Muôz têx hax huv muôx nhoz tox siêz muôs hâur siêu thị

Nhiv kruôr no, Công ty TNHH Tsiêx đêx hur Hải Hà, huyện Yên Bình, tỉnh Yên Bái tưz cir jênhv đros tos sik côngv Central Retail lok chox zuk chor hax huv muk trâu hâur siêu thị nhoz tập đoàn no. Txix no, jiês xuz thơưx chor hax huv OCOP hov 3 hâur công ty zos têx grêix njêl jov mok chox muk muôs hâur siêu thị Big C. Niêv tix Vũ Thị Thu Hương, Sêiz car Công ty TNHH Tsiêx đêx hur Hải Hà puz pâuz:

“Pêz taz viv zos iz taz viv uô jông txĩ xtu zus txos uô têx hax huv; hâur qênhx shênhx uô nox, têx zav uô tâu taz por ngaz tuk txix uô txos trâu thâux xa, tsês chiê uô chak cov têx hax huv tsês chiê tâu muôx 2 txos 3 hli thâuv tsik muôx têx zav tsơưr paz tsês chiê. Pêz chor hax huv cir jênhv đros têx sik côngv Big C zuôr paz trâu pêz chor hax huv huôv tsar”.

Hâur iz shông đhâu, yênhx châuv hax huv kôngz nuv chênhr nhoz tỉnh Yên Bái cux tưz tâu hêik pâuz txos trâu nênhx sir zôngv ntơưv siêu thị Big C Thăng Long (Hà Nội). Chor hax huv li txir lưk jôngr Đại Minh, cxur blâuv Tú Lệ, cuz thaz kruôr kok tsơưz  Giới Phiên, grêix kra kruôr, cuêv fix Văn Yên, tâuv huôz xênhz liêz Lục Yên thiêz chor hax huv uô txix chor njêl pak đêx Thác Bà tưz tâu chôngz lênhx nênhs sir zôngv nhoz thủ đô tsov cưv txos, xêir tsov.

Zơưv Nguyễn Quyết, Phưv Giám đốc HTX Tsiêx đêx Hoàn Kim, huyện Yên Bình, tỉnh Yên Bái phêiz kênh:

“Công ty chor hax huv nhiv kruôr muôx muôs ntơưv siêu thị Big C zos phênhv paz lox trâu hâux lưv huôv tssrr tu zus tsiêx đêx hâur taz viv thiêz tas nro chor chuôz zis tu zus tsiêx đêx sâuv pak đêx Thác Bà. Đhâu xor xưv no, Công ty zuôr cxaz nzir têx hax huv thiêz kho đuô tsưr ziv tu zus”.

Zơưv Lê Minh Phong, Giám đốc sêiz car Chor qơư muôs huv Big C thiêz Go thax tsav Hà Nội-faz Bắc hêik pâuz:

“Pêz taz viv muôx kinh doanh Yên Bái chor hax huv. No zos chor hax huv mak lơưr pêz njiê pov mak tưz tâu nênhs sir zôngv nhiêv thiêz njênhs zuôr. Pêz vav tiêk zuôr muôx ntâu đuô Yên Bái têx hax huv lok muôs hâur pêz kror qơư no. Đrâuv chor nênhs cungz mak pêz cux vav tiêk cơ quan ntơưv thax tsav qơư zuôr cxaz chuôz paz trâu chor ziv chuôz zis hâur hâux lưv uô truôx jông tsơưr lươngv têx hax huv, đros pez mak no zos kror zov chênhr tiv zix. Tiv oz têx kror hlôngr yiêz lok công nghệ, cux xưk li tsưr ziv uô chiê chor hax huv cê taz por tsơưr lươngv, gri muôs cux huv đros, zôngx ziv tâu chor nênhs sir zôngv nhiêv zuôr”.

Pos Nguyễn Thị Điểm, nênhs sir zôngv nhoz phường Trung Kính, quận Cầu Giấy, thành phố Hà Nội hêik:

“Pêz zuôr chiê zôngv thiêz nox siv têx zav nox kaz muôx nhoz thax tsav Yên Bái thiêz pov lok six njênhs thiêz nhiêv têx hax huv no viv tsơưr lươngv thiêz gri muôs cux huv đros”.

