Tsôngv box Hà Nhì li qơư khov truôx tul nhoz ntus đriv

Txix têx shông 1996 lok zar tov ntêx, xã Sín Thầu, huyện Mường Nhé, tỉnh Điện Biên zos qơư cuz nxor lok zax zênhz, tiv nanv xã hội viv muôx yênhx puôk lênhx nênhs muôx zênhs zax zênhz. Tas nro xã thâuv co muôx 1 cxênhz 300 ntâu lênhx nênhs mak muôx txos zuôr xar 110 lênhx nênhs muôx zênhs zax zênhz. Zax zênhz tsi tưz uô zênhr shar txos đas jos, tsi xar uô lox tôngv, krêz phaz huôv tsar cêr uô nox mak tsênhv uô ntâu ziv chuôz zis tsi so trâus yeiz pluôk.

          Chiê Sín Thầu ngaz tul, tsâu sor li nhiv no, zơưv Pờ Dần Sinh-iz lênhx lâuk nênhs nhoz jos nênhs Hà Nhì, zos đangv viên, Bí thư Đảng ủy xã xuz thơưx nhoz têz qơưk no tưz uô ntêx nyuôk vênhv tôngv tsôngv box muôx zênhs zax zênhz muk chiv zênhk zênhz, ruôr por tsês tsoz zax zênhz. Nhiv no txơưv tsi uô côngz xưv lơưv thiêz, taz sik zơưv cux zos lênhx nênhs uô ntêx nyuôk hâur huôv tsar kinh têr, paz pox nhuôk tsưr ziv uô nox muôx chêx cuk, hla đhâu cêr yeiz pluôk. Muôx 6 cxênhz yiv ndis pas zus njês, 50 tul nhux đas, nhux tưv; 7 hecta sa nhân thiêz 2-3 châuv tul buô, zơưv Sinh zos chuôz zis uô ntêx nyuôk huôv tsar kinh têr nhoz Sín Thầu, tâu tsôngv box njênhs njôngr txos. Tsar jos Sín Thầu, Sừng Pó Tư muôx ntu muôx zênhs zax zênhz, taz sik đros chính quyênx tiv phaz truôx siêz tôngv vênhx, Sừng Pó Tư tưz jênhv pâuz tâu tiêk tsuôk uô lox tôngv, tso tsês zax zênhz thiêx li uô tsưr luz nênhx thiêz paz chuôz zis sir jos hla đhâu cxuô phêv liv. Nhiv no, tsi taz hla đhâu cêr pluôk, Sừng Pó Tư tsênhv zos tsar jos uô ntêx nyuôk, tâu tsôngv box sđ njênhs njôngr:“Đ/c Pờ Dần Sinh sir jos tôngv vênhx cur chiv zênhs zax zênhz, đhâu co tror heik kriê cur tsưr ziv chox kriê chiê pox nhuôk njênhs njôngr đuô. Tâu li nhiv no cur lok six shir phaz”.

          Yuôr đros zơưv Lỳ Xuyến Phù, kuz Chủ tịch UB xã Sín Thấu, txơưv tưz muôx 65 shông hnuz nhôngs, taz sik chênhz zênhv 40 shông ntâu đros bộ đội pênhz phax uô hâux lưv, lưx lươngv bộ đội pênhz phax li têx jiês muk qênhz yuôx puôr lênhx zôngx ziv đuô viv muôx zơưv kriê cêr, lok sik txơưv ntux nyar ntux nas. Zơưv Lỳ Xuyến Phù puz pâuz:“ Pêz ndo njôngr têx lâuk li luk heik kriê, ndêx đriv têz zos tul ndêx mak Đảng, têz qơưk lok six tsov cưv thiêz 3 luz têz qơưk sik đros uô tiêr. Viv li pêz tsuv muôx txơưx jênhv tuôr tsês, kruôz kriê cêr chax chês no txos tuz nhuôk”.

          Thiếu tá Đoàn Thanh Tuấn, chính trị viên Zênhx pênhz phax A Pa Chải, huyện Mường Nhé puz pâuz: Đros têx lâuk jos, tsar jos, têx đangv uô uô ntêx nyuôk li zơưv Sinh, Zơưv Phù sik côngv đros pêz tsi taz cungz têx xor mông muôx tsiv grê, sei lok txiv ngaz ntus đriv mak tsênhv gôngr đas jos hâur hâux lưv yax mông lok cui chế por vêv ntus đriv, ndêx đriv têz trâu pox nhuôk. Khov co, ntâu chuôz zis tưz txưv zênhv cir ntơưr thiêz chuv tôngv, sir jos cxaz chuôz seiz car, por vêv ntus đriv, ndêx đriv têz, taz por txiv ngaz jêx jos:“Têx lênhx lâuk jos, tsar jos, têx lênhx txir ndâux txir luk, tsar xênhv nênhs nhoz thax tsav ntus đriv têz qơưk zos têx đangv viên ntâu shông uô ntêx nyuôk hâur huôv tsar kinh têr xã hội, zos têx lênhx nênhs thâuv tưs cux sik côngv jông đros bộ đội pênhz phax cxaz chuôz cxiv tsa thax tsav ntus đriv ziv hnuz ziv truôx tul”.

