Sầu riêng muôs trâu 2 chas têz qơưk đhâu tsôngx đriv Lào Cai tsar ndê siêz

Ntơưv trôngx đriv ntiêx têz cêr ar sôr 2 Kim Thành, tỉnh Lào Cai nhiv no iz hnuz muôx txix 50-80 luz yêz thâux sầu riêng muk lol đhâu trâu luôs 2 chas têz qơưk đrâuv. Co zos têx yêz muk lol đhâu trôngx đriv no ntâu đuô hur si txix thâuv ntêx txos nhiv no. Iz luz yêz lox thâux sầu riêng tsiv gri xar 2 tyv đeiv, ntâu đuô txix 4-5 jiês pir li cxuô zav txir ntông muôs trâu luôs 2 chas thax tsav, têz qơưk đrâuv. Tix lâus Vũ Ngọc Nam, hlôngr njêx muôs Công ty zuôr muôs têx xiv huv trâu luôs 2 chas thax tsav An Nguyên heik pâuz: Sầu riêng tâu Trung Quốc qênhz shuôs jông đhâu hlo thâuv muk đhâu trôngx đriv, chênhr viv li, chiê txo grêk tsơưs têx tsi jông, doanh nghiệp tsuv uô trơưk li têx cui tinhv lok truôx tuk zav nox, taz por krưr, ntiv jông, pâuz tsênhz qơư tsiv uô, thax tsav chos:“Chiê txar jav têx tsi jông trâu chor doanh nghiệp, txix ciês ntơưv qơư, thâuv krưr ntiv zuôr tso trâu sâuv yêz, pêz tsuv vêv xênhz, nzuôr têx sầu riêng cov hur si, taz sik thâuv tuôx txos no, uô ntêx thâuv cơ quan qênhz shuôs têx txir mak doanh nghiệp cux tưz qênhz yuôx shuôs đuô iz jiês thiêz, đhâu ntơư lơưr chor nênhs uô hâux lưv qênhz yuôx thiêx qênhz shuôs jông 2, 3 jiês nzir, cov txo grêk tsơưs tâu têx tsi jông li: Trâul caz hmoz tho nox uô ruôr hiêv, lok sik muôx yuôx....”.

Tsov cưv trâu têx hax huv, txir ntông ntâu, paz max uô ntâuz ntơưr, Lào Cai tsênhv muôz jông six hơưv chiê muôs tâu zav txir ntông no đhâu trâu luôs 2 chas têz qơưk. Zos xưk li thâuv ntêx, iz yêz txir ntông tsuv uô ntâu ntâuz ntơưr cik txos qênhz shuôs têx yuôx, caz hmoz tho nox uô ruôr hiêv uz no...., mak nhiv no ntâuz ntơưr tsuôk uô zôngx ziv xưz. Zơưv Vũ Văn Thành, thơưx seiz car qơư qênhz yuôx shuôs têx txir ntông, hax huv Kim Thành, Chi cục qênhz njuôk shuôs caz hmoz thax tsav 8 heik pâuz: Six hơưv qênhz shuôs têx hax huv tsi ntêr, taz sik cux tsuv taz por trơưk cui tinhv, txo grêk tsơưs tâu têx tsi jông thâuv đhâu trôngx đriv:“Chuôz tsar lênhx nênhs uô hâux lưv, têx chuôz zênhx thiêz tsov cưv trâu chor hax huv nhôngk heik cxuô, tiv zix zos têx txir ntông muk lol đhâu zôngx ziv. Pêz tsi so muôx qơư hu cux li xa mông heik trâu têx cơ quan saz Trung Quốc chiê lơưr zênhx max đros đơưk têx phiv liv lok cui tinhv, qênhz yuôx shuôs caz hmoz....chiê thâux tâu têx hax huv zôngx ziv muk lol trâu luôs 2 chas thax tsav”.

Muôx nhos 52 cxênhz tênhr sầu riêng tâu muôs đhâu trôngx đriv Kim Thành txix hâur shôngk shông txos nhiv no, xav phênhv sâu tâu zuôr xar 200 tsov đô la thiêz zos zav kôngz nuv muôs tâu ntâu đuô hur si trâu luôs 2 chas têz qơưk đhâu trôngx đriv Lào cai. Co zos têx luôs hâux lưv uô tâu jông hâur cxiz muôv muôs, paz max têx doanh nghiệp cxaz chuôz zuôr muôs xiv huv muk lol đhâu thax tsav./.

