“Chiv jâuz” Tuy Lộc tror tâu chos hâur cheix ntux yiêz

          Đhâu ciês thâuv đêx gris tas, zơưv Nguyễn Văn Thanh chuôz zis cux xưk li yênhx puôk ziv chuôz zis tsôngv box chos jâuz txơưr nhoz Tuy Lộc tưz tror chos jâuz đros chuôz zis li 2.500 ntâu ar liêx chos jâuz, zơưv chuôz zis khơưk yênhx đeiv hnaz tax, têx chês ntông trâus đêx cuôr yôngz lok hâur liêx por tsês. Đros co, ntâu jiês đêx tâu tso lok hâur liêx ho tror tâu grus uô hur têx vuôz tsuôz kiês nênhs, têx môngr jêz siz trâus đêx cuôr yôngz lok. Đhâu zuôr xar 2 luz hlik sir jos uô, chuôz zis li tas nro mênhv chêx ar chos jâuz tưz jux jus tâu hôx phưx. Zơưv Nguyễn Văn Thanh pheiz kênh: “Hmôngr jêz siz thiêz môngr ar cuôr yôngz lok tas hâur liêx, tsuv khơưk, thoz huk đhâu co uô ar thiêx li tror chos đuô jâuz. Heik cxuô chiê hôx phưx tâu liêx mak tsuv pôngz ntâu six hơưv”.

          Pos Nguyễn Thị Loan, nhoz jos Minh Long, xã Tuy Lộc puz pâuz, đhâu jiês đêx nas, pos chuôz zis cux chêx chôngk thoz huk têx vuôz tsuôz kiês nênhx, krêz thôngz cxix luôk zưs đêx. Txơưv li ntơưv, 2 sào ar chos jâuz nhoz qơư kis, trâus ar vôngz, pôngz ntâu six hơưv hôx phưx chiê tror chos đuô jâuz njuôz. “Thâuv co njiê thax tsav chos jâuz trâus đêx nas uô hiêv tas, môngr ar, ntông tơưs yôngz tas lok, lênhx tưs cux heik tsuv pôngz tsơưs tiv zix 4-5 luz hlik thiêx li tror chos tâu. Taz sik đhâu ntâu sir jos, qơư siêz đuô tsơưs trâus môngr vôngz mak pêz tưz hôx phưx tâu muôx nhos 2 luz hlik lơưv, đros jâuz lur hnuz mak tưz chos tâu 2 chiv”

          Pos Nguyễn Kim Chiểu, Tsar jos Minh Long, xã Tuy Lộc, TP Yên Bái puz pâuz, jos muôx 17 hecta ar uô kôngz nuv, phênhv ntâu zos chos jâuz. No cux zos pox nhuôk li phênhv sâu tsênhv, viv li ziv tưs cux truôx siêz tror hôx phưx vax trâus đêx ngaz. Viv li ciês têx hnuz đhâu ntux nas, chuôz zis tưs cux muk zơưv ar, kho đuô têx liêx chos jâuz, uô ar chos cov chuôs chiv cheix. “Tsôngv box luz nênhx tsuôk khov txos chos jâuz, thâuv đêx xâuk txos tưs pox nhuôk ho sik côngv siêz hôx phưx mênhv chêx txos co li: thoz huk ar, têx vuôz tsuôz kiês nênhs, kho đuô cêr muk lok, njưk đêx cưx đês phưx vưv uô kôngz. Đros chính quyênx tiv phaz, têx lênhx nênhs siêz jông li paz txưv, txos nhiv no muôx nhos 90% mênhv chêx jêx jos tưz hôx phưx tas đhâu jiês ntux nas”

          Tas nro xã Tuy Lộc muôx zuôr xar 100 hecta ar chos jâuz cungz trâu niêv ciêz TP Yên Bái thiêz têx thax tsav nhoz buôk co, đros têx zav jâuz li jâuz poz, tâuz zax, txir lưs suôr, tâuz tưs tâu chos thiêz tsoz phưz lơưr ploz tsênhr jâuz taz por.

          Zơưv Nguyễn Hồng Phong, Phưv CHủ tịch UB xã Tuy Lộc, TP Yên Bái puz pâuz, chiê pox nhuôk nzor hôx phưx tsiv uô đhâu jiês ntux nas, chính quyênx xã thiêz nganhx kôngz nuv tỉnh Yên Bái tưz ciêr chênhr paz txưv, heik kriê tsôngv box uô ar, tror chos đuô jâuz chiê muôx phênhv sâu hâur ntu nox tsiêz. “Đros tỉnh, TP, têx chiz coaz, tsưr tsix, lênhx nênhs, têx lênhx nênhs siêz jông li paz txưv, xã Tuy Lộc cux tưz ciêr chênhr paz tsôngv box lok zuz nôngz, heik kriê pox nhuôk uô ar, hôx phưx mênhv chêx chos jâuz trâu tsôngv pox nhuôk. Đros pox nhuôk li chuv tôngv chính quyênx cux tưz kho đuô têx njưk đêx, qơư grus đêx chiê taz por cungz đêx zưs trâu thax tsav qơư chos jâuz”

          Njiê têx vax jâuz njuôz jông sâuv liêx; têx luz txir lưs suôr siêr liêz vos đros têx njik tâuz zax njuôz mos nhôngs…pox nhuôk Tuy Lộc nhiv no lênhx tưs cux lok six jông siêz, viv no chênhr zos têx yênhx tix tax tâu đhâu têx sir jos khưx phưx đhâu jiês ntux nas.

