Huôv tsar tu zus njêk sâuv pak đêx Thác Bà

Thâuv ntêx no, niêv tix Nguyễn Thị Hà ziv chuôz zis uô vax thêir zus njêl ntơưv xar Thịnh Hưng, huyện Yên Bình, tỉnh Yên Bái. Shông no, thâuv đêx hâur pak đêx Thác Bà grêk kik, phiv liv ntâu txos njêl li hloz lox, niêv tix Hà tưz cuêz tênhv txar 80 luz vax thêir zus njêl txix xar Thịnh Hưng lok trâu ntơưv thị trấn Yên Bình, đêz muôx 10 cêik cêr đêx. Chiê zôngx ziv trâu hâux lưv thâux xa têx zav nox thiêz chaz tênhv xênhz huôx, niêv tix chuôz zis tưz tsuv tas muôx 400 triệu đêiv ntâu yưv pênhr uô cêr cux li chaz tênhv tênhz txix ntơưv ntus muk trâu ntơưv chor vax thêir zus njêl co:“Đêx grêk kik hênhr mak cxuô kror cux lax uô, njêl tuôs ntâu viv li cux cxơưx, nriêr đuô tsưr ziv thiêz chox chor njêl txar lok trâu ntơưv no”.

Chiê khưx phưx uô nox thiêz tuôr truôx tâu phênhv sâu, niêv tix Hà cux hlôngr đuô iz cxiê vax zus njêl muôs grêix chiê tu zus njêl nôngz li njêl nheo, njêl tầm, njêl ngạnh… phưx vưv njêl nôngz trâu chor ziv chuôz zis nhoz ntơưv thax tsav qơư thiêz muôs muk trâu Hải Phòng, Lào Cai… Txos nhiv no, chuôz zis tưz muôs tâu muôx nhos 50.000 tuk njêl nôngz, paz muôx tâu phênhv sâu yênhx puô triệu đêiv:“Njêl nôngz mak pênhr yưv tsik yuô ntâu li njêl muôs grêix, njêl muôs grêix mak zus 2-3 shông thiêx li muôs tâu, zos tsês ntêr hênhr zuk tsik muôx phênhv paz tưs. Zos zus njêl nôngz mak thâuv muôx nênhs zuôr cux muôs tâu thâuv muôx 2 hli, 5 hli lok sik 7 hli lơưv”.

HTX suôz njêl Hoàng Kim zos iz hâur têx taz viv muôx chor vax thêir zus njêl ntâu tiv zix sâuv thax tsav huyện Yên Bình, đros muôx 300 ntâu luz vax thêir zus cxuô zav njêl li njêl nox jâuz, njêl pok nêiz, rô phi… sâuv pak đêx Thác Bà; xav iz shông muôs muôx yênhx puô cxênhz tấn njêl. Txos chêix njêl shông no, HTX njiz tsik tsơưs têx phiv liv tiv chor đêx hâur pak đêx grêk kik. Pos Vũ Thị Thu Hương, sêiz car HTX suôz njêl Hoàng Kim puz pâuz: chiê muôx txâuk oxy thiêz tênhv qơư uô nênhx nhoz trâu njêl, HTX tưz txar tas nro chor vax thêir zus njêl muk trâu kror qơư yiêz, muôx đêx toz txix 20 thiêr tror sâur. Thôngx cxix, muôz cxiv luôs paz muôx oxy, mêir gruk đêx paz uô lax trâu chor njêl chox lok sir zôngv:“Txar txix qơư muôx đêx ntiêr lok trâu ntơưv qơư muôx đêx toz đuô, muôx ntâu oxy chiê paz trâu chor njêl cov tu zus tâu ngaz tuk đuô”.

Huyện Yên Bình nhiv no muôx yênhx puô ziv chuôz zis li 2.000 ntâu luz vax thêir zus njêl. Tsưr ziv shông 2023, thax tsav qơư huôv tsar nzir 200 nâtu luz, paz trâu chor njêl muôz muôs ndê muôx 8.400 tấn iz shông. Chiê uô tâu li tsưr ziv no, nganhx muôx vax huôv huyện Yên Bình hêik chor chuôz zis tu zus tsuv sêiz shuôk jông ntux yar ntux nas, muôx tsưr ziv jông lok qơư nhoz trâu njêl. Pos Đào Thị Thanh Hiền, Trưởng phòng Kôngz nuv thiêz Huôv tsar jêx jok huyện Yên Bình, tỉnh Yên Bái puz pâuz: Thax tsav qơư cux kriz uô ntâu tsaz yênhx, dưv anr paz trâu chor ziv chuôz zis tu zus njêl hâur vax thêir, tsưr tsix tso njêl nzir trâu hâur pak đêx Thác Bà chiê paz muôx nzir njêl hâur pak đêx:“Chor Doanh nghiệp cux li chor ziv chuôz zis tưz kriz uô chor tsưr ziv huv đros chiê paz khưx phưx tâu tu zus têx suôz njêl thiêz tror tso njêl chiê paz muôx nzir chor njêl hâur pak đêx Thác Bà cux xưk li tsơưr lươngv chor njêl tu zus”.

Đhâu ntu kruôr đêx truz ntêr, txos six hơưv no, chor đêx hâur pak đêx Thác Bà pur siêz muôx 53 thiêr ntâu, jông trau tu zus têx suôz njêl. Taz sik, chiê chor njêl zus huôv tsar jông đhâu iz ntu muôx tsik txâuk đêx, chor ziv chuôz zis thiêz doanh nghiệp tưz kriz uô cxaz nzir chor tsơưr khoangr, vitamin chiê paz trâu chor njêl muôx nzir đas jos; thôngx cxix qênhz shuôk jông qênhx shênhx caz moz, zav nox chiê paz txo grêk tsơưs tiv zix têx phiv liv hâur qênhx shênhx tu zus têx shuôz njêl./.

Đinh Tuấn-Lik Thox cxêik nhênhv