Lơưr zơưv Đoàn Lê Khoa, Giám đốc Tsênhv qơư cxơưz cxiz uô kôngz thiêz paz thơưz thương mại tỉnh Yên Bái, nhiv no, yênhx châuv zav hax huv kaz jông ntơưv thax tsav qơư tưz tâu muôx trâu ntơưv cxiv luôs têx siêu thị li Big C, Vinmart, Lotte…

“Đros chor doanh nghiệp Yên Bái mak thâuv tưs cux xav jênhv tsuv uô têx hax huv hur thiêz ngaz tuk huv zos li zoz qơưx, tax ploz tsênhr chiê muôs tâu trâu ntơưv têx siêu thị, co zos kror zov chênhr tiv zix”.

Chiê muôx ntâu đuô thiêz têx hax huv muôs trâu ntơưv chor siêu thị lox, ntu zuôr txos chor doanh nghiệp, HTX tỉnh Yên Bái tsuv tsik so ntâuk gri ciêz đrôngs li siêz nhiêv, paz muôx tâu têx hax huv tsơưr lươngv siêz, tax tâu nênhs sir zôngv li zoz qơưx sir zôngv ziv hnuz ziv siêz./.

Đinh Tuấn-Lik Thox cxêik nhênhv

Moz Marburg

Muôx têx zav moz zos tiv caz moz Marburg uô muôx yưv

Xưk li moz Êbôla, moz Marburg uô tơưv poz liêz tiv caz moz thiêz uô nyar đôngs. Lơưr WHO, thâuv trâus cik moz mak 2 txos 21 hnuz thiêx pov muôx têx moz yưv li iz chêr cuz sor, moz tâuz hâu thiêz gênhs gênhs. Têx moz yưv txơưr zos moz thox plaz, xar ntuôr, tsav plaz, tơưv trôngx lok nyar shơư qir.

Lơưr Tsênhv qơư seiz car thiêz phax tar moz Châu Âu, Marburg tsi cik hâur ntu moz tsi tâu huôv xênhz. Tiv zix, moz zuôr uô tuôs lênhx nênhs đhâu 7-8 hnuz thâuv huôv moz viv trâus lok nyar ntâu trâu thâuv muk tơưv trôngx…Têx moz yưv hnhar zos pov đax njês, moz siêz, moz cxuô zav hâur chêr.

Uô cik caz moz Marburg

Lơưr WHO, puôr nox txir ntông tâu seiz zos uô cik caz moz trâu lênhx nênhs, txơưv tus puôr co tsi trâus moz. Moz cux cik đhâu ntâu qơư txơưr.

Pir li uô hâux lưv ntêr hâur kror ar muôx ntâu qir puôr. Caz moz cik đhâu kror cxaz lok sik sâuv têx chuôz zênhx, trik yo, pav…lok sik cik đhâu zav nox muôx caz moz.

Thâuv lênhx niêv xênhz tuz ci hâur chêr caz moz Marburg cux cik tâu trâu mê nhuôk thiêz tus pox niêv co têx cuô mis cux trâus muôx caz moz Marburg.

Tsưr ziv phax tar caz moz Marburg

Têx lênhx nênhs nhênhz chơưv y tế puz pâuz tsi muôx yuôx vắc xin phax moz lok sik tsưr ziv kho moz trâu zav moz hêik sâu; taz sik hâux lưv cungz đêx trâu nênhs moz thiêz kho têx moz yưv trâu nênhs moz cux paz chơưv kho tâu trâu lênhx nênhs trâus moz. Tsưr ziv phax tar jông tiv zix hâur ntu no zos phax tar caz moz tsik chiê siz cik txix lênhx nênhs trâu lênhx nênhs, cik txix tsiêx cxu trâu lênhx nênhs./.

(VTV-Txâur Vax cxeik nhênhv)