Tsaz yênhx nta suôz luk Hmôngz hnuz xiêz 4.3.2023
Thứ sáu, 10:45, 03/03/2023 VOVTB VOVTB
VOV4.VOV.VN -

Nênhs Cho Hà Giang li nduôr blêx Lưa Khoải, iz zav nox kaz nto bê

Zos nênhs Cho nhoz huyện Đồng Văn, tỉnh Hà Giang phênhv ntâu lênhx tưs cux puôr lênhx txơưx uô nduôr blêx Lưa Khoải (tsôngv box khênhr hu zos nduôr blêx Lưa Khoải) tâu cxênhx pos zơưs, niêv txir kriê trâu thiêz seiz no zos mênhx cxưx li zav nduôr Lưa Khoải nox kaz thâuv tưs cux muôx hâur têx hnuz ntênhs hnuz tsiêz. Niêv lâuk Lý Thị Dân nhoz Đồng Văn puz pâuz:“Thâuv txos tsiêz cur chuôz zis puôr lênhx uô nduôr Lưa Khoải, no zos nênhs Cho yo ntêr li iz zav nduôr muôx cxôngx nzor. Chiê muôx nduôr Lưa Khoải kaz thâuv sâuv cxur txuô yiêz tsuv xeir zav zav cxur kaz chox muk tsâu txâuk 6 six hơưv đhâu co bu lok jov uô môngr. Đrâuv xeir cxur kaz tsuv muôx têx zav blôngx li blôngx kriêr đax, blôngx txir pôngr lưx, pax tâuv xiêr…chiê nduôr jông thiêz tsư kaz đuô”

          Chiê uô tâu nduôr nox kaz jông, pox nhuôk xeir cxur txuô kaz tsâu đêx 4-5 six hơưv, đhâu co bu lok cov xâuk đêx tas mav chox muk jov yênhx môngr. Đhâu co muôz chor blôngx tưz bax uô ntêx lok tsâu đêx 15-20 phênhz chiê muôx tâu chor maux jông. Chiê nduôr njuôz jông mak zôngv pax tâuv xiêr tuôr mos liv đêx chiê shơư đros môngr. Chiê nduôr liêz jông mak zôngv txir gấc uô. Uô tas muôz chor cuô maux co juôx đros chor môngr tưz jov, đhâu co chox muk chuz 30 phênhz thiêz tsi cxoz uô têx maux shơư uô cê. Thâuv nduôr tsav tuôx, jôngx mak muôz lok puôz uô yênhx thôngx ntêr 15-20 cm. Đhâu 10 six hơưv nduôr txiêk mak pox nhuôk cxôngr uô yênhx đeiv chiê uô yênhx zav nox li: muôz txiêz, muôz thênh…Đrâuv co nduôr tsênhv tâu zôngv uô cuz thaz nox, uô đros kriêr, lôngx xôngz, uô kaz njêr lok sik kaz thax puôr lênhx tâu, lơưr yênhx lênhx nênhs li siêz nhiêv. Nênhs Cho yo ntêr nhoz Đồng Văn li zav nduôr no tsi taz nox hâur hnuz Tsiêz mak hâur trôngx mor niêx hnuz cux muôx, thiêz tưz yênhx zav nox nto bê tâu chôngz lênhx kruô ju lix nhiêv nox. Tix lâuk Nguyễn Tiến Tuyên, iz lênhx kruô tuôx txix Hà Nội puz pâuz:“Đhâu nox têx zav nox tâu uô txix nduôr blêx Lưa Khoải mak cur pov lok six kaz, tiv zix zos uô đros kriêr, lôngx xôngz nox lok six kaz, jông li nênhs nhoz tiêx đras li nduôr blâuv. Nduôr jôngx thiêz lok six kaz, nox txos tưs pov kaz txos co. Cur xar njôngr iz jiês thiêz tuôx ntơưv no chiê tâu nox zav nox kaz no”.

          Phưx vưv tsôngv kruô ndis shuôk uô si li zoz qơưx, nhiv no ntâu ziv chuôz zis nhoz huyện Đồng Văn- Hà Giang tưz krêz qơư uô nduôr Lưu Khoải cungz trâu niêv ciêz tas nro têz qơưk, muôx cxaz phênhv sâu, muôz hâux lưv uô trâu ntâu lênhx nênhs lox tôngv. Niêv lâuk Liên Xênhv Vax nhoz jos yiêz- phố Bảng, huyện Đồng Văn, tỉnh Hà Giang, iz chuôz zis krêz qơư uô nduôr Lưu Khoải puz pâuz:“Thâuv ntêx nduôr blêx Lưa Khoải tâu uô chiê nox hâur têx hnuz tsiêz hnuz ntênhs, nox yôngz….Nhiv no mak uô nduôr Lưa Khoải chiê muôs trâu tsôngv kruô nox. Nhiv no, iz hnuz cur qơư uô nduôr uô 300-400 luz nduôr blêx Lưa Khoải muôs trâu niêv ciêz. Cur uô iz app heik kriê sâuv mạng xã hội thiêz viv li chôngz lênhx nênhs đuô pâuz txos zav nox no thiêz cux xa tâu muk tas nro têz qơưk chiê cxuô lênhx kruô nox siv”./.

