Chiê truôx tuk trâu 66 ziv chuôz zis px nhoz Sông Mã (Sơn La)

 thâuv pov muôx tox zuôr xưz poz  

          Pos Lò Thị Nguộc, nhoz jos Nà Mện, xã Nậm Ty, huyện Sông Mã zos lênhx nênhs xuz thơưx pov muôx têx caz ar xưz poz sâuv ntar trôngz Ten Nghị. Thâuv pov iz cxiê caz ar xưz poz tưz poz ntêr txix 1 txos 2 đas, ntêr 130 yiv, muôx đêx cxơưr hâur co tuôx:“Thâuv 4 six 15 phênhz cur muk seiz pas njês, seiz liêx ntơưv thax tsav trôngz Ten Nghị, pov muôx ntâu caz ar xưz poz. Cur tưz muk pov trâu ban seiz car jêx jos chiê lơưr muk qênhz yuôx”

          Têx caz ar xưz poz sâuv trôngz Ten Nghị njuôs xav zuôr uô zênhr shar txos 66 ziv chuôz zis tsôngv box đros muôx nhos 350 lênhx nênhs nhoz jos Nà Mện thiêz 1 qơư cơưv ntơưr, 1 luz tsêr vênhx huôv hâur jos.Zơưv Lò Văn Dũng, Bí thư Chi bộ, Tsar jos Nà Mện, xã Nậm Ty puz pâuz:“Cur tưz pheiz côngz tuêv an ninh thiêz dân quân tự vệ seiz jor chiê pov cov yax six lok, pêz tưz cxok ndêx chiê tsov lơưr co njuôs siv têx caz ar xưz poz yiêz”

          Chiê taz por tsôngv box li txox siê, chuôz zênhx chuôz tas, UB huyện Sông Mã tưz huiz tôngv têx lưx lươngv muôx txơưx jênhv ciêr chênhr txar qơư nhoz trâu tsôngv box tas nro 66 ziv chuôz zis nhoz jos Nà Mện muk nhoz qơư taz por.Zơưv Lò Văn Hạch, Chủ tịch UB xã Nậm Ty, huyện Sông Mã puz pâuz, xã tưz paz lav uô tsêr tax trâu 34 ziv chuôz zis tsôngv box nhoz uô ntêx, kuôk qơư nhoz kuz muôx nhos 700 yiv; têx ziv chuôz zis tsênhv yuôr mak muk nhoz nênhs cxênhz jê li tsêr. Đros co, xã cux sik côngv đros huyện seiz shuôk thax tsav qơư, bax qơư nhoz chiê truôx tul luz nênhx trâu tsôngv box:“Xã tưz huiz tôngv lưx lươngv dân quân, hluôk nênhs thiêz têx đồng chí cán bộ công chức muk jêx jos đros tsôngv box cxiv uô tsêr tax. Hâur ntu tsênhv zos cheix ntux nas no tror thix ziv đros têz qơưk bax qơư nhoz yiêz trâu tsôngv box”

          Đhâu thâuv qênhz yuôx hâux lưv bax qơư lav nhoz trâu têx ziv chuôz zis tsôngv box, pos Tráng Thị Xuân, Phưv Chủ tịch thường trực UB tỉnh Sơn La tưz kruôk txos huyện, xã li têx sir jos hâur hâux lưv taz por trâu têx ziv chuôz zis nhoz thax tsav qơư njuôs xav muôx tox poz. Thôngx cxix, heik huyện Sông Mã, xã Nậm Ty tror seiz njôngr qênhx shênhx ntux nas, tsi chiê têx ziv chuôz zis tror xênhz huôx, nhoz uô nênhx hâur thax tsav riêz nênhs; nriêr qơư nhoz, thix ziv tsưr ziv cxiv tsa qơư nhoz yiêz chiê taz por tiv zix trâu têx ziv chuôz zis tsôngv box nhoz thax tsav riêz nênhs./.

                                                                                                               Trấn Long-Txâur Vax cxeik nhênhv

Uô tiêr hâux lưv tsar ndê nhiêx hli trâu canr bôv uô hâux lưv têz qơưs

Bôv Chinhr triv tưz thôngz đhâu hâux lưv uô tsênhv tsênhz

Iz hâur tsưr ziv no li têx tsênhv njiêz zos sir jos uô côngz xưv thôngz xor mông, yax kriê. Lơưr co, Bôv thôngz mông thiêz Yax mông, têx bôv, nganhx, thax tsav qơư kriz uô jông côngz xưv thôngz xor mông, yax kriê chiê paz muôx tâu thôngx ziv hâur xar hôiv, cxuô nganhx, cxuô cấp, têx cơ quan, tsưr tsix, taz viv hâur cxiv luôs chinhr triv lok kriz uô tsênhv chêi nhiêx hli, kho đuô nhiêx hli so lâul, phênhv paz BHXH, phênhv paz trâu chor nênhs muôx côngz trâu têz qơưk thiêz phênhv paz xar hôiv txix hnuz 1/7/2024.

