Tsaz yênhx nta suôz luk Hmôngz hnuz 26-05-2023
Thứ sáu, 14:58, 26/05/2023 VOVTB VOVTB
Tsaz yênhx nta suôz luk Hmôngz hnuz 26-05-2023

Nôngx mênhx tox siêz Sơn La phax tar yar ntux cuz sor, kruôr gis

          6 six ntâu tas cik sơưr nzor, tưz pov yar ntux cuz sor đax tas sâuv têx đras liêx buôk tul đêx Tấc, huyện Phù Yên, Sơn La. Qênhx shênhx no tưz truz ntêr ntâu hnuz no uô pox nhuôs li hâux lưv muk uô liêx têz njiz ntâu phêv liv.

          Cưr sâuv xưz pưs chor hnhaz blês, zơưv Đinh Văn Quang, xã Huy Thượng, huyện Phù Yên ciêr chênhr lơưr chor nhux tưv muk đreiv nzôngr nzông. Lơưr zơưv Quang, qiv hơưv cuz sor, kruôr gis ntêr uô hâux lưv tsoz phưz paz nhux muôx zuôr xar 10 tul thiêz chuôz zis li 1 cxênhz 500 yiv liêx njiz ntâu phêv liv: “Ntu no cur tsuv muk seiz nhux txix pok thâuv 6 six sơưr nzor, gra lơưr hnhaz blês tuôx no trâu nhux nox. 2,3 hnuz no yar ntux cuz sor, uô liêx cux tsuv uô nzor viv 9 six tas cik mak yar ntux tưz lok six cuz sor”.

          Chiê por vêv chuôz zis li chor tsiêx cxu, zơưv Nguyễn Văn Tiến, nhoz jos Nghĩa Hưng, xã Mường Cơi, huyện Phù Yên tưz xar tơưv tsưr ziv uô cxix luôk tsuôk đêx sâuv trur guôx cơư trâu 50 ntâu tul nhux tưv, nhux đas hâur têx hnuz yar ntux cuz sor: “Nhoz no pêz đhok nzir cxix luôk tsuôk đêx uô lax khiêv trâu nhux tưv nhux đas, chuôz zis cux muk heik jâuz txix thâuv 5 six sơưr nzor, txos zar hnuz keix lax khiêv đuô mak pêz thiêx tso nhux nox, uô vêv xênhz guôx cơư cov đu lus”.

          Lơưr pos Bạc Cầm Thị Xiêng, Tsar phongx kôngz nuv thiêz huôv tsar nôngx cxênhz huyện Phù Yên, Sơn La, txix hâur shôngk shông txos nhiv no, sâuv thax tsav tsi pov muôx ntux lok nas, yar ntux cuz sor ntêr, muôx tsi txâuk đêx sir zôngv. Hâur 2 cxênhz 100 hecta ntâu mênhv chêx blêx tas nro huyện, muôx 72 hecta njuôs xav trâus kruôr đêx, hâur co muôx 2 hecta chơưv tsi tâu.

          Ntux kruôr gis, cuz sor ntêr cux uô poz cưk, kok ntông...tsi hloz lox. Txos nhiv no tsôngv box li iz cxiê mênhv chêx poz cưk tsi huôv tsar jông li niêx shông; kok ntông cux hloz lox tsi tâus: “Phongx tưz heik trâu UB huyện tso tơưv tsưr ziv phax tar ntux kruôr gis, qênhx shênhx muôx tsi txâuk đêx, taz por cxaz nzir đêx hâur ntu ntêr. Thôngx cxix, chox kriê têx xã, trạm zôngv côngz tsinhx đêx liv yax six tso đêx, zưs đêx, taz por cxênhx txuôk tiv zix”.

          Nganhx kôngz nuv tỉnh Sơn La cux heik pox nhuôs chuv tôngv por vêv đas jos trâu tsôngv box thiêz taz por trâu tsiêx cxu thâuv uô lox tôngv hâur ntu yar ntux cuz sor; tsuv tso tsiêx cxu, keiz ok thâuv ntux lax khiêv; puz tsiêx cxu nox cxaz jâuz, hâuk đêx, cuô njêr.../.

(Thanh Thủy-Txâur Vax cxeik nhênhv)

 

 

 

 

Xav jênhv têx trâus ruôr hiêv tiv cuz tox cuz jôngr tsuv xav jênhv li chak?

         Bôv Kôngz nuv thiêz Huôv tsar jêx jok li Grê 13 Thông tư sôr 25/2019/TT-BNNPTNT hnuz 27 hli 12 shông 2019 cui tênhv lok phax cuz tuô cuz jôngr li đrav kaz:

          1. Tsưr jôngr xav jênhv têx trâus hiêv tiv cuz jôngr lơưr cui tênhv ntơưv ntu 1 Grê 52 Nghị định sôr 156/2018/NĐ-CP (Tsưr jôngr xav jênhv chor jôngr trâus hiêv đhâu trâus hluôr tơưl chis cuz, hêik trâu cơ quan Kiểm lâm, Cảnh sát phax cuz, tuô cuz thiêz chơưv paz, chinhr quyền ntơưv thax tsav qơư pâuz), zos: thax tsav, zav jôngr, chor jôngr trâus cuz hnhiêz tas bâuv li chak; puôk muôx trâus hiêv lok lênhx nênhs, chuôz zênhx cxuô zav thiêz têx zav txơưr trâus hiêv (zos muôx).

          2. Xav jênhv qir tiv uô hluôr tơưl chis cuz jôngr

          Hâux lưv qênhz yuôx, xav jênhv qir tiv muôx cuz tox cuz jôngr lơưr Cui tênhv ntơưv ntu 4 Grê 52 Nghị định sôr 156/2018/NĐ-CP: Cơ quan Kiểm lâm, Cảnh sát phax cuz, tuô cuz thiêz chơưv paz, cơ quan qênhz yuôx, xav jênhv qir tiv, lênhx nênhs uô hluôr tơưl cuz jôngr, têx jôngr trâus hiêv thiêz xưv lik trơưk cêr chêi têz qơưk têx cui tênhv.

          Khov trâu têx kror trâus hiêv, têx jôngr thiêz thax tsav jôngr trâus cuz chiê hêik cov xưv lik trơưk cêr chêi têz qơưk têx cui tênhv.

          3. Tsưr jôngr muôx txơưx jênhv uô têx tsưr ziv chiê tror khưx phưx jôngr đhâu muôx hluôr tơưl chis cuz lơưr cui tênhv ntơưv ntu 2 Grê 52 Nghị định sôr 156/2018/NĐ-CP: khov trâu chor jôngr trâus cuz, tsưr jôngr xav jênhv thiêz uô têx tsưr ziv khưx phưx chor jôngr đhâu trâus hluôr tơưl chis cuz zos: Cêv kuôk tu chiê chor jôngr ntông tror huôv tsar lok sik muôx chos nzir lok sik chos jôngr yiêz.

          4. Cơ quan kiểm lâm ntơưv thax tsav qơư muôx  txơưx jênhv sik côngv đros Ủy ban cấp xar hêik kriê, qênhz yuôx hâux lưv xav jênhv chor jôngr trâus cuz, hêik cov tsưr jôngr tror uô ciês hâux lưv khưx phưx jôngr đhâu trâus hluôr tơưl chis cuz./.

Tuyết Lan-Lik Thox cxêik nhênhv

VOVTB

Viết bình luận

TIN CÙNG CHUYÊN MỤC