Sơn La hlôngr yiêz jênhv pâuz thiêz huôv tsar muôz siêz lênhx nênhs ndar txos hlôngr yiêz số

          Txơưv zos tỉnh tox siêz tsênhv yuôr ntâu phêv liv, phênhv ntâu zos tsôngv box mênhx cxưx tsơưs nênhs nhoz uô nênhx, taz vik hâux lưv hlôngr yiêz số tâu tỉnh Sơn La tsov cưv jông, qir muôx têx gôngr côngv lok tỉnh li huôv tsar cxuô. Lơưr đại tá Bùi Tuấn Anh, Phưv giám đốc Công an tỉnh Sơn La, hâux lưv hlôngr yiêz số tâu krêz uô đêz đar hâur tas nro lưx lươngv công an Sơn La đros chêx cuk jông thiêz uô tiêr cơ sở têz qơưk li jênh số hâur tỉnh, krêz uô jông Chính phuv li đề án 06: “Công an Sơn La tưz yax mông, vênhv tôngv tsôngv box chiê sâu jênhv, kích hoạt tài khoản định danh điện tử. Côngz xưv yax mông tâu Công an tỉnh krêz uô jông sâuv cxuô phaz pênhv thôngz xor mông, têx websibe, fanpage têx taz viv hâur nganhx, thôngz đhâu hlôngr yiêz số cux chuôz tsar côngz xưv yax mông, muôz siêz tsôngv box li jênhv pâuz lok pháp luật, muôz siêz siêz xar phax tar nênhs phamv cxâuv li têx hâux lưv uô cxâuv cêr chei”.

          Hâux lưv hlôngr yiêz số hâur vênhv thix ju lix cux paz Sơn La li qơư sơưr tâu muôz siêz hâur ju lix Việt Nam. Lơưr zơưv Trần Xuân Việt, Phưv giám đốc Sở vênhx huôv, thiv theo thiêz ju lix tỉnh Sơn La, hâur têx phêv liv lok pênhr jos chiê yưv hlôngr yiêz số, Sở tưz sir jos yax mông, vênhv tôngv têx qơư ju lix, doanh nghiệp ju lix số hóa têx thax tsav qơư, têx jiês muk ndis shuôk uô si, cxiv tsa bản đồ số ju lix… “Đhâu seiz shuôk, têx jiês uô hâux lưv đros Tổng cục ju lix, pêz cux tsuv tsov cưv txos qênhx shênhx hlôngr yiêz số tsi trơưk cui tênhv, iz tỉnh, iz huyện, xã, phường, thị trấn, doanh nghiệp nhiês puôr lênhx muôx nhiês App txơưr phêv liv trâu hâux lưv tsôngv kruô nriêr pâuz, tsi muôx lênhx nênhs nriêr pâuz, uô lav phêv nhiêx txiêx, lênhx nênhs uô hâux lưv”

          Ndar txos thox cxov lênhx nênhs, nganhx zaoz zux Sơn La tưz muôx ntâu tsưr ziv cxơưz tiês hlôngr yiêz số hâur zaoz zux, tiv zix zos yax mông chox kỹ năng số lok hâur tsaz yênhx kriê cơưv. Zơưv Nguyễn Huy Hoàng, Giám đốc Sở zaoz zux thox cxov tỉnh Sơn La puz pâuz: “Cxơưz tiês hlôngr yiêz số hâur nganhx zaoz zux zos muôz siêz pênhr xưv, txux chi trâu shux xênhz, chiê thox cxov tâu lênhx nênhs jông tov kaz no. Nganhx tưz tso tơưv têx tsưr ziv, njiêz luv tsênhv zos chuôz tsar thox cxov kriê cxaz cán bộ seiz car, cưk kriê, lênhx nênhs lok hlôngr yiêz số; yưv pênhr lok cơ sở cxuô zav, chuôz zênhx phưx vưv trâu hlôngr yiêz số, qơư tsov txos zos cxơưz tiês hlôngr yiêz số hâur kriê thiêz cơưv ntơưr”.

