“Pax vuôk sik côngv siêz” jax pax vuôs sik côngv siêz mênhx cxưx zos đồng chí Tòng Thị Phóng, kuz Ủy viên Bộ chính trị, kuz Phưv chủ tịch thường trực Côx hôiv xar tơưv tưz thiêz tsênhv tâu piêr kriê txos cxuô qơư. Hli 11 nhiv kruôr đhâu “Pax vuôk sik côngv siêz” tưz tâu Bộ vênhx huôv thiv thao thiêz ju lix khơưk muôz ntơưr côngz jênhv bản quyền. Đros siêz xar, jax pax vuôs zuôr chuôz cxaz cêr niêv côngv siêz, têx sở, nganhx, tiv phaz tỉnh Sơn La tưz sir jos krêz uô tsưr ziv cxeik đuôz, heik kriê jax pax vuôs no txos cxuô lênhx nênhs pâuz./.

(Trấn Long-Txâur Vax cxeik nhênhv)

Hâur têx hnuz đhâu tsi so qênhz pov muôx ntâu lênhx nênhs trâul moz Covid-19, tỉnh Sơn La tưz tror uô đrux ntov iz cxiê tsưr ziv, cui tinhv phax tir thêir nhoz ntâu xã, thị trấn; iz chas co, tax nduô tsês luôs hâux lưv kriê thiêz cơưv ntơưr ntơưv têx suôv qơư muôx moz huôv xênhz phiv liv. Tsuôk hâur 3 hnuz xưz, txix hnuz 26-28/12, tỉnh Sơn La tưz muôx 200 ntâu lênhx nênhs trâul moz Covid-19, đros thiêz ntâu lênhx nênhs siz cik tâu moz hâur côngv thôngx, hâur co muôx têx qơư moz zôngx ziv siz cik tâu trâu chôngz lênhx ntâu tus. Nhiv no, tỉnh Sơn La muôx zuôr xar 500 lênhx nênhs moz tsênhv nhoz kho moz Covid-19, yênhx cxênhz lênhx nênhs nhoz kuôk cêv ntơưv têx qơư kuôk cêv chor nênhs tâu nhoz jê đros lênhx nênhs moz thiêz hâur vax tsêr chiê sox seiz đas jos. Lok sâuv luôs hâux lưv cxax yuôx vắc xin, cxax côngz tiv iz tax 99% ntâu, côngz tiv 2 thiêz tiv 3 tax zuôr xar 70%. Chor nhuôv txix 12 shông txos 18 shông cxax côngz tiv iz tax zuôr xar 90%, côngz tiv 2 thiêz tiv 3 tax 15% ntâu. Zơưv Lại Như Long, Phưv Chủ tịch Ủy ban huyện Mai Sơn heik pâuz:

“Đhâu thâuv qênhz pov chor nênhs trâul moz hâur côngv thôngx, Ủy ban huyện Mai Sơn tưz chox kriê tsênhv qơư y tế đros lưv lươngv muôx vax huôv zênhx max yơưz phơưz, sir jos yax kriê txos trâu tas nro tsôngv pêx xênhv hâur thax tsav huyện uô jông trơưk têx tsưr ziv, cui tinhv phax tir thêir moz, chox kriê tsêr kho moz huyện Mai Sơn bax cxix cxuô têx chuôz zênhx uz no chơưv kho moz trâu chor nênhs tâu xav tiêk trâul moz co, chox kriê cơ quan muôx vax huôv, tổ Covid côngv thôngx sir jos qênhz yuôx, seiz kaz chor nênhs tâu nhoz jê đros lênhx nênhs moz….”./.

 (Lê Hạnh-Riê Lâux cxeik, nhênhv)

Ntâu shông đhâu, 100 ntâu ziv chuôz zis tsôngv box nhoz jos Bản Hốc, xã Đồng Khê, huyện Văn Chấn, tỉnh Yên Bái yax six njiz trâus têx phêv liv txix têx doanh nghiệp li huôx tôngv tuô poz jê, uô chuôz zênhx cxiv tsa ntơưv thax tsav. Qênhx shênhx ziv hnuz ziv phêv liv thâuv têx doanh nghiệp cxiv qơư tsiv uô ciês ntơưv qơư, hâur co ntâu luz hlik no thax tsav tsi pov muôx ntux nas. Pos Nguyễn Thị Phượng, iz chuôz zis nhoz uô nênhx ntơưv no puz pâuz, đrâuv trâus môngr poz jêz pâus, đror tôngs njêx, grus tâu têx pa muôx tưx....pox nhuôs nhoz no tsênhv trâus zênhr shar tiv têx yêz muk lok uô poz jêz pôngz tov têx cêr muk lok. Pos Phượng heik:

“Tsôngv box thix ziv nhiv no uô li chas chiê thâux trơưk tsưr ziv, tsi thâux hnhar muk lok sâuv cêr uô poz jêz pôngz cxuô qơư, pox nhuôs cux trâus môngr jêz pâus ntâu. Zos suô zênhx max yêz muk lok đhâu mak tôngs njêx, njuôs xav uô muôx yưv txiêz nanv thiêz”./.

(Thừa Xuân-Txâur Vax cxeik nhênhv)

Đại tá Nguyễn Văn Thái, Phưv Chỉ huy trưởng  Bộ đội Pênhz phax tỉnh Lào Cai heik pâuz, taz viv nhiv kruôr đros ntêk tâu Vax Seo Quáng, xênhz shông 1973, Vax Seo Sẩu, xênhz shông 1975 zos 2 cưr tix hâur iz tsêr, puôr lênhx zos nênhs Hmôngz nhoz ntơưv jok Pạc Bo, xã Bản Lầu, huyện Mường Khương, Lào Cai thiêz Ma Seo Lứ, xênhz 1994, nênhs Hmôngz nhoz ntơưv jok Cán Hồ, xã Tung Chung Phố, huyện Mường Khương, Lào Cai tsênhv taz tov thâux gra 40 poz zênhz đơưz. Lưv lươngv muôx vax huôv tưz sâu tsês 40 poz zênhz đơưz, iz luz yêz lox, iz luz yêz meir, 3 luz xor tôngx mê gra ntơưv têk đros trâu iz cxiê zav chuôz zênhx txơưr đuô cik txos. Nhiv no, txuz nuv co tsênhv tâu tror qênhz yuôx, uô tsênhz mênhx./.

 (An Kiên-Riê Lâux cxeik, nhênhv)