Tsaz yênhx nta suôz luk Hmôngz hnuz 6-2-2023
Thứ hai, 15:15, 06/02/2023 VOVTB VOVTB
VOV4.VOV.VN -

Lov jêv ntưk đê sâu chiv txir dâu tây nhoz Sơn La

Cux xưk li ntâu pêx xênhv nhoz thax tsav Tân Thảo, xã Cò Nòi, huyện Mai Sơn, tỉnh Sơn La, têx hnuz no, niêv lâul Nguyễn Thị Nga thiêz chuôz zis tsênhv max sâu đê têx txir dâu tây ntiv hâur thôngz, far ntơưr chiê thâux xa muk trâu têx lênhx kruô đas cir. Niêv lâul Nga heik, pir li poz cưk, caz tsiz lok sik lưv zav tsoz chos nox txir txơưr đuô, tsoz dâu tây zuôr sâu tâu nhiêx ntâu đuô: “Dâu tây tâu đuô lok six ntâu pir li lưv zav tsoz chos, muôx phênhv sâu tâu txix uô zuz chos txos trâu thâuv txi txir tâu sâu đê. Xav ciês lok sâuv muôs zuz mak tâu iz tyv đeiv ntâu, hok nhiêx muôs txir, xav kror đruôz đraz 10-12 tênhr txir, gri muôs 150 cxênhz đeiv iz cir”.

Chiv txir dâu tây ntơưv Cò Nòi qir sâu đê txix hli 12 shông uô ntêx txos hli 3 shông tov kaz. Nhoz thax tsav co jông chos zav tsoz chos no, viv li têx txir siêr liêz jông gâux, nox kaz. Têx hnuz ntux mê njik no nziês, txir dâu tây siêr kênhz taz sik ho nox kaz đuô, tâu kruô nhiêv zuôr txos. Niêv lâul Nguyễn Thị Nga nhoz jok Tân Quế, xã Cò Nòi heik pâuz: “Cur chuôz zis muôx iz ha têz txir dâu tây, 2 hnuz sâu đê iz jiês. Iz jiês đê txix 1,8-2 puôk, gri muôs 160-200 cxênhz đeiv iz cir”.

Tâu chos hâur thax tsav Cò Nòi tâu xar muôx 10 shông lok no, txix chos tsơưs iz kro mê njik, txos nhiv no, tsoz dâu tây tâu têx ziv chuôz zis pêx xênhv, HTX chos ntâu, uô trơưk VietGap chiê gra siêz tsơưr lươngv xiv huv, muôs tâu trâu ntâu ciêz đrôngs. Pos Nguyễn Thị Ngọc, Giám đốc HTX txir ntông, jâuz tâuv Hưng Thịnh, huyện Mai Sơn, tỉnh Sơn La heik pâuz: “Thâuv têx dâu tây txi txir, pêz sir zôngv têx yuôx truôx tuk tsuôs tuô caz hmoz, muôx têx đê tâu nox ciês, chiê taz por truôx tuk trâu lênhx nênhs sir zôngv”.

Đros thiêz 230 ntâu ha, xã Cò Nòi, huyện Mai Sơn nhiv no zos thax tsav chos ntâu đuô hur si têx dâu tây hâur tỉnh Sơn La; jux juk muôx têx qơư chos ntâu dâu tây đros thiêz yênhx puô chuôz zis pêx xênhv thiêz têx HTX cxaz chuôz. Hâu nov ntơưv qơư tưz sir jos paz max chor chuôz zis  pêx xênhv chos thiêz tu trơưk tsưr ziv yiêz thiêz muôz chor zuz jông saz đrâuv luôs 2 chas têz qơưk li: Hàn Quốc, Nhật Bản lok chos; lar heik zos kriê cxiv tsa suôz bê trâu têx xiv huv txir dâu tây huyện Mai Sơn. Zơưv Phạm Bá Tính, Chủ tịch Ủy ban xã Cò Nòi, huyện Mai Sơn, tỉnh Sơn La heik pâuz: “Xã muôx tsưr ziv hux jos đros têx HTX tsưr tsix hnuz hội dâu tây, đas cir por hưv têx xiv huv dâu tây thiêz zuôr muôz chor txir dâu tây uô yênhx xã li xiv huv OCOP, piêr kriê sâuv têx qơư muôv muôs điện tử….”./.

(Lê Hạnh-Riê Lâux cxeik, nhênhv)

VOVTB

Viết bình luận

TIN CÙNG CHUYÊN MỤC