                                                                    Chẻo Thu-Txâur Vax cxeik nhênhv

Niêv đêx đas nhoz đruôz đraz thax tsav faz Bắc

          Niêv đêx đas tâu cxiv uô pak đêx tênhv tênhz Sơn La, muôx ntâu luz yêz gox đêx tsar muk lok hâur tus niêv đêx co nhoz saz huyện Quỳnh Nhai, tưz uô trâu chôngz lênhx kruô tuôx uô si, ndis shuôk têz qơưs.Trịnh Thị Vân Anh, iz lênhx kruô nhoz Hà Nội tuôx sêiz shuôk têz qơưs shir phaz lul hêik pâuz: “Shông no, cur chuôz zis  tuôx uô si trâu niêv đêx đas hâur thax tsav huyện Quỳnh Nhai. Thax tsav qơư no muôx tox trôngz câuv har đros trâu tus niêv đêx đas co jông jav, cxơưz cxiz tâu tsôngv kruô tuôx uô si, cxêik đuôz. Đhâu no, pêz zuôr hêik kriê têx qơư jông jav no trâu têx fôngx zưs cxênhz jê pâuz chiê sđ tuôx ndis uô si trâu thax tsav qơư no”

          Luz yêz gox đêx thâux tsôngv kruô muk sêiz shuôk têx qơư jông jav nhoz trơưk tus niêv đêx đas thiêz muk sêiz shuôk tus đêx sor; sêiz shuôk qơư Linh Sơn, Gâux han…Lar hêik zos muk trơưk tus niêv đêx đas zos  Qox Pá Uôn thiêz kror qơư no zos qơư chiê hêir nênhs poz ziz tsưr tsix tưr gruôv fuôx gox thiêz qơư chiê têx nxêik poz ziz nhoz huyện Quỳnh Nhai tsưr tsix ntênhk nzuôr plâuz hâu….đros trâu têx qơư kriz ciêz muôs hax huv sâuv fuôx gox đêx…uô trâu tsôngv kruô hâur tê qơưs thiêz kruô oz chas têz qơưs nhiêv tuôx sêiz shuôk. Iz lênhx kruô nhoz têz qơưs Ita li a shir phaz lul hêik pâuz:“No zos jiês xuz thơưx, cur tuôx trâu Quỳnh nhai, sêiz shuôk cxuô zav hax huv muôs hâur fuôx gox sâuv niêv đêx đas, cux muôx ntâu zav hax huv jông, txix têx tsôngk tiêz, tsôngk yo, cxuô zav nox”

          Tus niêv đêx đas đar 10.500 ntâu ha đros trâu yênhx châuv luz poz hiêr lox zâu, zôngx ziv trâu Quỳnh Nhai huôv tsar cxuô qơư ndis uô si, sêiz shuôk têz qơưs muk lok hâur niêx đêx đas. Zơưv Điêu Đức Trọng, phưv sêiz car công ty du lix Quỳnh nhai hêik pâuz:“Tsôngv kruô tuôx trâu Quỳnh Nhai, zuôr tâu chêix yêz gox đêx ndis uô si, sêiz shuôk têx qơư jông jav hâur niêv đêx đas, huv đros tsôngv kruô siêz nhiêv thiêz tâu cxêik đruôz trâu têx poz hiêr lox zâuv jông jav txơưr tsik siz thôngx. Hâur sông 2023 no, pêz zuôr sir jos huôv tsar uô cov muôx nzir ntâu zav hax huv yiêz chiê cxơưz cxiz tsôngv kruô tuôx uô si, sêiz shuôk têz qơưs txos Quỳnh nhai”

          Trơưk li tỉnh Sơn La njuôk xav txos shông 2030, huyện Quỳnh Nhai tâu xav zos iz thax tsav qơư zôngx ziv huôv tsar cxuô qơư ndis uô si, sêiz shuôk têz qơưs trơưk tus niêx đêx đas. Chênhr zos li hêik ntơư, hâu nov huyện Quỳnh Nhai tsênhv taz tov sir jos cxơưz cxiz cxiv uô cxuô qơư ndis uô si, cêr muk lok txuôk đros Mộc Châu, Sa Pa, Mù Cang Chải thiêz tỉnh Điên Biên. Zơưv Lò Thanh Thuỷ, phưv chủ tịch uỷ ban huyện Quỳnh Nhai, tỉnh Sơn La hêik pâuz:“Pêz xav tênhv huôv tsar cxuô qơư ndis uô si txuôk đros sđ têx txux chi, vênhx huôv jông hâur tus niêv đêx đas thiêz têx tox trôngz câuv har jông jav. Ntơư zos iz luôs hâux lưv tsuv uô cov tâu truôx, tâu Đảng bộ huyện Quỳnh Nhai xêir tsov uô trơưk Nghị quyết đại hội Đảng bộ khoá  XXI./.

                                       Tsu cxêik nhênhv-Lê Hạnh VOV Tây Bắc

VOVTB

Viết bình luận

TIN CÙNG CHUYÊN MỤC