          Têx shôngk đhâu, tỉnh Sơn La tưz tsov cưv tsưr tsix ntâu phêv thaov đros njiêz luv lok “Hlôngr yiêz jênhv pâuz thiêz huôv tsar muôz siêz lênhx nênhs ndar txos hlôngr yiêz số tỉnh Sơn La”. Zơưv Hoàng Quốc Khánh, Bí thư tỉnh ủy, Chủ tịch UB tỉnh, Tsar Ban chox kriê hlôngr yiêz số tỉnh Sơn La heik mênhx: “Coaz tsôngv zos cxơưz tiês yax mông, muôz siêz tsôngv box, doanh nghiệp li jênhv pâuz lok hlôngr yiêz số, uô ntâu tsưr ziv thôngz xor mông. Paz tsôngv box sir zôngv jix vuv côngz trực tuyến, têx jix vuv số taz por, muôx chêx cuk. Đros co zos cxơưz tiês cxiv tsa chính quyênx điện tử ndar txos chính quyênx số, huôv tsar kinh têr số, cxơưz tiês hlôngr yiêz số hâur têx vênhv thix huôv tsar KTXH tỉnh Sơn La”./.

Thanh Thủy-Txâur Vax cxeik nhênhv

Thêv nhiêx Bảo hiểm xã hội 15 shông tâu sơưv nhiêx hli so lâul

           Chei BHXH kho đuô nhiv kruôr tâu Côx hôiv thôngz đhâu cui tinhv, nênhs lox tôngv txâuk shông so lâul zos thêv nhiêx BHXH txưv txix 15 shông tror zar sâuv zuôr tâu sơưv nhiêx hli so lâul hâur yênhx hli.

             BHXH Việt Nam heik, cui tinhv no chiê muôz jông six hơưv trâu chor nênhs cxaz chuôz BHXH lis lok sik thêv tsi tâu tsi so muôx txâuk 15 shông gôngr BHXH (hlôngr viv 20 shông li cui tinhv nhiv no) chiê tâu sơưv nhiêx hli so lâul niêx hli.

            Cui tinhv lok shông gôngr BHXH li no tsi uô trâu chor nênhs sơưv nhiêx hli so lâul thâuv tsi muôx đas jos uô hâux lưv.

           Đros co, Chei BHXH kho đuô cux cui tinhv nhiêx hli so lâul trâu txir nênhx, pox niêv muôx 15 shông gôngr BHXH, cui tinhv ntâu yax zos 75%.

           Iz chas ntơư, Chei cux cui tinhv xav nênhs lox tôngv nhiêx hli so lâul hâur yênhx hli muôx txâuk têx ntâuz ntơưr, hnuz nhôngs tâu sơưv nhiêx so lâul gôngr BHXH lơưr Ntiêx têz cui tinhv, têz qơưk Việt Nam zos thành viên, taz sik gôngr BHXH ntơưv Việt Nam tsi tâu txưv 15 shông mak iz shông thêv hâur ntu no tâu xav bâuv li 2,25%.

Nhạc cắt

           Đros thiêz phênhv nhiêx hli so lâul hâur yênhx hli truôx tuk, tâu têz qơưk cxiv kho phênhv nhiêx tâu sơưv thiêz hâur ntu tâu sơưv nhiêx hli so lâul lơưr cui tinhv tâu Cuiv nhiêx BHXH paz zuôr thẻ BHYT mak zuôr paz nênhs lox tôngv luz nênhx truôx tuk đuô, zuôr muôx nzir ntâu tus chôngz lênhx tâu taz por nhiêx hli so lâul, tâu ntơưr seiz njuôk shuôs moz gênhk thâuv ntu lâul.

          Cui tinhv no cux uô tâu trơưk li T.Ư Nghị quyết sôr 28-NQ/TW tưz tso tơưv hâux lưv hlôngr yiêz tsênhv njiêz li: “Cxiv kho six hơưv, hnuz nhôngs tâu sơưv nhiêx hli so lâul trơưk tsưr ziv txo grêk tsơưs jux juk shông thêv nhiêx BHXH chiê tâu sơưv nhiêx hli so lâul txix 20 shông yuôr 15 shông, uô txos yuôr 10 shông đros thiêz phênhv nhiêx hli tâu xav huv đros chiê muôz jông six hơưv trâu nênhs lox tôngv hnuz nhôngs siêz, muôx shông cxaz chuôz BHXH tsơưs tâu sơưv têx nhiêx hli so lâul”.

             Đhâu qênhz shuôs tsênhv tsênhz, cơ quan BHXH heik, iz hâur têx qir tiv tâu tso tơưv trâu ntâu lênhx nênhs tâu sơưv nhiêx BHXH iz jiês zos viv chor shông thêv nhiêx BHXH chiê tâu sơưv nhiêx hli thâuv ntu lâul (20 shông) ntơư ntêr hênhr, uô trâu nênhs lox tôngv tsi yuô xar cxaz chuôz.

            Chei no qir uô lơưr txix hnuz xiêz 01/07/2025./.

Thu Thùy-Riê Lâux cxeik, nhênhv