Trơưk li mông txix Ban chox kriê phax tar moz Covid-19 tỉnh Yên Bái, hâur tỉnh nhiv kruôr muôx 8 lênhx nênhs trâul moz Covid-19 hâur côngv thôngx. Tsênhv tsênhz, đhâu seiz njuôk shuôs moz, tưz qênhz pov 8 lênhx nênhs trâul moz SARS-CoV-2, 5 lênhx nhoz uô cê hâur iz chuôz zis ntơưv phường Minh Tân, iz lênhx nhoz phường Đồng Tâm thiêz iz lênhx nhoz huyện Trấn Yên uô hâux lưv ntơưv qơư seiz njuôk shuôs moz Việt Tràng An, TP Yên Bái. Li ntơư, đhâu 13 hnuz tsi pov muôx lênhx nênhs tưs trâul moz Covid-19 hâur côngv thôngx, Yên Bái ho tror muôx nênhs trâul moz. Hur tiz si chor nênhs trâul moz heik sâuv tưz tâu chox mul kuôk cêv, kho moz ntơưv tsêr kho moz kruô njưk Yên Bái, chor nênhs moz co tsi trâul moz hnhar thiêz nhiv no lơưr đas jos cux tsênhv truôx tuk li kuz. Cik txos têx lênhx nênhs moz qênhz pov hnuz 27/11, txos nhiv no Yên Bái tưz muôx 306 lênhx nênhs trâul moz. Hâur co 215 lênhx tưz kho jông moz thiêz tơưv tsêr kho moz./.

(Thừa Xuân- Riê Lâux cxeik, nhênhv)

Chiê tir thêir cov tâu caz moz Covid-19 hâur thax tsav, huyện Mộc Châu, tỉnh Sơn La nhiv kruôr cxiv tsa 15 qơư y tế trâu ntơưv cxuô xã thiêz đrôngl huyện. Iz xã, iz đrôngl huyện tsuv cxiv tsa iz qơư y tế muk lok hauar thax tsav. Cxuô qơư y tế no tâu choz zok uô luôs hâux lưv qênhz yuôx, sêiz njuôk shuôk caz moz Covid-19 hauar côngv thôngx, txuôk đros tsưx phưv đas jos, sêiz car lênhx nênhs trâus cik caz moz Covid-19 hâur chuôz zis thiêz hâur tsêr kho moz.

Nhiv no, huyện Mộc Châu, zos thax tsav qơư muôx chôngz lênhx nênhs trâus cik caz moz Covid-19 đuô cxuô huyện nhoz tỉnh Sơn La, zos 145 lênhx. 145 hêik sâu tsuôk zos nhiv kruôr siz cik hâur iz ciêz đhâu thiêz muôx 5 lênhx tưz chơưv kho jông moz; yuôr 140 lênhx tsênhv taz tov chơưv kho trâu tsêr kho moz./.

                                     Tsu cxêik nhênhv-CTV TTTB -Biên BT

Hâur six hơưv uô Hnuz hội vênhx huôv heir nênhs Hmôngz tas nro têz qơưk jiês tiv 3, nhiv kruôr đhâu, ntơưv TP Lai Châu (tỉnh Lai Châu) tưz tsưr tsix sik tưr cheix yêz câux vaz lok zos yêz tuôv ntơưv Lai Châu shông 2021. Co zos jiês xuz thơưx tsưr tsix sik tưr cheix yêz câux vaz ntơưv tỉnh Lai Châu, muôx 11 paz, 100 ntâu lênhx nênhs nhoz têx câu lạc bộ yêz câux vaz hâur tỉnh Lai Châu thiêz lien đoanx yêz câux vaz-yêz lox cxuô tỉnh hâur tas nro têz qơưk tuôx sik tưr thik. Zơưv Trần Mạnh Hùng, Phưv Giám đốc Sở Vênhx huôv, thêv thao thiêz ju lix tỉnh Lai Châu heik pâuz: Chiê taz por truôx tuk hâur phax tir thêir moz Covid-19, chor nênhs tuôx siz tưr cheix yêz puôr lênhx taz por Ban tsưr tsix têx cui tinhv li: Cxax txâuk 2 côngz yuôx vắc xin, muôx ntơưr seiz njuôk shuôs, tsi trâul moz Covid-19 hâur 72 luz six hơưv thiêz tâu seiz njuôk shuôs moz sei tsi pov muôx moz li chas txơưr txar. Sik tưr cheix yêz câux vaz tưz uô tâu yênhx côngz jông, krêz hâu cêr trâu nthuôr uô têx txux chi cêr lov jêv hâur Hnuz hội vênhx huôv heir nênhs Hmôngz tas nro têz qơưk jiês tiv 3, zuôr qir uô ntơưv Lai Châu txix hnuz 24-27/12 zuôr txos no./.

(Khắc Kiên-Riê Lâux cxeik, nhênhv)