                                                       An Kiên-Riê Lâux cxeik, nhênhv

Lênhx hluôk mênhx cxưx Hmôngz sir jos huôv tsar uô nox

Xênhz zus thiêz hloz lox ntơưv jok Trống Là, xar Hồ Bốn zos huyện Mù Cang Chải, tỉnh Yên Bái li luz xar tox siêz txov nhêv, ntơưv no muôx txos 95% zos mênhx cxưx Hmôngz, kinh têr-xar hôiv tsênhv txov nhêv, đêx ar-qiv hơưv txơưr txar phiv liv. Por Xênhv Shôngx pâuz no zos têx kror uô phiv liv txos trâu huôv tsar uô nox. Uô li chak chiê hla đhâu têx phiv liv lok đêx ar thiez qiv hơưv, mak muôz têx co zos kror paz trâu zuk huôv tsar uô nox. Lênhx hluôk Por Xênhv Shôngx tưz tsik so xar: Tsuv sir jos uô bluô nux txix ciês ntơưv zuk qơư nhoz. Xar chêk uô, Por Xênhv Shôngx tưz khov trâu cxuô kror zuk chuôz zis muôx thiêz têx txux chi zuk cơưv tâu chiê huôv tsar uô kinh têr ziv chuôz zis đros têx tsưr ziv uô nox li: Tu zus buô, chos kuôr njuôl, chos tâuz zax lok zos điz phaz cir, kok tsư ha, txir tsơưz, tu zus njêl hâur têx liêx.

Por Xênhv Shôngx piêr: Xênhz zus thiêz hloz lox ntơưv no, cur pâuz zos tsik sir jos cov hla đhâu cêr pluôs mak yêiz plaz zênhx zuôr đros đrêiv zuk xưz. Taz sik chiê hla đhâu tâu cêr pluôs mak tsuv muôx txux chi, tsuv pâuz uô thiêz xar cov pâuz uô mak tsuv cơưv shâuv xưz. Kror no tưz tâu Đảng bôv, chinhr quyền thiêz chor cưk kriê ntơưr hêik kriê ntâu lơưv, viv li pêx xênhv sơưr đơưk pâuz thiêz tsuv sir jos uô trơưk, uô ntêx zos chiê uô bluô nux trâu zuk, đhâu co zos paz uô trâu zuk hlôngr yiêz đuô. Chiê uô tâu li hêik co, Por Xênhv Shôngx tưz sir jos cơưv shâuv txix cxuô qơư, cxuô lênhx nênhs, cơưv têx chênhz zênhv jông, tsưr ziv uô nox huv zos. Đros siêz xar co Por Xênhv Shôngx tưz tsik so sir jos cơưv shâuv đhâu ntâuz ntơưr, têx chuôz zênhx thôngz xor mông, cơưv shâuv chênhz zênhv txix chor nênhs lâul, chor nênhs muôx suôz bê hâur jok, hâur xar, khov trâu canr bôv côngz chức uô hâux lưv hâur xar, huyện paz kruôz kriê. Đhâu ntâu jiês uô tsik tâu trơưk siêz xar, taz sik đros sir jos cov hla đhâu tâu yêiz pluôs thiêz uô bluô nux, Por Xênhv Shôngx cux tsik tso tsês thiêz ho tror sir jos nriêr têx tsưr ziv yiêz chiê huôv tsar uô nox.

Por Xênhv Shôngx li têx sir jos huôv tsar uô nox co tưz paz muôx tâu têx hlôngr yiêz jông, thôngz đhâu Hôiv Nôngx mênhx xar, Por Xênhv Shôngx tưz kir txêik 50 triệu đêiv txix Zênhx hangx tsênhv chêi xar hôiv huyện chiê huôv tsar tu zus. Txos nhiv no, tix lâus Por chuôz zis tưz cxiv uô tâu xar muôx 200 thiêr ndis tsêr guôx tu zus buô, têx thâuv chor buô muôx txos 90 tuk. Por Xênhv Shôngx tsênhv zuôr nzir mêir luôv blêx thiêz kriz qơư muôs têx hax huv phưx vưv trâu pêx xênhv hâur jok. Paz trâu tix lâus Por chuôz zis li phênhv sâu shông 2022 tâu muôx 300 triệu đêiv ntâu.

Por Xênhv Shôngx thiêz chuôz zis tsik so phêiz kênh têx phiv liv đros pêx xênhv thiêz sơưr đơưk. Iz shông tix lâus Por tưz paz nôngz chiê huôv tsar uô nox trâu 1-2 ziv chuôz zis hôiv viên pluôs, paz hêik kriê têx chênhz zênhv jông, têx txux chi, chênhz zênhv cơưv shâuv thiêx muôx tâu hâur ntu huôv tsar uô nox trâu pox nhuôs. Sir jos hêik pox nhuôs hâur jok cxiv tsa tsêr guôx chiê tu zus cơư guôx chor tsiêx cxu, kêiz ol thiêz uô tsêr guôx cêv kuôk đêz vax tsêr nhoz cov taz por  tâu vêv xênhz tênhv qơư.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc sik côngv đros Tsênhv qơư cxơưz cxiz uô kôngz Têz qơưk uô./.

Lik Thox cxêik nhênhv