Chiv nhênhv 77 shông hnuz Yênhx lix Quân đôiv Việt Nam 22/12/1944-22/12/2021), hnuz 21/12, ntơưv jok Tư Sáng, xar Pá Lông, huyện Thuận Châu, tỉnh Sơn La, Bôv Chỉ huy Bôv đôiv Pênhz phax tỉnh sik côngv đros Chính quyền ntơưv qơư tsưr tsix choz zok “Tsês đồng đôiv” trâu chuôz zis Thiếu tá Ziêk Xênhv Tsaz, nhân viên trinh sát, Zênhx Pênhz phax Mường Lèo, Bôv đôiv Pênhz phax tỉnh Sơn La. Đhâu iz ntu cxiv tsa uô, luz tsêr đar muôx 140 thiêr ndis tưz tâu uô tiêr. Tas nro chor nhiêx txiêx cxiv uô luz tsêr no tas muôx 150 triệu đêiv, hâur co phênhv nhiêx txiêx txix Bôv tư Lệnh Bôv đôiv Pênhz phax paz zos 80 triệu đêiv, muôz txix cui viv nênhs pluôs, tsênhv yuôr zos chuôr zis chor nhiêx thiêz tâu pox nhuôs sơưr đơưk hâur jo paz hnuz côngz lox tôngv kriz uô./.

(TTTB-Lik Thox cxêik nhênhv)

Yên Bái-suôv qơư muôx 30 heir nênhs sik đros uô nênhx nhoz uô cê, muôx huyện xuz thơưx hâur thax tsav Tây Bắc uô tâu luôs hâux lưv cxiv tsa jêx jok yiêz. Shông 2021 no, tỉnh tso tơưv tsưr ziv, muôx nzir 10 xã uô tiêr hâux lưv cxiv tsa jêx jok yiêz. Taz sik txos tas shông, tsi tiêk muôx 10 xã xưz, thax tsav qơư no tưz muôx 11 xã uô tâu luôs hâux lưv heik sâuv, tsar ndê hur si têx xã uô tâu hâux lưv cxiv tsa jêx jok yiêz muôx 87 xã, tsav 60% chor xã hâur tỉnh. Txos nhiv no Yên Bái cux tưz muôx 3 huyện, TP uô tâu hâux lưv cxiv tsa jêx jok yiêz, 10 xã uô tâu jông đuô têx hâux lưv heik co thiêz 3 xã uô tâu lok six jông chiê luôs 2 chas thax tsav cơưv shâuv, uô trơưk. Ntơưv Yên Bái nhiv no, têx tsôngv pêx chiv chir paz hnuz côngz, đas jos đros têz qơưk krêz uô cêr cov đar jông muk lol, cux iz zav li uô têx côngz trênhx hâur jêx jok tưz yênhx phôngz yaox đêz đar txos trâu cxuô jêx jok thax tsav tox siêz. Hur tiz si viv cxiv tsa luz nênhx hlôngr yiêz, tsâu sor thiêz vav mênhx đuô. Pos Nguyễn Thị Nhiên, nhoz xã Yên Thành, huyện Yên Bình, tỉnh Yên Bái heik:

“Pêz têx pêx xênhv, lênhx tưs muôx nhiêx mak gôngr nhiêx, tsi muôx nhiêx mak gôngr hnuz côngz đas jos, muôz mê njik têx ar liêx têz chiê uô cêr muk lol hâur jêx jok, hâur xã. Muôx cêr luôv xuôz jêz, xi măng lơưv, muk lol lok six zôngx ziv cơưk, têx nhuôv lok cux zôngx ziv muk lol cơưv ntâuz cơưv ntơưr đuô thiêz ”./.

(PVTTTB-Riê Lâux cxeik, nhênhv)

Sik thav đros nênhs sâu xor xưv VOV lok tsênhv njiêz cik txos zuôr Công ty Việt Á li chor kít njuôk shuôk caz moz Covid-19, zơưv Phạm Giang Nam, Giám đốc Sở Y tể tỉnh Điện Biên puz pâuz: txos trâu six hơưv no, thax tsav qơư tưz zuôr tâu muôs 55.000 kít njuôk shuôk sêi caz moz Sát-Covi-2 txix tsưr ziv PCR chiê paz trâu côngz xưv phax tar caz moz. Taz sik, hâur chor co, tỉnh tsuôk zuôr Công ty Việt Á 4.200 bôv kít njuôk shuôk, đros gri kik tiv zix zos 367.500 đêiv iz bôv, tas nro chor nhiêx zuôr zos 1.543.500.000 đêiv. Lơưr zơưv Phạm Giang Nam mak oz jiês zuôr Công ty Việt Á chor kít njuôk shuôk caz moz puôr lênhx zos hâur qênhx shênhx sêi đrơưv. Tas nro tỉnh li chor kít njuôk shuôk moz Covid-19 tâu zuôr txix ntâu taz viv, zuôr ntâu jiês, taz sik nganhx Y têr tỉnh Điện Biên tưz kriz uô jông chiê taz por trâu côngz xưv phax tar caz moz ntơưv thax tsav qơư./.

(Vũ Lợi-Lik Thox cxêik nhênhv)

Tsênhv qơư seiz car phax tar moz Covid-19 tỉnh Lai Châu heik pâuz, hâur thax tsav qơư nhiv kruôr muôx 2 lênhx nênhs trâul moz SARS-CoV-2. Hur si 2 lênhx nênhs moz co puôr lênhx tưz cxax txâuk 2 côngz yuôx vắc xin thiêz đhâu seiz njuôk shuôs moz tâu xav zos trâul moz SARS-CoV-2 lok hnuz 20/12 thiêz tsênhv tâu kuôk cêv, nhoz kho moz ntơưv tsêr kho moz kruô njưk tỉnh Lai Châu. 2 lênhx nênhs moz heik sâuv puôr lênhx zos muk txix Hưng Yên thiêz Lào Cai tror lok hâur qơư nhoz, lơưr tưz muk thiêz nhoz đhâu ntâu qơư hâur thax tsav TP Lai Châu. Nhiv no cơ quan muôx vax huôv tỉnh Lai Châu cux tsênhv sir jos yơưz phơưz têx lênhx nênhs tâu nhoz jê thiêz tâu muk lol đhâu zuôr xar 30 kror qơư mak 2 tus nênhs moz heik sâuv tưz nhoz thiêz muk đhâu ntơư./.

 (Khắc Kiên-Riê Lâux cxeik, nhênhv)