Paz phêiz kênh têx phiv liv đros trâu chor chuôz zis pluôs nhoz thax tsav ntus đriv, paz muôz Tsiêz nzor trâu tsôngv box, chiê tsik muôx lênhx tưs trâus pôngz kaz, Bôv Chỉ huy Bôv đôiv Pênhz phax tỉnh Sơn La sik côngv đros chor Ban, nganhx, đoanx thêv huyện Sốp Cộp, xar Mường Và thiêz chor nênhs siêz jông tsưr tsix tsaz yênhx “Chêix ntux yiêz pênhz phax sor so tsôngv box jêx jok siêz” ntơưv xar ntux đriv Pa Khoang, xar Mường Và. No zos luz jok muôx 100% tsôngv box Hmôngz uô nênhx nhoz, cêr muk lok đaz tuôs. Jok muôx 31 ziv chuôz zis, mak muôx txos 17 ziv chuôz zis pluôs thiêz 14 ziv zuôr xar pluôs.

Hâur kriz uô tsaz yênhx tưz muôx ntâu kror hâux lưv uô jông li: khơưk muôz ntâu kror hax huv trâu chor chuôz zis muôx luz nênhx txov nhêv (pav sor, trik yo thiêz iz cxiê zav txơưr đuô); khơưk muôz huv trâu chor shux xênhz (yo sor, khâu, chuôz zênhx cơưv ntơưr, nduôr thax….); njuôk shuôk moz, muôz yuôx, txiêr plâuz hâu tsik zuôr nhiêx txiêx trâu tas nro pox nhuôs hâur jok; tsưr tsix qêz suô uô vêv xênhz, kho đuô têx tsêr cơưv nhuôs zâu, kho đuô cêr muk lok hâur jêx jok, uô qơư uô si côngv thôngx trâu chor nhuôs./.

(TTTB-Lik Thox cxêik nhênhv)

Shông 2021, tỉnh Yên Bái muôx 02 txuz tsi truôx tuk lol vêv xênhz zav nox, uô 88 lênhx nênhs trâul kâus tưx tsuv muk chơưv kho trâu tsêr kho moz. Txơưv tsi muôx lênhx nênhs tưs trâul tuôs, taz sik têx li heik co tso pov, cux tsênhv uô muôx têx tsi jông, tsi yuô truôx tuk, lar heik zos hâur six hơưv tsiêz têz qơưk thiêz têx ntênhs hội hâur shông yiêz tsor shông 2022. Chênhr zos li heik co, Ban chox kriê vêv xênhz truôx tuk zav nox tỉnh Yên Bái tưz heik têx cơ quan muôx vax huôv, taz viv hâur thax tsav qơư sir jos qênhz yuôx shuôs luôs hâux lưv tsiv uô, zuôr muôs têx zav nox; sir jos tir thêir têx hax huv chuôr, hax huv tsi jông, tsi truôx tuk zav nox. Zơưv Lương Quốc Dũng, Chi cục tsar Chi cục truôx tuk zav nox tỉnh Yên Bái heik pâuz: “Chiê truôx tuk vêv xênhz zav nox hâur six hơưv tsiêz têz qơưk thiêz têx ntênhs hội hâur shông yiêz, pêz tror yax kriê sâuv têx ntơưr pov tsir, đeix, tivi thiêz buôk ti yax kriê thôngz đhâu têx tsưr tsix đoanx thêv chiê fuô kriê txos trâu tsôngv pêx xênhv sơưr đơưk pâuz. Tiv 2 zos uô hâux lưv qênhz yuôx shuôs hâur ciêz đrôngs chiê uô li chas cov hâur six hơưv tsiêz muôx têx zav nox truôx tuk thiêz jông”./.

(Thừa Xuân-Riê Lâux cxeik, nhênhv)

Thav đros nênhs sâu xor xưv VOV, zơưv Hà Đức Thuận, Phưv tsar Ban sêiz car Thax tsav qơư Kinh têr Lào Cai puz pâuz, đhâu thâuv thav đros saz Ban Sêiz car Trôngx đriv Hà Khẩu (Vân Nam-Trung Quốc), saz Hà Khẩu khav tênhv tiêk, trôngx đriv cux zuôr tror chiê tâu muk lok đhâu li kuz, tsik so hâur ntu thâuv uô ntêx, hâur thiêz đhâu tsiêz li iz cxiê xor mông tưz hêik pâuz. Ntu nhiv no, trôngx đriv Lào Cai-Hà Khẩu cux tsênhv muôx chôngz nênhs thiêz tex yêz muk lok đhâu. Zơưv Thuận hêik: “Iz hnuz muôx nhos 400 yêz muk lok đhâu qox Kim Thành; hâur co muôx nhos 100 yêz txix hâur têz qơưk muk, tsênhv yuôr mak zos txix saz đrâuv lok trâu hâur têz qơưk. Têx hax huv muôs tơưv muk saz đrâuv têz qơưk phênhv ntâu zos hmôngr kok ntông, kok ntông kruôr thiêz iz cxiê zav hax huv kôngz nuv; hax huv  zuôr lok mak zos têx jâuz, txir, kok, qir zuôv, hóa chất thiêz iz cxiê zav chiê phưx vưv trâu uô nox hâur têz qơưk”./.

(An Kiên-Lik Thox cxêik nhênhv)

Nhiv kruôr đhâu, tuz lênhv pênhz phax tổ côngz xưv thiêz chor lưv lươngv muôx vax huôv ntơưv qơư, thâuv tsênhv uô hâux lưv trâu ntơưv jok Tá Sú Lình, xã Sín Thầu, huyện Mường Nhé, tỉnh Điện Biên, qênhz pov, ntêk tâu Tẩn Sảo, xênhz shông 1977 thiêz Tẩn Đậu, xênhz shông 1982 puôr lênhx nhoz uô cê ntơưv jok U Ma, xã Thu Lũm, huyện Mường Tè, tỉnh Lai Châu cheix iz luz yêz meir thâux gra 144 cxênhz njiêr yuôx shơư zênhz thiêz 2 đeiv zênhz đơưz, muôx nhos 700gram. Nhiv no txuz hâux lưv co tsênhv tâu tuz lênhv pênhz phax tỉnh Điện Biên tror qênhz yuôx thiêz uô cov tiêr têx ntâuz ntơưr chiê muôz tik cêr cxâuv trơưk li chei têz qơưk cui tinhv./.

(Vũ Lợi-Riê Lâux cxeik, nhênhv)