Tas cik hnuz xiêz 06/1, ntơưv chor tuz lênhv tâu tas siv nênhx thâuv ntu tir ntâuk trol  châuz li qơư nda Tông Khao, xã Thanh Nưa, huyện Điện Biên, Ủy ban tỉnh Điện Biên uô ntênhs choz zok, phâuk 6 lênhx tuz lênhv txưv zênhv VN tâu tas siv nênhx ntơưv Lol Tsuôk thâuv ntu tir ntâuk trol châuz têx poz cxa.

6 lênhx tuz lênhv co têx poz cxax tâu choz thiêz phâuk đros chor tuz lênhv tâu tas siv nênhx thâuv ntu tir ntâuk trol châuz đrav ntêx li qơư nda Tông Khao jiês no zos 6 lênhx tsi tâu pâuz mênhx bê, hnuz nhôngs xênhz zus thiêz qơư nhoz, zos têx lênhx tuz lênhv Quân khu 2 lês car uô đreiv luôs hâux lưv zok nriêr chor tuz lênhv tâu tas siv nênhx thâuv ntu tir ntâuk trol châuz li têx poz cxax choz zok trâu tỉnh trơưk tuz lênhv chei cui tinhv.

Heik ntơưv jiês choz zok 6 lênhx tuz lênhv heik sâuv têx poz cxax, pos Zax Thị Hoa, Phưv Chủ tịch HĐND tỉnh Điện Biên khav tinhv: VN-Lol Tsuôk cêr sik thôngx siêz, sik paz đhâu ntâu tiêv, ntâu shông, lar heik zos hâur ntu tir ntâuk trol châuz tsưx phưv têz qơưk. Chor tuz lênhv txưv zênhv VN têx côngz đas jos lox hâur chor shông tir ntâuk trol châuz nhoz têz qơưk Lol Tsuôk tưz yênhx cêr chi cax jông, chox têz qơưk, sơưr đơưk hla đhâu têx phiv liv sir jos tsưx phưv qơư nhoz cov muôx luz nênhx truôx tuk, tsâu sor./.

(Vũ Lợi-Riê Lâux cxeik, nhênhv)

  Uô jông tsưr ziv, siêz xar thiêz qơư tsov txos hâur cơưx mênhv, Đảng bộ tỉnh Yên Bái thâuv tưs cux tsov cưv tsoz phưz cxiv tsa lênhx nênhs Yên bái huôv tsar tas nro. No zos tuôv zênhv tiv phaz li zoz qơưx huôv tsar truôx vênhs cux xưk li sir jos gôngr côngv cxiv tsa, huôv tsar têz qơưk.

Muôz siêz hâux lưv cxiv tsa lênhx nênhs Yên Bái huôv tsar tas nro viv lênhx nênhs muôx pưs txux coaz tsôngv cuiz tênhv cơưx mênhv tiv phaz li zênhx liv. Uô trơưk pêz Đảng li chủ trương lok huôv tsar vênhx huôv, cxiv tsa lênhx nênhs hâur yênhx ntu lix xưv thiêz ntu cơưx mênhv, Yên Bái tsov cưv uô têx tsưr ziv chiê huôv tsar lênhx nênhs.

Têx cấp ủy Đảng, côngv thôngx thiêz tsôngv box thôngz đhâu côngz xưv yax mông muôx siêz car, jênhv vưv cxiv tsa lênhx nênhs ziv tsênhz mênhx đuô. 19 jiês đại hội Đảng bộ tỉnh đros têx yênhx côngz coaz tsôngv, tsi so muôz siêz tsôngv box têx mênhx cxưx luz nênhx, gôngr phênhv coaz tsôngv uô jênhv vưv cxiv tsa lênhx nênhs Yên bái huôv tsar tas nro./.

(Báo YB-Txâur Vax cxeik nhênhv)

  Tox siêz Bắc Hà, tỉnh Lào Cai tsi tiêk to bê lok têx qơư di tích lịch sử li: Hoàng A Tưởng, lênhx phuôz têik Hmôngz thâuv ntêx li tsêr nhoz, ciêz chơưr poz cưk hnuz ciêz đros trâu têx grêix cuz thaz nênhk nox kaz, suôv qơư tox siêz nênhs Hmôngz iz txưv uô nênhx nhoz no tsênhv muôx iz cxiê zav txux chi jông uô trâu tsôngv kruô sơưr đơưk seiz njiê tsi đhuôr thiêz, co zos têx txux chi đhiê kênhx, yuôz kênhx.

Tuôx trâu tox siêz Bắc Hà, tsôngv kruô zôngx ziv tâu hnor, pov thiêz seiz chor txir nênhx nênhs Hmôngz, tuz hluôk Hmôngz êv kênhx, yuôz kênhx, đhiê tơưs kênhx uô si lov jêv…. Txix têx tsưr ziv xar “Nhuôv tuz Hmôngz tsuv pâuz yuôz kênhx thiêz đhiê kênhx” viv li ntâu tiêv lok no kênhx Hmôngz nhoz Bắc Hà cux tâu tuôr tsês, por hưv chiê, muôx têx chor nhuôv tuz tsênhv nhiv kruôr muôx 10 shông xưz lơưr tưz pâuz yuôz kênhx, êv kênhx muk đhiê uô si lov jêv. Zơưv Lý Seo Phỏng, xã Bản Phố, huyện Bắc Hà, tỉnh Lào Cai heik: “Kênhx Hmôngz zos têx lênhx txir nênhx pâuz yuôz thiêz txơưx đhiê kênhx ntơư lơưr yuôz đhiê uô si lov jêv. Kênhx Hmôngz mak thâuv ntêx lơưr chor lâuk êv đros uô luôs muk hâur hmo ntux lok sik siz tưr yuôz, đhiê uô si lov jêv”./.

 (An Kiên-Riê Lâux cxeik, nhênhv)

  Thâuv 1 six zar hnuz keix hnuz xiêz 6/1/2022, ntơưv tiểu khu 34, xã Đông Sang, huyện Mộc Châu, tỉnh Sơn La, Công an huyện Mộc Châu ruôr yênhx côngz txuz án ntês tâu lênhx nênhs riêz nênhs zos Hờ A Chứ, xênhz shông 1972 nhoz jos Co Sung, xã Đông Sang, huyện Mộc Châu.

Hờ A Chứ trâus chiz coaz cảnh sát qênhz yuôx Công an tỉnh Sơn La tso tơưv ntơưr nriêr ntês số 1 hnuz 17/9/2014 viv muôv muôs zax zênhz. Đhâu iz ntu ntêr pâuz tâu thax tsav thiêz têx xor mông lok lênhx nênhs no, hnuz 22/12/2021, Công an huyện Mộc Châu tưz xav tênhv chuyên án chêx chôngk lưx lươngv, yêz thiêz zôngv têx tsưr ziv nghiệp vụ ntês yênhx côngz lênhx nênhs fêv no.

Nhiv no lưx lươngv muôx txơưx jênhv tưz uô tiêr ntâuz ntơưr chiê yưr lir lơưr pháp luật li cui tênhv./.

(VOVTB- Txâur Vax cxeik nhênhv)