Huyện tox siêz Trạm Tấu, tỉnh Yên Bái zos iz hâur têx huyện pluôs tiv zix têz qơưk, kinh têr huyện thiêz pêx xênhv phênhv ntâu zos khov trâu kôngz nuv. Bax kriz uô jông têx tsưr ziv phax, tar ntux no trâu tsiêx cxu zos tsưr ziv jông tiv zix chiê por vêv kinh têr trâu huyện cux xưk li pêx xênhv li cxuô zav hâur chêix ntux no tâu njuôk xav tiêk zuôr muôx ntâu jiês ntux no chênhr, no njiv no. Đros phax tar ntux no, yêiz plaz trâu chor tsiêx cxu, côngz xưv phax tar caz moz hâur chêix ntux no trâu chor tsiêx cxu cux tâu cxuô thax tsav qơư nhoz huyện Trạm Tấu sir jos kriz uô. Zơưv Sáy Chù Xênhv Zax, tsar jok Sáng Pao, xar Xà Hồ, huyện Trạm Tấu hêik:

“Xar yax kriê hêik pêx xênhv sơưr đơưk lênhx tưs muôx nhux tưv tso yar mak chox lok tsêr chiê cơư hâur tsêr guôx. Tsêr guôx tu zus tsuv lax nziêk, vêv xênhz hur đu, sâu tsês têx nhaz blêx kruôr trâu chor nhux tưv nox. Hnuz tưs ntux no hênhr mak tsik tsuv tso yar thiêz tsuv cơưv jông hâur tsêr guôx chiê puz jâuz tâux trâu nox ntơưv tsêr xưz”./.

(Thừa Xuân-Lik Thox cxêik nhênhv)

Hnuz hội vênhx huôv heir nênhs Hmôngz tas nro têz qơưk jiês tiv 3 shông 2021 tâu kriz uô trâu ntơưv tỉnh Lai Châu txix hnuz 24-26/12, muôx 3 cxênhz ntâu lênhx kruô zos têx lênhx tâu hu zâuv, chor txơưx sênhr suôz heik cưr cxiêx, hu gâux, muôx txux chi uz no jông…. nhoz 11 thax tsav qơư hâur tas nro têz qơưk tuôx đros côngv cêr lov jêv.

Đros njiêz luk “Lai Châu suôv qơư tox siêz nhiêv tsôngv kruô”, Hnuz hội vênhx huôv heir nênhs Hmôngz tas nro têz qơưk jiês tiv 3 zuôr nthuôr uô ntâu zav txux chi li: Sik tưr uô têx txux chi cêr lov jêv, ndis seiz jok vênhx huôv Hmôngz, Fastival cheix câuk za. Hâur six hơưv uô têx cêr lov jêv tsênhv muôx têx qơư piêr kriê, muôs tsôngv box Hmôngz têx pax ntâuz, tsôngk yo tiêz, zav nox thiêz uô nênhs Hmôngz li 10 ntâu zav têx txux chi uô si lov jêv jông thâuv nzor li: Gruôv tox, nox mor blêx yiêz, uô nênhz kho moz gênhk, nox pêz châus….. Zơưv Lương Chiến Công, Giám đốc Sở Vênhx huôv, Thêv thao thiêz ju lix, Phưv Ban tsưr tsix Hnuz hội Vênhx huôv heir nênhs Hmôngz tas nro têz qơưk jiês tiv 3 shông 2021 tỉnh Lai Châu heik pâuz:

“Tỉnh ủy, Ủy ban tỉnh cux tưz chox kriê têx cơ quan cik txos sir jos bax uô cxuô luôs hâux lưv chiê tsưr tsix uô tâu jông Hnuz hội Vênhx huôv heir nênhs Hmôngz jiês tiv 3. Têx mêr ban tưz fuô uô tâu tiêr têx hâux lưv trơưk li tâu choz, phênhv ntâu zos têx luôs hâux lưv chiê tsưr tsix yênhx côngz Hnuz hội tâu trơưk li tsưr ziv xar”./.

(Khắc Kiên-Riê Lâux cxeik, nhênhv)

Hnuz 23/12, Cơ quan Cảnh sát qênhz yuôx Công an huyện Mai Sơn (tỉnh Sơn La) nhiv kruôr ntêk cxov zơưv Nguyễn Tuấn Anh, xênhz zus shông 1997, nhoz ntơưv jok 8, xar Động Quan, huyện Lục Yên, tỉnh Yên Bái lok uô cxâuv nziêk đas zuôr cxuô zav. Uô ntêx co, hnuz 19/12, Công an huyện Mai Sơn txêik tâu niêv tix Đ.T.H.T xênhz zus shông 1994, nhoz thị trấn Hát Lót, huyện Mai Sơn (Sơn La) ntâuz ntơưr pênhr tiêk: thâuv hli 8/2021, niêv tix tâu Tuấn Anh kriê uô khax trâu têx trâu têk tơư) đros nhiêx cơưv zos 3 triệu đêiv iz hli. Hâur ntu cơưv co Tuấn Anh tưz nhiês cxêik tâu niêv tix T iz đêiv đuôz liêz kaz thiêz zôngv hêv, zuôv cov niêv tix T muôz 10 triệu đêiv trâu Tuấn Anh. Taz sik đhâu thâuv txêik tâu 10 triệu đêiv co, Tuấn Anh tror muôz đêiv đuôz tso trâu sâuv mạng xar hôiv facebook chiê tror hêv thiêz kruôz zuôv niêv tix T./.

(TTTB-Lik Thox cxêik nhênhv)

Mông txix tỉnh Lào Cai I qơư njuôk ntux yar ntux nas heik pâuz, đhâu ntênhs Giáng sinh, txix hmo no 25/12 zuôr muôx iz nthưr chuô txiêk lok trâu thax tsav faz Bắc, uô ntux no njiv. Iz chas co, thax tsav tiêx đras Bắc Bộ muôx têx kênh hnuz no njiv, chor tỉnh tox siêz lok six no njiv hênhr. Lar heik, muôx têx zuôr lok lơưs, lok đâuk tê nhoz thax tsav tox siêz, li ntơưv trôngz Fansipan. Zơưv Lưu Minh Hải, Giám đốc qơư njuôk ntux yar ntux nas tỉnh Lào Cai heik pâuz, têx ntux txơưr txar no muôx têx zuôr truz ntêr txos 3, 4 hnuz siz lơưr liês; fênhx yax, ntux zuôr lok lơưs uô ntêx, đhâu co li lok đâuk, lok tê. Chênhr viv li tsôngv niêv txir lax pêx xênhv sơưr đơưk tsuv chênhr phax chiê phax tar no trâu lênhx nênhs, têx tsoz chos, tsiêx tu zus./.

(An Kiên-Riê Lâux cxeik, nhênhv)