Têis cik 5/1, Đoanx têiv plor Côx hôiv tỉnh Điện Biên tsưr tsix njiz njêx muôs chiv nhênhv 75 shông hnuz tổng bâux xêir xuz thơưx ciês (6/1/1946-6/1/2021) thiêz ntâuk gri uô hâux lưv ntu 2016-2021.

Ntơưv jiês njiz, zơưv Nguyễn Văn Thắng, Bí thư Tỉnh ủy, Trưởng Đoanx têiv plor côx hôiv tỉnh Điện Biên tưz thav txos mênhx cxưx Việt Nam têx xor xưv zov chênhr kuôk no 75 shông mak xuz thơưx ciês zos Côx hôiv têiv plor Tân Trào tâu bâux xêir xuz thơưx ciês shông 1946.

Đhâu 75 shông, đros muôx 14 six cxiv uô hâux lưv, Côx hôiv tsik so đros đrêiv tsôngv box, sir jos zos pêx xênhv luz cơ quan têiv plor siêz tiv zix, cơ quan têz qơưk muôx vax huôv siêz tiv zix, uô jông têx hâux lưv, jênhv vưv, vax huôv lơưr Hiến Pháp thiêz chêi têz qơưk li cui tênhv, gôngr côngv lox thiêz zov chênhr trâu côngz xưv giải phóng mênhx cxưx, têz qơưk tâu tiêx tuk, cxiv tsa thiêz por vêv têz qơưk./.

(Vũ Lợi-Lik Thox cxêik nhênhv)

Tsôngv box...yuô! Jêx tưv ntơưv ntâu tiv phaz tox siêz tỉnh Sơn La têx hnuz no kis đuô 10 tưv, hmo ntux thiêz sơưr nzor cxôngx 1-3 tưv, muôx đâuk tê. Ntux no njiv uô zênhr shar ntâu txos shux xênhz tox siêz li đas jos. Chiê taz por đas jos trâu shux xênhz, têx tsêr cơưv tưz krêz uô ntâu tsưr ziv taz por trâu shux xênhz cơưv cxênhx nhuôs zâu, cxênhx 1 thiêz cxênhx oz.

Ntơưv tsêr cơưv phổ thôngz mênhx cxưx niêv txir zus hmor Co Mạ nhiv no muôx 500 ntâu lênhx shux xênhz tsênhv nox nhoz thiêz cơưv ntơưr hâur tsêr cơưv. Iz hnuz, tuêv uô jâuz mor hâur tsêr cơưv thâuv tưs cux sir jos chiê shux xênhz muôx pluôk nox sor si, kaz thiêz muôx txâuk tsơưr pưr. Lok cheix ntux no, tsuv nox cxaz chiê tuôr cov luz chêr sor si. Tiv zix, tsêr cơưv cux muôx tsưr ziv chiê têx pluôk nox tâu hlôngr yiêz, chiê shux xênhz kaz luk nox đuô. Cưk kriê Nguyễn Như Thành, Hiệu trưởng tsêr cơưv heik: “Nhiv no jêx tưv kis đuô 7 tưv, zos tsêr cơưv niêv txir zus hmor viv li tsêr cơưv cux seiz shuôk chiê muôx tsưr ziv cơưv huv đros, têx hnuz jêx tưv kis đuô 7 tưv mak tsêr cơưv hlôngr cơưv trâu zar hnuz keix”./.

(Thanh Thủy- Txâur Vax cxeik nhênhv)

Liv zôngv txos iz phênhv tsôngv box li jênhv pâuz tsênhv kik, chor nênhs fêv tsik so chox têx hax huv chuôr, hax huv tsik jông tuôx muôs ntơưv têx ciêz tox siêz. Chiê paz trâu nênhs sir zôngv nhoz tox siêz, chor lưx lươngv muôx vax huôv tỉnh Lai Châu tưz sir jos yax kriê, qênhz yuôx, sêiz kaz thiêz xưv lik truôx chor nênhs uô cxâuv. Zơưv Đỗ Văn Tính, Qênhx Cục trưởng Cục sêiz car ciêz đrôngs tỉnh Lai Châu puz pâuz: “Cục sêiz car ciêz đrôngs tỉnh Lai Châu cux tưz tso tơưv tsưr ziv qênhz yuôx thâuv uô ntêx, hâur thiêz đhâu tsiêz; 100% chor nênhs uô hâux lưv tưz nriêr pâuz truôx jông thax tsav. Ciês chor ciêz nhoz tox siêz mak pêz qênhz yuôx tsik so thiêz muôx tsưr ziv qênhz yuôx chor xar ntus đriv. Pêz zuôr tso nênhs muk sêiz shuôk thax tsav, chiê pov tâu thiêz sâu tsês chor hax huv tsik jông, hax huv chuôr”./.

(Khắc Kiên-Lik Thox cxêik nhênhv)