Ndo njôngr phax tar têx nênhs fêv nziêk đas nhoz Sơn La

2 six zar hnuz kêix, hnuz 24/12/2022, niêv tix L. T. N, xênhz shông 1985, muôx qơư uô jâuz mor muôs nhoz huyện Sốp Cộp, tỉnh Sơn La txêik tâu iz lênhx txir nênhs heik tiêk zos Đức Khôi hu tênhv tuôx tiêk, zos học viên thực tập ntơưv Tsêr kho moz 108, tênhv cov uô 150 têik jâuz mor trâu đoanx côngz xưv Tsêr kho moz 108 txix Hà Nội tuôx trâu huyện Sốp Cộp  chiê nox thâuv tsâuk ntux hmoz 25/12. Lênhx nênhs co tưz zôngv zalo chiê sik thav đros niêv tix N, thôngx ziv uô jâuz mor thiêz xa trâu niêv tix N 1 triệu đêiv nhiêx uô ntêx.

Txos xar muôx 2 six zar hnuz kêix hnuz 25/12, lênhx nênhs co nhắn tin trâu niêv tix N tiêk đoanx tuôx txos Mộc Châu thiêz hêik niêv tix paz zuôr 1.500 têik patê, kim chi thiêz muôz sôr tênhv trâu niêv tix N chiê niêv tix N paz zuôr uô ntêx. Niêv tix N tưz hu tênhv trâu tuk sôr lênhx txir nênhx hu Khôi co muôz mak txêik tâu iz kror zalo muôx bê “West food cungz muôs hax huv zuôr saz đrâuv têz qơưk lok” tưz sik thav đros niêv tix chiê thav txos zuôr muôs patê, kim chi thiêz hêik cov niêv tix N muôz iz kror nhiêx uô ntêx. Thâuv niêv tix N tror thav đros tuk txir nênhx muôx bê hu Khôi mak lênhx txir nênhx co hêik cov niêv tix N thêv nhiêx patê, kim chi uô ntêx, thâuv tưs đoàn tuôx txos ntơưv niêv tix kror qơư uô jâuz mor nox hmo mak mav li xav tas nro têx nhiêx co muôz trâu niêv tix. Tiv njênhs siêz, viv li niêv tix N tưz xa nhiêx trâu nênhs muôs patê, kim chi chor nhiêx muôx 46.200.000 đêiv. Đhâu thâuv txêik tâu nhiêx chêk lênhx txir nênhx tênhv nox hmo ntơưv niêv tix thiêz muôx zalo “West food cungz muôs hax huv zuôr saz đrâuv têz qơưk lok” tưz xóa sôr tênhv thiêz zalo tsik uô fôngx zưs đros niêv tix.

Cux iz zav li tsưr ziv nziêk đas hêik tas sâur, iz lênhx nênhs cux hu tênhv trâu niêv tix Quàng Thị Đ., tsưr qơư uô jâuz mor nox hâuk T.Đ nhoz phường Quyết Tâm, thành phố Sơn La hêik pâuz tiêk zos canr bôv hậu cần iz taz viv quân đôiv nhoz tỉnh Ninh Bình, hêik cov niêv tix uô 100 têik jâuz mor trâu đoanx côngz xưv txix Ninh Bình tuôx trâu thành phố Sơn La txos thâuv tsâuk ntux hmo 25/12 nox. Txos 2 six zar hnuz kêix 25/12, lênhx nênhs co hu tênhv trâu niêv tix Đ. tiêk đoanx tưz tuôx txos trâu Mộc Châu, hêik niêv tix paz zuôr 25 têik patê njêl hồi, 35 têik patê siêz ol ngôk thiêz 5 hưx chơưr vang liêz, tas nro tsiv gri 16.475.000 đêiv. Đhâu co lênhx txir nênhx no muôz sor tênhv trâu niêv tix chiê nus zuôr patê thiêz chơưr vang, hêik niêv tix paz thêv nhiêx uô ntêx, thâuv tưs tuôx txos nox mor mak zuôr uô iz jiês thêv trâu niêv tix đros nhiêx nox mor. Tiv tsik njênhs viv li niêv tix Đ hêik cov lênhx nênhs no xa nhiêx trâu niêv tix Đ uô ntêx, chêk lênhx nênhs no muôz niêv tix xóa tsik uô fôngx zưs thiêz thav tsik tâu đros lênhx nênhs no lơưv. Hmôngr jông zos niêv tix Lò Thị Đ tsik pôngz nhiêx txiêx thiêz tsik tâu bax cxuô zav chiê uô 100 têik jâuz mor xưk li lênhx nênhs co tưz tênhv uô ntêx.

