Đhâu seiz Côx hôiv li jiês khiêz phêv sik seiz lax lok huôv tsar KTXH thiêz phax tar moz Covid-19, cử tri tỉnh Yên Bái ntâus grê siêz têx teiv plor côx hôiv li têx ziv chênhv phuôx plov. Cử tri Hoàng Văn Hợi, nhoz thị trấn Mậu A, huyện Văn Yên heik:

“Cur lok six thôngx ziv đros têx teiv plor côx hôiv li ziv chênhv zos tsuv tror muôx têx tsưr ziv phax tar moz muôx chêx cuk, viv têx hnuz đhâu lênhx nênhs trâus moz Covid-19 qir tror chuôz ndê, tiv zix zos têx tỉnh nhoz faz Bắc, Tây Nguyên, Tây Nam Bộ....hâux lưv no tso pov moz tsênhv huôv xênhz phêv liv, lax tir tar tâu thâuv muôx ntâu lênhx trâus cik moz hâur côngv thôngx. Lơưr cur mak chính phuv tsiv muôx chính sách paz txưv têx Tuêv Covid-19 côngv thôngx, viv phênhv ntâu têx lênhx nênhs uô jênhv vưv ntơưv tuêv, qơư seiz car moz nhoz jêx jos, qơư tsôngv box nhoz uô nênhx thiêz puôr lênhx tsi tâu sơưv nhiêx shar”./.

(Thừa Xuân-Txâur Vax cxeik nhênhv)

Đhâu nhênhz chơưv Bộ Chính trị li Cui tinhv sôr 41 nhiv kruôr tso tơưv, Đảng viên Nguyễn An Chiến, nhoz phường Cốc Lếu, TP Lào Cai heik, tsênhv njiêz cxiv kho đuô huv đros trâu tsênhv tsênhz nhiv no, lar heik zos têx li: Canr bôv tsuv so hâux lưv. Zơưv Chiến phênhz mênhx, Cui tinhv yiêz heik tsênhz đuô, lênhx nênhs tưs tsuv so hâux lưv, cui tinhv thiêz six hơưv uô têx hâux lưv co cux uô mênhx đuô thiêz zênhx max thâuv tưz muôx txâuk têx ntâuz ntơưr. Zơưv Chiến heik pâuz:

“Việt Nam tsênhv uô hlôngr yiêz, côngz fênhx, vav mênhx, pêz tưz thiêz tsênhv uô lok six jông; hâur six hơưv co, cux tsuv muôx hlôngr yiêz cov huv đros. Cui tinhv 41, trơưk li cur mak huv đros trâu tsênhv tsênhz nhiv no, viv tưz côngz fênhx mak côngz fênhx hâur tas nro cxuô luôs hâux lưv, muôx hur si côngz xưv canr bôv. Thiêz so hâux lưv zos zuk pov zuk uô tsi tâu tiêr hâux lưv zok muôz, zuk tsuv chiê luôs lưv tus lok lês uô zuôr jông đuô”./.

 (An Kiên-Riê Lâux cxeik, nhênhv)

Tsi chiê moz cik txos côngv thôngx, chiz coaz muôx txơưx jênhv tỉnh Lai Châu tsênhv ciêr chênhr nriêr têx lênhx nênhs njiz têx nênhs moz zos F0 thiêz njuôs siv côngv thôngx, đros tsưr ziv “uô sei tiv zix”. Chiê taz por nriêr tas lênhx nênhs thiêz njuôs siv caz moz sei, muôx chêx cuk, TP Lai Châu tưz yênhx lix 15 tuêv, đros 200 ntâu lênhx nênhs cxaz chuôz muôx têx lưx lươngv y tế, công an, quân đội, hluôk nênhs thiêz cán bộ, công chức, viên chức sâuv thax tsav. Đrâuv co, tiv phaz cux huiz tôngv tas nro 70 tuêv Covid côngv thôngx, tuêv chiv chir coar lik ntơưv têx qơư tsôngv box nhoz uô nênhx, jêx jos cxaz chuôz côngz xưv nriêr lênhx nênhs, yax mông, taz por txiv ngaz thâuv uô têx jênhv vưv phax tar moz./.

(Khắc Kiên-Txâur Vax cxeik nhênhv)

Công an huyện Mộc Châu, tỉnh Sơn La nhiv kruôr seiz car, hux jos đros Công an huyện Vân Hồ, tỉnh Sơn La ruôr por tsês tâu txuz zuôr muôs, uô luôv zax zênhz tsi trơưk chei, ntêk tâu Cao Minh Đức, xênhz shông 1976, nhoz ntơưv jok 14, thị trấn Mộc Châu, huyện Mộc Châu tuôr hâur txuz zuôr muôs, thâux gra zax zênhz tsi trơưk chei txix thax tsav huyện Mộc Châu muk trâu Hà Nội chiê muôs. Têx chuôz zênhx sâu tâu muôx 4 poz zênhz đơưz, hnhar 1.200 ntâu gam; 2 cir zax zênhz poz jêz, đros trâu ntâu zav chuôz zênhx txơưr đuô cik txos. Đhâu hlo thâuv ntêk tâu Cao Minh Đức, chor lưv lươngv công an lês uô hâux lưv heik sâuv tưz tâu chor hloz huyện Mộc Châu, tỉnh Sơn La kruôs txos. Nhiv no, txuz nuv co tsênhv tror tâu qênhz yuôx, uô tsênhz mênhx./.

 (TTTB-Riê Lâux cxeik, nhênhv)