Sêiz mnôngs Bôv trưởng Bôv Zoz zux Nguyễn Kim Sơn li jiês têz têx luk nus têis cik 11/11, chôngz lênhx cử tri Lai Châu phêiz kênh đros têx phiv liv mak nganhx Zoz zux njiz trâus hâur ntu đhâu. Taz sik, chor hâux lưv lok hlôngr yiêz zoz zux thiêz kriê ntơưr trực tuyến chiê huv đros trâu qênhx shênhx caz moz zuôr truz ntêr mak Bôv Zoz zux tưz tso tơưv cux tsuv xav txos thax tsav qơư thiêz shux xênhz nhoz tox siêz li cêr cơưv ntơưr. Cử tri Vũ Thị Quế, cưk kriê ntơưr tsêr cơưv nhuôs zâu Sao Sáng, phường Tân Phong, thành phố Lai Châu hêik:

“Hlôngr yiêz tas nro zoz zux zos chiê muôx tâu tsơưr lươngv jông đuô, zos pêx xênhv tas nro têz qơưk li siêz xar. Kror no zuôr paz tâu pênhr jos trâu têz qơưk li huôv tsar thiêz hôiv nhập têz qơưk hâur. Taz sik, Bôv Zoz zux cux xav txos tsơưr lươngv zoz zux lơưr thax tsav thiêz qênhx shênhx caz moz nhiv no. Đros shux xênhz tox siêz, thax tsav mênhx cxưx tsơưs nênhs li cêr cơưv ntơưr mak tưz zênhx phiv liv lơưv, thiêz nhiv no tiv muôx caz moz viv li shux xênhz tsuv cơưv ntơưr online, muôx tsik txâuk chuôz zênhx viv li tsơưr lươngv zuôr tsik tâu jông li cơưv ciês pêv têx lớp. Lok six vav tiêk bôv Zoz zux zuôr muôx tsưr ziv hlôngr yiêz cov huv đros chiê tax tâu cxuô kror liv paz trâu têx tuz nhuôs tsôngv box nhoz tox siêz”./.

(Khắc Kiên-Lik Thox cxêik nhênhv)

Jiês nus thiêz Bộ trưởng Bộ zoz zux Nguyễn Kim Sơn têz sơưr đơưk têx lul heik hnuz 11/11 tâu cử tri Sơn La moz siêz txos. Ntâu lênhx cử tri nhoz Sơn La heik, Bộ trưởng Nguyễn Kim Sơn tưz têz tsênhz mênhx lok ntâu lul nus hâur ngênhx Zoz zux, li: Hâux lưv taz por tsơưr lươngv thiêz cơưv ntơưr, tror uô hlôngr yiêz têx tsưr ziv kriê txux chi hâur ntu muôx moz Covid-19; txo grêk tsơưs têx tsaz yênhx cơưv trâu shux xênhz. Lok sâuv kriê nzir, cơưv nzir, cử tri Phạm Việt Hùng, nhoz jok 9, phường Tô Hiệu, TP Sơn La, tỉnh Sơn La heik:

“Hâux lưv kriê nzir, cơưv nzir qir muôx txix shux xênhz li niêv txir thiêz chor nhuôs shux xênhz tsưr ziv, siêz xar; kriê nzir zos tsi kriê uô ntêx têx tsaz yênhx cơưv, mak tsuôk kriê đuô chor ntơưr têx nhuôv tưz cơưv đhâu lok sik kriê nzir trâu têx lênhx nhuôv shux xênhz cơưv coz chiê gra siêz đuô têx txux chi xưz. Chênhr viv li, lơưr cur xar, Côx hội, Chính phủ tsuv qênhz shuôs iz cxiê têx chei, hâux lưv chiê muôx tsưr ziv đơưk uô tâu jông têx li heik no”./.

(Trấn Long-Riê Lâux cxeik, nhênhv)

Ntu 2016-2020, tỉnh Lào Cai tưz hêik sơưr đơưk paz tâu xar muôx 5.800 tiv đêiv trâu côngz xưv txo grêk cêr pluôs. Tỉnh tưz kriz uô ntâu hâux lưv, tsênhv chêi trâu thax tsav mênhx cxưx tsơưs nênhs li: têx tsênhv chêi paz trâu chor chuôz zis pluôs; chor tsênhv chêi paz lok uô nox, kriê txux chi uô hâux lưv, chuôz ndê phênhv sâu; tsênhv chêi paz muôx nzir txux chi lok txo grêk cêr pluôs; chor tsênhv chêi paz txo grêk cêr pluôs sêi, truôx đrênhk ntơưv têx huyện pluôs lơưr Chính phủ li nghị quyết 30a zos Bắc Hà, Mường Khương, Si Ma Cai. Ciês ntơưv Si Ma cai, Bí thư huyện ủy Si Ma Cai Nguyễn Văn Minh puz pâuz, 5 shông đhâu, tỉnh tưz yưv pênhr muôx 517 tiv đêiv chiê huyện kriz uô têx dự án hlôngr đuô txix chos kôngz lôngk trâu tu zus, paz muôx nzir phênhv sâu trâu pêx xênhv….Chor tsaz yênhx, tsưr ziv tâu kriz uô truôx jông, Si Ma Cai txix iz luz huyện pluôs tiv zix tỉnh đros muôx 57% chuôz zis pluôs, txos nhiv no tưz grêk txos yuôr muôx 13%./.

(Baonhandan-Lik Thox cxêik nhênhv )

Đros thiêz tsưr ziv zênhx max, uô jông, txos tas hnuz xiêz 10/11, lưv lươngv muôx vax huôv ntơưv qơư tưz yơưz phơưz tâu 7 lênhx nênhs tâu nhoz jê đros lênhx nênhs moz, 880 ntâu lênhx nênhs tâu nhoz jê đros têx lênhx tâu nhoz  đros chor nênhs moz. Chor nênhs li heik co nhiv no tsênhv tâu chêik cêv lơưr nhoz lơưr iz kro chiê sox seiz đas jos trơưk cui tinhv thiêz ntơưv qơư cux tưz uô siv cêv kuôk têx lênhx tâu nhoz jê đros lênhx nênhs moz ntơưv qơư nhoz. Iz chas co, lưv lươngv y tế ntơưv qơư cux tưz tso 3.200 lênhx nênhs li têx nyar chiê seiz njuôk shuôs caz moz. Txos nhiv no, hur tiz si sơưr đơưk têx nyar đhâu seiz njuôk shuôs tas puôr lênhx tsi pov muôx moz li chas hlo. Zơưv Trần Đình Tiến, Phưv Chủ tịch Ủy ban TP Lai Châu heik pâuz:

“Nhiv no TP Lai Châu tsênhv zos thax tsav iz, viv li cxuô luôs hâux lưv cux tsênhv uô li kuz. Taz sik TP tưz chox kriê cxuô cơ quan, taz viv, lar heik zos chor xã, phường tsi tâu tso siêz hâur phax tir thêir moz gênhk. Cxuô luôs hâux lưv cux tsênhv uô li kuz, taz sik cux tsuv taz por lok phax tir thêir moz gênhk đros trâu têx yuôx vắc xin phax phôngz moz”./.

 (Khắc Kiên-Riê Lâux cxeik, nhênhv)