiêz uô trâu tsôngv kruô tuôx sêiz shuôk, cxêik đuôz. Pos Nguyễn Bích Hoà, iz lênhx kruô nhoz đrôngl Hà Nội tuôx ndis uô si, sêiz shuôk têz qơưs txos Mộc Châu shir phaz lul hêik: (Têx tox trôngz câuv har hâur thax tsav Mộc Châu jông jav hênhr, muôx chuô lax nziês, uô trâu cur nhiêv tuôx sêiz shuôk. Chênhr zos li hêik ntơư, pêz sđ thiêx tuôx ndis uô si trâu ntơưv tox siêz Mộc Châu-Sơn La)

          Tox siêz Mộc Châu, muôx tox trôngz câuv har jông jav, chuô lax nziês hâur yênhx shông, pir li: Đơưv trôngz Pha Luông, tsas đêx tsơưk tsuô, Vax txir đuôx, txir khơưz, tiêx trrongz nhó tu zus nhux tso cuô mik….Đros ntơư, Mộc Châu cux tsênhv huôv tsar tâu truôx cxuô hêir nênhs têx txux chi, vênhx huôv jông cxôngx nzor. Pos Maya Lou, tới từ  nhoz California, têz qơưs Mỹ tuôx sêiz shuôk têz qơưs txos Mộc Châu shir phaz lul hêik:(Cur tưz tuôx ntâu jiês trâu tox siêz Mộc Chau, cur pov  têx qơư ndis uô si nhoz Mộc Châu, ziv hnuz ziv huôv tsar thiêz têx tsêr tok kruô cux cxiv uô huv đros tsôngv kruô siêz nhiêv thiêz Môc Châu cux muôx ntâu zav nox kaz, cur jông siêz hênhr)

          Txơưv têz qơưs muôx ntâu hlôngr yiêz, taz sik Mộc Châu cux tsênhv huôv tsar truôx cxuô hêir nênhs têx txux chi, vênhx huôv jông cxôngx nzor, ntâu doanh nghiệp, ntâu chuôz zis nhoz Mộc Châu tưz huôv tsar cxiv uô ntâu qơư ndis uô si txuôk đros cxuô zav vênhx huôv jông cxôngx nzor huv đros tsôngv kruô siêz nhiêv. Zơưv Hoàng Mạnh Duy, Tsar phôngx vênhx huôv cxiv uô qơư ndis uô si Mộc Châu shir phaz lul heik:(Luôs hâux lưv tuôr tsês côngz bê “zos qơư muôx tox trôngz câuv har jông jav sâuv ntiêx têz”. Chênhr zos li hêik ntơư, luôs hâux lưv tuôr tsês têx qơư jông jav, zos iz kro cxơưz cxiz tâu tsôngv kruô tuôx uô si, ndis shuôk têz qơưs txos tox siêz Mộc Châu)

          Trơưk li zơưv Lê Trọng Bình, Chủ tịch uỷ ban huyện Mộc Châu, tỉnh Sơn La, yênhx thax tsav qơư muôx ntâu qơư ndis uô si đros trâu têx tox trôngz câuv har jông jav sâuv ntiêx têz, tsênhv qơư tsuv huôv tsar uô cov tâu truôx jông lok cxuô zav thiêz hêik kriê cxuô hêir nênhs sđ têx txux chi, vênhx huôv jông cxôngx nzor trâu tsôngv kruô pâuz txos: (Chiê tuôr cov tâu truôx côngz bê “Zos qơư jông jav sâuv ntiêx têz”, nhiv no hâu nov huyện Mộc Châu tưz tso tơưv luôs hâux lưv zoss huôv tsar truôx jông tiêx trôngz tsoz chos yuôx zêx, tiêx trôngz nhov, trôngz jôngr ntông tu zus nhux tso cuô mik cov huv đros thax tsav qơư jông jav hâur thax tsav)

          Tox siêz Mộc Châu nhoz thax tsav faz Bắc, muôx txox cêr lox muk lok đhâu trâu đrôngl Hà Nội. Hâur ntu huôv tsar qơư ndis uô si hâur têz qơưs, zos oz huyện: Mộc Châu thiêz Vân Hồ, tâu xav zos qơư muôx tox trôngz câuv har jông jav, muôx chuô lax nziês hauar yênhx shông, zôngx ziv cxiv uô cxuô qơư ndis uô si, sêiz shuôk têz qơưs.

          Chênhr zos li hêik ntơư, hâu nov huyện Mộc Châu tsênhv taz tov cxơưz cxiz cxuô tsênhv qơư hâur thax tsav cxiv uô cxuô qơư ndis uô si cov ziv hnuz ziv jông txuôk đros tsôngv kruô hâur têz qơưs thiêz kruô sâuv ntiêx têz siêz nhiêv./. 

                                                       Tsu cxêik nhênhv-Trấn Long, CQTT Tây Bắc