Đhâu nriêr pâuz, đros iz tsưr ziv nziêk đas li co, ntâu qơư uô jâuz mor nox hâuk sâuv thax tsav tỉnh Sơn La tưz trâus nziêk đas txix oz pêz triệu đêiv txos yênhx châuv triệu đêiv thiêz uô yênhx puô têik jâuz mor sik tsik muôx nênhs tuôx nox, tsuv thor têx fôngx zưs, chor nênhs cxênhz jê paz đros nox.

Chor txuz hâux lưv hêik tas sâur zos iz kror paz hêik trâu chor qơư uô jâuz mor nox sâuv thax tsav tỉnh Sơn La pâuz txos têx nziêk đas hêik cov uô jâuz mor nox thiêz paz zuôr têx zav nox sêi uô ntêx thôngz đhâu sik thav uô ntêx txix hu tênhv, zalo, facebook. Cxuô lênhx nênhs tsuv sêiz shuôk, phax tar jông chiê tsik trâus chor nênhs fêv nziêk đas đhâu sâuv mạng./.

(TTTB-Lik Thox cxêik nhênhv)

Hâur têx hnuz no njiv muôz tsôngk tril yo sor trâu shux xênhz tox siêz hnar sor si

Nhoz thax tsav tox siêz, hâur têx hnuz đhâu ntơưv xã Suối Giàng, huyện Văn Chấn lok six no njiv. Chiê bax phax tar no trâu shux xênhz, Tsêr cơưv cxênhx nhuôs zâu Suối Giàng tưz sir jos yax mông, kriê trâu shux xênhz li niêv txir cov muôz têx tsôngk tril yo sor trâu chor nhuôs hnar ntơưv tsêr, cux iz zav li thâuv tuôx tsêr cơưv. Niêv lâul Zax Thị Ngọc Lan, shux xênhz li iz lênhx niêv heik: “2, 3 hnuz nor ntux no njiv, cưk kriê heik trâu cur tiêk, tsuv muôz tsôngk tril yo sor trâu nhuôs hnar, chiê  por hưv đas jos trâu mê nhuôv thâuv tuôx tsêr cơưv. Tuôx txos tsêr cơưv tâu chor cưk kriê ntơưr tsoz phưz jông, pêz lok six tso siêz”.

Cưk kriê Hoàng Thị Diễm Hương, Phưv thơưx seiz car tsêr cơưv cxênhx nhuôs zâu Suối Giàng heik pâuz: Tsêr cơưv nhiv no muôx 367 lênhx nhuôs zâu nhoz 03 qơư cơưv. Chiê bax phax tar no trâu têx nhuôs zâu, txix ciês hâur cheix ntux no, tsêr cơưv tưz huiz tôngv têx lênhx uô niêv uô txir, chor tsưr tsix chính trị xã hội bax nzir pav sor, pav puô, thôngz trâu đêx sor…. Chor hnuz no njiv, cưk kriê ntơưr zuôr tok têx nhuôv tuôx cơưv lis đuô pir li têx hnuz fênhx yax; tsơưs tsưr tsix têx nuv saz đrâuv jôngr, tso nhuôs uô ntâu têx txux chi đhiê uô si li uz li no hâur lớp chiê cov iz chêr sor, cê cơưv cê uô si: “Thâuv chor nhuôs pư pêv lớp, pêz thâuv tưs tưz bax têx pav sor chiê trâu nhuôs vor chiê taz por đas jos trâu chor nhuôs. Txos six nox mor mak thâuv tưs tưz muôx têx jâuz mor sor si thiêz đêx sor chiê nhuôs nox, hâuk”.