          Pos Nguyễn Thị Loan thiêz Đoàn Thị Chiến- 2 hâur yênhx puôk ziv chuôz zis chos jâuz nhoz Tuy Lộc pheiz kênh: “Đros liêx trâus ar vôngz, nhiv no pêz tưz uô tâu li no, jâuz cux tuôx jông mak pov lok six jông siêz viv zuk tưz sir tas đas jos chiê muôx tâu chêx cuk no”

          “Cxuô lênhx nênhs lênhx tưs cux sir jos khưx phưx, nhiv no chuôz zis tưs cux muôx jâuz njuôz jông, lok six shir phaz. Txơưv grê muôs tsi tâu siêz hor ntâu taz sik cux lok six jông siêz lơưv”./.

Trịnh Xuân- Txâur Vax cxeik nhênhv

Phax tar tơưs cuz hâur cheix ntux kruôr nhoz ntus đriv Sông Mã-Sơn La

           Tsênhv qơư ciêz đrôngl Sông Mã, huyện Sông Mã (Sơn La) zos qơư xar muôx 400 chuôz zis zuôr, muôs cxuô zav hax huv, txix điện tử, tsôngk tril yo, khâu, Triêv txuôk, hlâu, meir lêix têz..... Zơưv Tòng Văn Bình, Phưv Ban seiz car ciêz heik pâuz, luôs hâux lưv phax cuz tuô cuz ziv tâu Ban seiz car ciêz đrôngs fuô uô truôx jông. “Ban seiz car ciêz tưz hux jos đros công an huyện uô hâux lưv phax cuz tuô cuz  tsưr tsix yax kriê cxaz tsưr ziv phax tar tơưs cuz ntơưv qơư trâu sơưr đơưk. Têx lênhx nênhs zuôr muôs hax huv hâur ciêz nhiêk cux bax nhiêk cxix cxuô têx chuôz zênhx phax cuz tuô cuz tso ntơưv qơư thiêz tsi so qênhz yuôx shuôs chor chuôz zênhx co seiz tsênhv jông lok tsi jông chiê thâuv zuôr trâus txos thiêx tâu zôngv”.

             Qơư muôs trox yêz sôr 18 hâur đrôngl Sông Mã zos iz qơư zuôr muôs trox yêz phưx vưv tsôngv pêx xênhv, doanh nghiệp hâur đrôngl huyện thiêz têx thax tsav nhoz jê iz ndis. Lơưr zơưv Lò Văn Thanh, thơưx seiz car qơư zuôr muôs trox co heik, zuôr muôs têx trox zôngx ziv txeik cuz viv li taz por truôx tuk tsi chiê muôx tơưs cuz thâuv tưs tưz tâu taz viv seiz zos hâux lưv zov chênhr. “Pêz thâuv tưs tưz uô jông lơưr têx cui tinhv lok phax cuz tuô cuz trơưk li ngênhx Công an heik. Iz chas co, tsi so qênhz yuôx têx chuôz zênhx phax cuz tuô cuz; kriê cxaz nzir tsưr ziv phax tar tơưs cuz....chiê txo grêk tsơưs têx txuz tsi jông li heik sâuv”.

            Sông Mã zos huyện tox siêz tỉnh Sơn La, nhoz puôz ntus đriv têz qơưk Lol Tsuôk. Thax tsav qơư no khênhr kruôr gis, muôx chuô lox, viv li thâuv tưs cux cuz sor đuô pir li 2 chas thax tsav txơưr đuô hâur tỉnh. Co zos iz hâur têx qir tiv zôngx ziv muôx tơưs cuz. Đại úy Tòng Văn Quân, Đội phó đội Cảnh sát phax cuz tuô cuz thiêz chơưv paz lênhx nênhs, công an huyện Sông Mã heik pâuz, shông 2024, hâur thax tsav muôx 02 txuz pêx xênhv vax tsêr trâus cuz hnhiêz, hmôngr jông hur si 02 txuz hluôr tơưk cuz tsêr co puôr lênhx qênhz pov nzor thiêz phax tir thêir tâu, chênhr zos li heik co lênhx nênhs tsi trâus uô li chas, tsuôk uô ruôr hiêv lok têx chuôz zênhx, vax tsêr tas xar muôx 100 tsov đeiv. “Chiê tror uô tâu truôx luôs hâux lưv phax cuz tuô cuz, cxuô cấp hâu nov ntơưv qơư tsuv uô jông têx hâux lưv zok muôz lok phax tar tơưs cuz hâur thax tsav tsôngv box nhoz, hâur chuôz zis, qơư uô hâux lưv...., iz chas ntơư cux tsuv moz siêz txos yax mông, fuô kriê chei têz qơưk thiêz cxiv tsa phôngz yaox tas nro tsôngv pêx xênhv sik đros phax tar tơưs cuz. Tsi tas li, cux sir jos xưv bluô txos qơư têx lênhx nênhs uô cxâuv; tsi puz chor qơư, chuôz zis tsi uô trơưk cui tinhv lok taz por truôx tuk phax tar tơưs cuz uô hâux lưv zuôr muôs hax huv”.

           Txix uô truôx jông cxuô faz tsưr ziv phax tir thêir têx tsi jông li heik sâuv, hâur ntâu shông lok no, thax tsav huyện Sông Mã tsi pov muôx yưv iz txuz tưs tơưs cuz hlo./.

Thu Thùy-Riê Lâux cxeik, nhênhv