Bộ vênhx huôv, thiv thao thiêz ju lix nhiv kruôr tso tơưv Cuiz tênhv lok hâux lưv tsưr tsix cxiv tsa thiêz krêz uô đêz đar trâur nuv phuôx huiz têx mênhx cxưx tsơưs nênhs li cêr vênhx huôv, chax chês jông reik đros cxiv tsa nôngx cxênhz yiêz. Tsênhz mênhx, txix hnuz 15-20/11, ntơưv huyện Bảo Yên, tỉnh Lào Cai, Bộ vênhx huôv thiv thao thiêz ju lix sik côngv đros Sở vênhx huôv thiv thao ju lix tỉnh Lào Cai tsưr tsix cxiv tsa trâur nuv Câu lạc bộ heik cưr cxiêx Then mênhx cxưx Tày chiê phưx vưv huôv tsar ju lix reik đros phongz yaox cxiv tsa nôngx cxênhz yiêz. Têx njiêz luv krêz uô muôx seiz shuôk, ntâus grê mênhx cxưx Tày li vênhx huôv chax chês thiêz heik cưr cxiêx Then; chêx cuk tax tâu, têx phêv liv...chiê xeir qơư, njiêz luv krêz uô đêz đar têx trâur nuv. Đrâuv co, tsaz yênhx zuôr paz txưv chuôz zênhx, chuôz lov chiê krêz uô cxiv tsa thiêz xênhz huôx trâur nuv CLB heik cưr cxiêx Then mênhx cxưx Tày, phưx vưv huôv tsar ju lix reik đros cxiv tsa nôngx cxênhz yiêz./.

(Daidoanket.vn-Txâur Vax cxeik nhênhv)

 Đhâu thâuv mnôngs Bộ trưởng Bộ tsưr ziv-yưv pênhr  thiêz seiz car Ủy ban kinh tế Côx hôiv thôngz đhâu Tờ trình thiêz heik pâuz qênhz yuôx lok njuôk xav tsưr ziv cxiv kho đuô ngênhx kinh tế ntu 2021-2025; Bộ trưởng Bộ đêx ar thiêz tênhx qơư; seiz car Ủy ban kinh tế Côx hôiv thôngz đhâu Tờ trình thiêz heik pâuz qênhz yuôx lok njuôk xav tsưr ziv sir zôngv ar têz qơưk ntu 2021-2030, uô ndar txos shông 2050 thiêz tsưr ziv sir zôngv ar 5 shông (2021-2025), ntơưv Sơn La, chor đại biểu tưz đros cxaz chuôz trâu njuôk xav tsưr ziv cxiv kho đuô ngênhx kinh tế ntu 2021-2025. Đại biểu Côx hôiv Cuôv Xênhv Tsaz, Phưv Chủ tịch HĐND tỉnh Sơn La heik:

“Iz chas 3 luôs hâux lưv zov chênhr hâur tsưr ziv cxuô mak Ủy ban kinh tế tso tơưv, pêz heik nzir iz kro thiêz, tsuv tror uô lơưr têx mêr thax tsav kinh tế nhoz cxuô suôv qơư hâur têz qơưk li têx jông huv đros trâu ntu muôx moz Covid-19, tso tơưv têx chei chiê cxơưz cxiz huôv tsar kinh tế, XH truôx; iz zav li ntơưv Tây Bắc nưk jông lok sâuv huôv tsar tênhv tênhz, jông lok têx ar têz, iz cxiê thax tsav qơư muôx huôz chuô jông….mak tsuv huôv tsar uô têx co”./.

(Trấn Long -Riê Lâux cxeik, nhênhv)

 Cxaz chuôz ziv chênhv lok njuôs xav sir zôngv ar têz qơưk ntu 2021-2030, ndar txos shông 2050 thiêz tsưr ziv sir zôngv ar 5 shôngk (2021-2025) ntơưv jiês khiêz phêv tiv 2, côx hôiv khóa 15, đoanx teiv plor tỉnh Điện Biên li iz cxiê ziv chênhv xar tiêk tsuv tsov cưv ntâu đuô txos vênhv thix njuôs xav ar uô qơư nza, tiv zix zos nhoz niêv đrôngs, qơư muôx chôngz tsôngv box nhoz uô nênhx. Teiv plor Lò Thị Luyến, Phưv tsar đoanx teiv plor côx hôiv tỉnh Điện Biên heik:

“Chính phuv, côx hôiv cux tsuv tsov cưv txos vênhv thix njuôs xav, sir zôngv ar uô qơư nza. Nhiv no têx têz qơưk Châu Âu thiêz jê pêz têz qơưk tiv zix zos têz qơưk Trung Quốc tưz muôx têx tsưr ziv huv đros hâur hâux lưv phâus nênhs tuôs. VN mak ho tsi tâu tsov cưv txos njiêz luv no, txơưv no tsi zos tsưr ziv thiêz cux tsi muôx thôngz sâu tsênhz mênhx tưs, taz sik đros thiêz njuôs xav ar têz sir zôngv uô qơư nza mak têx tiv phaz lok six tsi jông siêz./.

(Vũ Lợi-Txâur Vax cxeik nhênhv)

Txix hmo 31/10 txos tas cik hnuz xiêz 01/11, hâur thax tsav tỉnh Lai Châu muôx ntux lok nas lox trâu cxuô qơư. Nhoz iz cxiê thax tsav li: Sìn Hồ, Nậm Nhùn, Mường Tè….zôngx ziv muôx tox xưz poz, đêx nas cuôr yôngz ntơưv têx cêr muk lol. Nhoz cêik cêr 64+500 sâuv txox cêr lox 12, cêik cêr 196+280 sâuv txox cêr lox 4H thiêz cêik cêr 74+430 nhoz txox cêr lox 127 tưz muôx tox xưz poz cxuz cêr, uô têx yêz thiêz lênhx nênhs muk lol njiz trâul phiv liv. Zơưv Hoàng Tiến Quý, Giám đốc Công ty por hưv, cxiv kho cêr ar sôr 1 tỉnh Lai Châu heik pâuz: Ntux nas lox njuôk xav zuôr lok tax txos hnuz xiêz 3/11. Chênhr viv li, taz viv nhiv no tsênhv bax tso lênhx nênhs, têx yêz  uz no khưx phưx, cxiv kho cêr zos thâuv tưs muôx tox xưz poz chiê taz por têx yêz muk lol tâu đhâu:

“Hâur 3 hnuz tror lok no, pêz cux tso trơưr lênhx nênhs nhoz ntơưv qơư xưk iz zav li hâur cheix ntux nas chuô, thâuv tưs cux muôx cxix cxuô têx yêz, meir câuk ar, lênhx nênhs  nhoz têx ntu cêr zôngx ziv trâul xưz poz ntơư. Tas cik hnuz xiêz 01/11, muôx iz qơư xưz poz, pêz tưz tso yêz,  lênhx nênhs muk thoz huk têx ar, poz jêz chiê taz por yêz muk lol đhâu, truôx tuk trâu lênhx nênhs”./.

 (Khắc Kiên-Riê Lâux cxeik, nhênhv)