Tsêr cơưv cxênhx iz thiêz cxênhx 2 Suối Giàng muôx 400 ntâu lênhx shux xênhz nox nhoz hâur tsêr cơưv, cơưv ntơưr. Chiê phax tar no, chor cưk kriê ntơưr tưz muk yênhx qar qơư shux xênhz nhoz kriê chor nhuôs hnar tsôngk tril yo sor uô ntêx thâuv zuôr muk cơưv ntơưr thiêz kriê uô lơưr nox siêr hâuk bâu chiê taz por đas jos. Phùng Thị Hoa, shux xênhz hâur tsêr cơưv heik pâuz: “Pêz tâu chor cưk kriê ntơưr paz max yo sor, pav vor thiêz pav puô chiê taz por đas jos hâur cheix ntux no”.

Cưk kriê ntơưr Hà Việt Thành, thơưx seiz car tsêr cơưv cxênhx iz thiêz cxênhx 2 Suối Giàng heik pâuz nzir: Hâur ntu ntux txơưr txar phiv liv li nhiv no, tsêr cơưv tưz hu zâuv shux xênhz li niêv txir nhoz cxuô jêx jok đros paz tơưk chiê tâu trâur trâu shux xênhz ntê hâur tsêr cơưv: “Đros trâu têx li heik sâuv, tsêr cơưv đros shux xênhz li niêv txir thor iz cxiê lênhx nênhs siêz jông paz pav sor trâu têx nhuôs tâu vor. Hâur cheix ntux no, tsêr cơưv cux chuôz tsar têx zav nox, tsơưr pưr chiê chor nhuôs muôx đas jos phax tir  moz thiêz no”.

Huyện Văn Chấn, tỉnh Yên Bái nhiv no muôx 61 tsêr cơưv, 28.500 ntâu lênhx shux xênhz. Zơưv Phan Thanh Hải, Phưv tsar phongx Zoz zux huyện heik pâuz: Ntơưv cxuô thax tsav qơư ntux no njiv, chor tsêr cơưv muôx shux xênhz nox nhoz xênhz huôx hâur tsêr cơưv, cơưv ntơưr niêv txir zus mor tsuv tsi so qênhz shuôs shux xênhz têx qơư nox nhoz, muôx tsưr ziv phax tar no, tsi chiê chuô txiêk yâu, taz por têx nhuôv nox tsâu hnar sor chiê tsưx phưv truôx tuk shux xênhz đas jos. Ngênhx zoz zux cux chox kriê cxuô luz tsêr cơưv hux jos truôx đros shux xênhz li niêv txir  hâur tsoz phưz đas jos trâu têx tuz nhuôs: “Pêz chox kriê cxuô luz tsêr cơưv seiz lok zuk li zoz qơưx tsênhv tsênhz chiê hu zâuv têx tsưr tsix, lênhx nênhs siz chos paz têx pav, tsôngk tril yo sor uz no trâu shux xênhz. Iz chas ntơư, yax kriê txos cxuô tsêr cơưv tsi so seiz njôngr ntux têx txơưr txar chiê bax tso shux xênhz so ntơưr thâuv têx hnuz no njiv hênhr”.

Cxuô thax tsav qơư nhoz Yên Bái tsênhv tror chox kriê têx tsêr cơưv uô lơưr cxuô faz tsưr ziv phax tar no, taz por đas jos trâu shux xênhz chiê têx nhuôs tuôx cơưv ntâuz ntơưr cxix cxuô, paz gra siêz tsơưr lươngv zoz zux shông cơưv./.

(Đinh Tuấn-Riê Lâux cxeik, nhênhv)