          Nhoz ntus đriv faz Tây têz qơưk, têx lênhx lâuk jos, tsar jos, têx lênhx txir ndâux txir luk tâu seiz zos pox nhuôk Hà Nhì li qơư khov njôngr truôx tul. Txix siêz xar hlôngr yiêz luz nênhx yeiz pluôk, têx đangv viên li zơưv Sinh, zơưv Phù tưz paz tsôngv box cxuôv por tsês cêr yeiz pluôk, cxuôv đis muôs ntơưr, paz tsôngv box nhoz jêx jos ntus đriv no luz nênhx ziv hnuz ziv hlôngr yiêz jông./.

                                                                       Vũ Lợi-Txâur Vax cxeik nhênhv

PHÊNHV CHÊI TÊZ QƠƯK THÊV NHIÊX SÊ

Chor nênhs njiz trâus phiv liv tiv moz Covid-19 li ntâuz ntơưr thor txo grêk tsơưs nhiêx ntiêr ar, ntiêr pak đêx

Lơưr co, Cuêz tênhv sôr 01/2023/QĐ-TTg cui tênhv txo grêk tsơưs nhiêx ntiêr ar, ntiêr pak đêx shông 2022 trâu chor nênhs njiz trâus phiv liv tiv moz Covid-19. Chor nênhs tâu uô trơưk zos: Tsưr tsix, taz viv, doanh nghiệp, ziv chuôz zis, tiz nênhs tsênhv tâu têz qơưk muôz ntiêr ar, pak đêx lơưr Cuêz tênhv lok sik Hux thôngx lok sik ntâuz ntơưr cungz jênhv sir zôngv ar, cơ quan têz qơưk muôx vax huôv li qênhx lok tsêr nhoz, cxuô zav muôx sâuv ar lơưr tsưr ziv thêv nhiêx ntiêr ar, ntiêr pak đêx lơưr yênhx shông.

Cui tênhv ntơưv Khoản 1, Grê 2, Cuêz tênhv sir zôngv trâu tas nro chor lênhx nênhs ntiêr ar, ntiêr pak đêx tsik zos chor nênhs tsuv tâu paz lok têx nhiêx ntiêr ar, ntiêr pak đêx thiêz chor nênhs ntiêr ar, ntiêr pak đêx tsênhv tâu paz lok nhiêx ntiêr ar, ntiêr pak đêx lơưr chêi têz qơưk lok đêx ar li têx cui tênhv (Chêi đêx ar thiêz têx ntâuz ntơưr cui tênhv tsênhz mênhx Chêi đêx ar) thiêz têx Chêi têz qơưk txơưr cik txos. Cơ quan muôx vax huôv đơưk uô têx ntâuz ntơưr thor paz txo grêk tsơưs nhiêx ntiêr ar, ntiêr pak đêx; chor cơ quan, tsưr tsix, tiz nênhs txơưr đuô cik txos.

Ntâuz ntơưr thor tâu paz txo grêk nhiêx ntiêr ar trâu chor nênhs njiz trâus phiv liv tiv moz Covid-19 tâu uô li đrav kaz:

Phênhv paz txo grêk nhiêx ntiêr ar, ntiêr pak đêx trâu nênhs njiz trâus phiv liv tiv moz Covid-19 shông 2022: Grêk 30% nhiêx ntiêr ar, ntiêr pak đêx tsuv thêv shông 2022 trâu chor nênhs ntiêr ar, ntiêr pak đêx cui tênhv ntơưv Grê 2 Cuêz tênhv no; tsik paz trâu chor nhiêx ntiêr ar, ntiêr pak đêx tsênhv yuôr thêv tsik tâu tas nhoz têx shông uô ntêx shông 2022 thiêz têx nhiêx thêv kênhz (zos muôx).

Phênhv paz txo grêk nhiêx ntiêr ar, ntiêr pak đêx cui tênhv ntơưv Khoản 1, Grê 3 Cuêz tênhv 01/2023/QĐ-TTg tau xav lơưr chor nhiêx ntiêr ar, ntiêr pak đêx tsuv thêv shông 2022 lơưr chêi têz qơưk têx cui tênhv. Zos tiêk nênhs ntiêr ar, ntiêr pak đêx tsênhv tâu paz txo grêk tsơưs têx nhiêx ntiêr ar, ntiêr pak đêx lơưr cui tênhv lok sik tâu xav trâu têx nhiêx pâux nzir, nhiêx kriz uô plas ar lơưr chêi têz qơưk têx cui tênhv lok nhiêx ntiêr ar, ntiêr pak đêx mak tâu paz txo grêk tsơưs 30% nhiêx ntiêr ar, ntiêr pak đêx tâu xav lơưr chor nhiêx ntiêr ar, ntiêr pak đêx tsuv thêv (zos muôx) đhâu thâuv tưz tâu txo grêk tsơưs lok sik pâux nzir lơưr chêi têz qơưk têx cui tênhv.

Chor nênhs njiz trâus phiv liv tiv moz  Covid-19 li têx ntâuz ntơưr thor paz txo grêk nhiêx ntiêr ar, ntiêr pak đêx shông 2022: Ntơưr hêik thor cov paz txo grêk tsơưs nhiêx ntiêr ar, ntiêr pak đêx shông 2022 trơưk li ntơưr muôx đros Cuêz tênhv sôr 01/ 2023/QĐ-TTg./.    

                Thanh Thủy-Lik Thox cxêik nhênhv