Bôv Nội vụ sik côngv đros Ban Tsưr tsix Trung ương thiêz têx bôv, nganhx, thax tsav qơư hêik pâuz Bôv Chinhr triv li bê ntơưr hâux lưv uô trâu canr bôv, công chức, viên chức hâur cxiv luôs chinhr triv.

Chor bôv, nganhx, thax tsav qơư tror kriz uô kho đuô tsưr tsix bôv mêir, txo grêk tsơưs chor nênhs sơưv nhiêx hli txix nhiêx txiêx têz qơưk, kho đuô chor canr bôv, công chức, viên chức lơưr hâux lưv uô thiêz lênhx tov trơưk Hội nghị Trung ương 6 khóa 12 li Nghị quyết sôr 18-NQ/TW thiêz Nghị quyết sôr 19-NQ/TW đros hêik cov hlôngr yiêz tsênhv chêi nhiêx hli ntơưv Nghị quyết sôr 27/NQ-TW.

Nhênhz chơưv cui tênhv ntâuk gri, njuôk xav hov canr bôv, công chức, viên chức chiê thêv nhiêx hli, khơưk kruôk lơưr têx hâux lưv uô tâu.

Bôv Nội vụ sêiz car, sik côngv đros têx bôv, cơ quan cik txos cxiv tsa thiêz uô tiêr têx ntâuz ntơưr cui tênhv tsênhv chêi nhiêx hli yiêz trâu canr bôv, công chức, viên chức thiêz lưx lươngv vũ trang txix hnuz 1/7/2024.

Bôv Nội vụ nhênhz chơưv, muôz trâu cấp muôx vax huôv kho đuô, cxaz nzir chêi têz qơưk li cui tênhv lok canr bôv, công chức, viên chức cik txos nênhs sơưr thơưx li vax huôv thiêz txơưx jênhv hâur ntâuk gri, njuôk xav hov canr bôv, công chức, viên chức chiê thêv nhiêx hli, khơưk kruôk lơưr têx hâux lưv uô tâu.

Nzor pov tâu têx phiv liv muôx yưv chiê xưv lik lơưr vax huôv lok sik hêik trâu cấp muôx vax huôv xưv lik hâur qênhx shênhx kriz uô hlôngr yiêz đuô nhiêx hli.

Bôv Nội vụ sêiz car, sik côngv đros Bôv Lox tôngv-Saz pênhz thiêz Xar hôiv, Bôv Tài chính thiêz têx bôv, nganhx cik txos cxiv tsa hêik pâuz trâu Côx hôiv ntơưv jiês cơưv tiv 9 lok hâux lưv hlôngr yiêz đuô nhiêx hli, kho đuô nhiêx hli so lâul, phênhv paz BHXH, phênhv paz trâu chor nênhs muôx côngz trâu têz qơưk thiêz phênhv paz xar hôiv.

Uô tiêr sêiz car nhiêx txiêx đros thiêz têx taz viv sự nghiệp công lập

Bôv Tài chính njuôk xav lok têx nhiêx txiêx thiêz muôz trâu cấp muôx vax huôv cxaz nzir nhiêx txiêx tsênhv tsik tâu txâuk tiv kho đuô nhiêx hli thiêz têx nhiêx khơưk kruôk; sik côngv đros têx bôv, nganhx cik txos hêik cấp muôx vax huôv kho đuô lok sik tso tsês têx cơ quan, taz viv li têx chêi lok nhiêx txiêx thiêz phênhv sâu txơưr tsênhv tâu sir zôngv lok nhiêx txiêx thiêz phênhv sâu txơưr no chiê muôz trâu Côx hôiv sêiz shuôk ntơưv jiês cơưv tiv 9 Côx hôiv khóa 15.

Đuô li, Bôv Tài Chính sêiz car, sik côngv đros têx bôv, nganhx, cơ quan cik txos nhênhz chơưv muôz trâu cấp muôx vax huôv lok uô tiêr têx tsênhv chêi sêiz car nhiêx txiêx đros thiêz têx cơ quan hành chính, taz viv sưv nghiệp công lập cov huv đros (hâur co uô tsênhz mênhx nênhs sơưr thơưx li vax huôv tâu sir zôngv nhiêx hli thiêz nhiêx txiêx tsik so chiê ntiêr chor nênhs nhênhz chơưv, nênhs khoa học, nênhs muôx txux chi kriz uô chor cơ quan, taz viv li têx hâux lưv thiêz tâu cuêz tênhv phênhv nhiêx thêv trâu têx hâux lưv tâu choz zok).

Têx bôv, nganhx, cơ quan qênhz shuôk muôz trâu cấp muôx vax huôv kho đuô, cxaz nzir canr bôv, công chức, viên chức thiêz lưx lươngv vũ trang li phênhv paz thiêz têx phênhv txơưr, mak hâur ntu kriz uô pov huôv xênhz tsik huv zos./.

                                                                                                          Thanh Thủy-Lik Thox cxêik nhênhv