Trơưk li sox seiz Bộ trưởng Bộ Lox tôngv, Xaz pênhz thiêz Xã hội Đào Ngọc Dung têx luk têz zar hnuz kêix xiêz 10/11, cử tri nhoz Điện Biên ntâuk grê têx luk nus thiêz Bộ trưởng têx luk têz tưz uô tsênhz mênhx têx mak tsôngv pêx xênhv, cử tri hâur tas nro têz qơưk moz siêz txos nhiv no. Cử tri Hà Hải Yến, nhoz jok 1, phường Him Lam, TP Điện Biên Phủ heik: Txix moz Covid-19 uô ruôr hiêv, zuk cux jông siêz, thôngx ziv lok sâuv nzor muôx tsênhv chei jông đuô chiê zok nriêr hâux lưv uô, truôx tuk xã hội, taz por luz nênhx trâu tsôngv pêx xênhv uô ntêx thiêz hâur iz ntuk ntêr:

“ Đhâu sox seiz pov tsir hâur six hơưv đhâu, kror uô trâu cur tsuv moz siêz txos ntâu, co zos têx lênhx lox tôngv tsuv cheix yêz meir muk yênhx cxênhz cêik cêr txix TP HCM, chor tỉnh faz Nam lok tsêr tiv moz Covid-19 uô ruôr hiêv. Kror no tso pov, iz cxiê lênhx lox tôngv luz nênhx lok six txov nhêv. Moz gênhk nhiv no cux tsênhv huôv xênhz lok six phiv liv, hâux lưv phax tar moz cux zuôr tsuv uô ntêr, chênhr zos li heik co, cur xar, tsuv muôx têx chei paz ntâu đuô, tsênhz đuô chiê tsôngv pêx xênhv sơưr đơưk muôx luz nênhx truôx tuk, tso siêz huôv tsar uô nox uô hnar thiêz cê phax tir thêir moz”./.

(Vũ Lợi-Riê Lâux cxeik, nhênhv)

Tsênhv qơư sêiz car phax tar caz moz Covid-19 tỉnh Lai Châu puz pâuz, thax tsav qơư nhiv kruôr pov muôx nzir oz lênhx nênhs trâus moz Covid-19 yiêz cik txos qơư muôx caz moz ntơưv Bản Giang. Oz lênhx nênhs moz no nhoz ntơưv jok Tẩn Phủ Nhiêu, xar Bản Giang, zos shux xênhz cơưv cxênhx iz thiêz cxênhx oz cik txos oz lênhx nênhs moz tâu pov uô ntêx co. Oz lênhx shux xênhz no tưz tâu chox muk tsêr kho moz njưl tỉnh Lai Châu chiê kho moz. Nhiv no Tsênhv qơư sêiz car phax tar caz moz Covid-19 tỉnh Lai Châu tưz chox kriê lưx lươngv muôx vax huôv ntơưv qơư tsuôs yuôx tuô lov caz moz ntơưv têx tsêr cơưv ntơưr sâuv thax tsav xar Bản Giang thiêz têx qơư chor nênhs trâus moz muk lok đhâu. Thôngx cxix hêik pâuz tiêk caz moz zôngx ziv siz cik hâur côngv thôngx, viv li tsuv bax jông lok cxuô kror chiê nriêr pâuz thiêz chơưv kho, taz por đas jos trâu pêx xênhv./.

(Khắc Kiên-Lik Thox cxêik nhênhv)

Chiê zênhx max fuô uô têx faz tsưr ziv phax tir thêir tâu jông caz moz Covid-19 ntơưv xã Mường Do, huyện  Phù  Yên thâuv thax tsav qơư no tưz muôx 4 lênhx nênhs trâul moz Covid-19 hâur côngv thôngx; 19 lênhx tâu nhoz jê đros lênhx nênhs moz zos canr bôv xã, canr bôv y tế thiêz công an xã, tỉnh Sơn La tưz quyết tinhv uô đrux ntov đuô têx tsưr ziv phax tir thêir moz trơưk Chính phủ Nghị quyết 128. Co cux zos iz xã hâur tỉnh Sơn La muôx moz huôv xênhz phiv liv đuô hur si. Ntơưv 12 huyện, TP hâur tỉnh, nhiv no muôx 8 huyện, TP muôx chor nênhs tâu xav zos trâul moz Covid-19 thiêz tsênhv taz tov nhoz chơưv kho moz gênhk ntơưv têx qơư seiz njuôk shuôs, kho moz;  phênhv ntâu chor nênhs no zos têx lênhx công nhân muk uô hâux lưv txix tỉnh tsênhv muôx moz tror lok; tsơưs têx lênhx, li ntơưv huyện Phù Yên, Sông Mã, Mường La zos siz cik tâu moz hâur côngv thôngx tiv tưz nhoz jê thiêz chuôs njiz ntâu lênhx nênhs txơưr đuô uô ntêx, thâuv tâu xav zos trâul moz SARS-CoV-2./.

 (Thu Thùy-Chia dịch đọc)

  Chor hâux lưv chiê paz trâu du lịch zar kaz shông tâu tsưr tsix cấp tỉnh zuôr tâu kriz uô ntơưv qơư du lịch Têz qơưk Sa Pa (Lào Cai) trâu kaz hli 11 no. Co zos Festival muôx bê “cxuô kror jông jav lok Tây Bắc-Lào Cai” thôngz đhâu ntênhk hôiv ntâuz trâur lâus Tây Bắc-“hêik txos cêr siz hliz siz nhiêv”, tsaz yênhx hnar têx tsôngk yo cxôngx nzor; xor xưv lok ntênhk ciêz gâux đrâus Sa Pa” đros muôx ntâu kror jông li muk ndis shuôk ciêz, qơư piz muôx cêr siz hluz siz nhiêv….đros têx kror tâu kriz uô li đhiê pax vuôs, nthuôr uô cêr lov jêv. Têx hâux lưv no zuôr tâu tsưr tsix hâur pêz hnuz, txix hnuz 19-21/11, ntơưv tsênhv qơư thị xar Sa Pa, tỉnh Lào Cai./.

(An Kiên-Lik Thox cxêik nhênhv)