Tas nro tỉnh Yên Bái nhiv no muôx 10.400 ntâu ziv chuôz zis pluôs trơưk cui tinhv pluôs 2021-2025. Chiê 100% chuôz zis pluôs no puôr lênhx muôx tsiêz nox, tỉnh zuôr tsês 5 tyv đeiv ntâu nhiêx chiê txoz cxơưx tsiêz trâu tsôngv pêx xênhv. Hâur co, sơưr đơưk hâur tas nro tỉnh siz chos paz zos 2,3 tyv đeiv ntâu, huyện hu zâuv tsôngv cưr tix nênhx tsa sik đros paz tâu 2 tyv đeiv ntâu; yuôr đuô li zos txix Cuiv nhiêx viv nênhs pluôs. Iz chas co, iz chuôz zis pluôs zuôr tâu iz poz huv txix nhiêx txiêx lok sik têx chuôz zênhx, tsiv grê muôx nhos 500 cxênhz đeiv. Đros trâu têz qơưk, tỉnh têx cêr paz max, cux seiz muôx li chas, cxuô huyện, thị, TP thiêz xã, phường, thị trấn cux muôx têx cêr paz trâu nênhs pluôs, chor nênhs muôx côngz têz qơưk hâur thax tsav qơư. Zơưv Xêir Xênhv Zax, Chủ tịch Ủy ban xã Xà Hồ, huyện Trạm Tấu, tỉnh Yên Bái heik pâuz: “Xã qênhz shuôs têx chuôz zis muôx têx zuôr zôngx ziv trâul yeiz hâur six hơưv tsiêz, chor nênhs lâul tsi muôx qơư khov vav, têx chuôz zis muôx côngz trâu têz qơưk muôx luz nênhx lok six txov nhêv chiê sâu bê heik têz qơưk cux iz zav li xã paz max, cov tsôngv pêx xênhv sơưr đơưk lênhx tưs cux puôr lênhx muôx tsiêz nox. Iz chas co, hux jos đros têx đoanx siêz jông paz nzir têx njêr nox, tsôngk tril yo trâu tsôngv pêx xênhv hâur six hơưv tsiêz têz qơưk”./.

(Thừa Xuân-Riê Lâux cxeik, nhênhv)

Lok ntu nox tsiêz, zoz qơưx sir zôngv zav nox, hâur co muôx xiv huv shuôz njês thiêz têx zav greix nhôngs zuôr chuôz ndê 20%. Chiê chuv tôngv muôx hax huv cungz trâu niêv ciêz phưx vưv tsiêz, txix ntâu luz hlik đhâu, Chi cục tu zus thiêz thú y tỉnh Lào Cai tưz sik côngv đros têx tiv phaz chox kriê pox nhuôs nôngx mênhx chêx chôngk tsiv uô. Pâuz tsênhz hâux lưv cungz thiêz zuôr, Chi cục tu zus thiêz thú y tỉnh Lào Cai tưz chox kriê têx tiv phaz thiêz ziv chuôz zis tu zus cxơưz tiês tsiv uô, taz por muôx hax huv cungz trâu niev ciêz hâur kaz shôngk shông. Pos Phạm Thị Hoa, Phưv Chủ cục tsar Chi cục tu zus thiêz thú y tỉnh Lào Cai puz pâuz: “Chi cục tưz chuv tôngv heik Sở kôngz nuv tso tơưv têx ntâuz ntơưr chox kriê tsôngv box tror huôv tsar tu zus taz por sinh học. Lok nôngz tsiêx mak chuv tôngv nôngz ntơưv qơư, tsi zuôr nôngz sâuv niêv ciêz, tiv zix zos tsuv tsov cưv tu zus taz por sinh học”./.

(VOVTB-Txâur Vax cxeik nhênhv)

Tas cik hnuz xiêz 05/1, iz lênhx hâu nov Ủy ban xã Chiềng Yên, huyện Vân Hồ, tỉnh Sơn La heik pâuz, Ủy ban xã tưz muôx ntơưr kho đuô tsênhz mênhx tsênhv njiêz heik cov nênhs lox tôngv muk uô hâux lưv trâu luôs 2 chas tỉnh zos lênhx tưs xar tror lok ntơưv zuk qơư nhoz chiê nox tsiêz têz qơưk, tsuv bax lok uô ntêx hnuz xiêz 10/1/2022 (tsênhz đuô zos hnuz xiêz 08 luz 12 hlik hli ntux), uô ntêx 22 hnuz thâuv zuôr txos tsiêz.

Trơưk li lênhx hâu nov no, đhâu thâuv pov muôx têx tsi zos co, hâur thax tsav qơư tưz cơưv thiêz tso tơưv tsưr ziv kho đuô tsênhv njiêz heik tsi zos co, tiêk tsik zos cov lok uô ntêx hnuz 10/1/2022 mak zos nênhs lox tôngv tsuv qênhz njuôk shuôs zuk đas jos ntơưv têx qơư tsênhv uô hâux lưv, chiê taz por đas jos truôx tuk uô ntêx thâuv zuôr lok trâu ntơưv zuk thax tsav qơư nhoz./.

 (Báo Sơn La-Chia dịch đọc)

Tsiv uô kôngz nuv ntơưv huyện tox siêz Sìn Hồ, tỉnh Lai Châu njuôs xav zôngx ziv njiz trâus têx ruôr hiêv tiv ntux nas, moz huôv xênhz. Khưx phưx qênhx shênhx no, nhiv no nganhx kôngz nuv huyện tsênhv chêx chôngk huôv tsar tsiv uô kôngz nuv lơưr saz hax huv chêx chôngk; zôngv khoa học yiez lok tsiv uô...

Zơưv Nguyễn Quốc Vương- Phưv Chủ tịch UB huyện Sìn Hồ puz pâuz: Têx shôngk jê ntơưv no, nganhx kôngz nuv huyện huôv tsar đros ntâu chêx cuk jông, gôngr phênhv muôz siêz luz nênhx trâu tsôngv box. HUyện tưz chox kriê têx phongx chuyên môn nhênhz chơưv siv têx zav nôngz tsoz chos, tsiêx tu zus huv đros qiv hơưv yênhx tiv phaz, chiê ndaz ndơưv têx muôx ntơưv qơư huôv tsar uô têx tsaz yênhx li: chos txir tuz ziz, yuôx zêx, tu zus yik nhoz xã tox siêz; tu zus keiz ok, chos kok ntông, txir thênhx caz, txir trâuv nhux nhoz têx xã thax tsav kis...Phênhv ntâu têx tsaz yênhx huôv tsar kôngz nuv sâuv thax tsav puôr lênhx muôx chêx cuk jông, txu grês têx ruôr hiêv thâuv tsiv uô thiêz chox xiv huv muôs trâu niev ciêz./.

(Báo LaiChau-Lan dịch đọc)