Phênhv đas jos thiêz siv nênhx thưr 4.21.12.2016:

TSUV TSO TSÊS 7 LUÔS HÂUX LƯV TSI ZOS THÂUV KHO MOZ TSO JIK THAX

      1. Nox ntâu thax zos qir tiv uô moz tso jik thax

Tsênhz mênhx tsi zos li ntơư. Moz tso jik thax muôx yưv thâuv luz chêr tsi muôx pênhr xưv hlôngr têx tsơưr pưr yênhx đas jos thiêz tsi muôx lênhx coaz tul tsi txos têx thax nox muk trâu zuk luz chêr hâur têx pluôk nox niêx hnuz.

      2. Nênhs trâus moz tso jik thax tsuv uô trơưk ntâu tsưr ziv thâuv nox hâuk.

No cux zos iz siêz xar tsi zos viv tsênhz mênhx nênhs trâus moz tsi tsuv hlôngr zuk tsưr ziv nox hâuk ntâu. Lơưr têx bác sỹ, nênhs moz tsuôk muôx tsưr ziv nox hâuk zôngx ziv hâur yênhx pluôk mor niêx hnuz. Tsuv xeir têx zav nox huv đros, cxiv tsa tsưr ziv nox hâuk huv đros, đros co zos muôx têx huôx tôngv chiê têx thax hâur yar ngaz tul đuô.

      3. Tsuv jav têx zav nox muôx ntâu Carbohydrates

Têx zav nox muôx ntâu Carbohydrates li nôngz tâuv pâur, tâuv njuôz, tâuv liêz thiêz têx txir ntông, jâuz tâuv cxuô zav. Têx zav nox no muôx ntâu tsơưr pưr, vitamin jông trâu luz chêr. Viv li nênhs moz tso jik thax tsi zuôr jav têx zav nox no tas hur si mak tsuv nox hâuk li chas cov huv đros.

      4. Hlôngr tsưr ziv hâuk yuôx lơưr yênhx pluôk nox.

No zos siêz xar tsi zos. Tsênhz mênhx, nênhs moz tsi cxoz hlôngr tsưr ziv zôngv yuôx chiê huv đros trâu nox hâuk. Hâux lưv zôngv yuôx kho moz tso jik thax tsuv taz por uô lơưr bác sĩ li luk heik kriê.

     5. Tsi nox têx zav nox kaz jiz zuk nhiêv nox.

      Tsi zos nox têx zav nox kaz jiz zuôr uô trâus moz tso jik thax viv li nênhs moz cux nox tâu cxix cxuô têx zav nox no. Đros thiêz nênhs moz tso jik thax taz sik ho nhiêv nox kaz jiz mak tsuv uô lơưr iz cxiê tsưr ziv li no:

     - Hlôngr tsưr ziv uô têx zav nox zuk nhiêv nox.

     - Hlôngr têx zav nox zuk nhiêv nox yênhx têx zav txơưr li: (tsuv nox kok liêz hlôngr trâu nox kok zax zưv jov).

     - Pheiz uô ntâu jiês nox hâur iz hnuz.

     6. Nênhs trâus moz tso jik thax tsuv muôx tsưr ziv nox hâuk txơưr

Thâuv trâus moz tso jik thax nênhs moz tsuv muôx tsưr ziv nox hâuk huv đros. Nênhs moz cux đros chuôz zis nox hâuk tâu taz sik tsuv uô lơưr bác sĩ li luk heik kriê. Nênhs moz tsuv nox cxix cxuô zav jâuz mor grêix, luz chêr thiêx muôx txâuk đas jos jông./.

(Thu Thùy- Txâur Vax cxeik nhênhv)