Tỉnh Lào Cai tsênhv tso tơưv tsưr ziv sir jos hâur 2 luz hlik kaz shôngk shông zuôr cê taz por truôx tuk phax tir thêir moz gênhk, cê uô tiêr luôs hâux lưv sâu têx nhiêx txiêx têz qơưk 9.500 tyv đeiv li tsưr ziv tso tơưv. Mông heik pâuz ntơưv Ủy ban tỉnh Lào Cai  jiês cơưv tsi so hli 11 teik cik hnuz xiêz 02/11 tso pov, sâu têx nhiêx txiêx têz qơưk hâur tas nro tax tâu hâur 10 luz hlik đhâu zos 6.900 tyv đeiv ntâu, tsar ndê 25% ntâu pir li shông uô ntêx. Jiês cơưv tso tơưv 2 luôs hâux lưv zov chênhr hâur 2 luz hlik kaz shôngk shông, hur tiz si cxuô sở, ngênhx, ntơưv qơư hâur tỉnh Lào Cai tsuv sir jos uô cov tiêr luôs hâux lưv sâu têx nhiêx txiêx 9.500 tyv đeiv li heik sâuv trơưk tsưr ziv Ủy ban tỉnh choz, ndar txos trâu sir jos cov sâu tâu nhos 10.500 tyv đeiv ntâu./.

(An Kiên-Riê Lâux cxeik, nhênhv)

Đhâu thâuv muôx 1 lênhx nênhs trâus moz Covid-19 tsi tâu pâuz tsênhz qơư cik moz ntơưv xã Na Tông, huyện Điện Biên, Sở y tế tỉnh Điện Biên tưz ciêr chênhr tso cán bộ y tế muk xã chiê paz txưv uô côngz xưv phax tar moz. Tsuôk hâur hmo xiêz 2/11, tỉnh Điện Biên tưz sâu jênhv tsi so 14 lênhx nênhs trâus caz moz SARS Cov2, hâur co muôx 13 lênhx nênhs muôx lênhx coaz txos nênhs moz S.A.S sik đros nhoz jos Gia Phú A lok sik tiv nhoz jê nênhs moz. Li ntơưv, tas nro nênhs moz Covid-19 sauv thax tsav tỉnh Điện Biên xav txiêx hnuz xiêz 7/5 txos 7 six tsâus ntux hnuz xiêz 2/11 zos 84 lênhx; kho jông moz zos 62 lênhx, 22 lênhx tsênhv tâu kho moz./.

(Vũ Lợi-Txâur Vax cxeik nhênhv)

Tỉnh Sơn La nhiv kruôr muôx nzir 2 lênhx nênhs trâul moz yiêz Covid-19 zos iz niêv txir muk txix Bình Dương tror lok. 2 tus nênhs moz co nhoz uô cê ntơưv jok Huổi Chèo, xã Nậm Giôn, huyện Mường La, tỉnh Sơn La. 2 lênhx nênhs moz co zos muk uô hâux lưv đrav Bình Dương tror lok, tâu qênhz pov trâul moz hâur qơư cêv kuôk xã Chiềng Lao, huyện Mường La. Trơưk li ntâuk grê, hur si 2 lênhx nênhs  nor puôr cik tsi tâu moz zôngx ziv trâu luôs lưv tus txơưr đuô hâur côngv thôngx, viv tưz tâu chox muk nhoz chêik cêv trâu iz kro đhâu hlo thâuv lok txos hâur thax tsav qơư. Ntơưv qơư cêv kuôk, 2 tus nênhs moz no tâu tso nhoz uô cê iz qar thiêz gơưk muôx gơưk qơư vêv xênhz, tơưv trôngx./.

 (Trấn Long-Chia dịch đọc)

Ntux lok nas ntêr hâur 3 hnuz đhâu tưz uô ntâu txox cêr muk lok tỉnh Lai Châu trâus poz, uô zaoz thôngz muk lok tsi tâu. Tsênhz mênhx tas cik hnuz xiêz 2/11, tox poz ntơưv cei cêr 114+600, cêr 133 nhoz jos Seo Lèng 1, xã Phìn Hồ, huyện Sìn Hồ; cei cêr 255+850 niêv cêr 4H, nhoz jos Huổi Tát, xã Nậm Khao, huyện Mường Tè, uô zaoz thôngz txix tsênhv qơư huyện Mường Tè muk têx xã ntus đriv thiêz txix tsênhv qơư huyện Sìn Hồ muk têx xã thax tsav kis muk lok tsi tâu. Nhiv no Sở zaoz thôngz tỉnh Lai Châu tsênhv chox kriê têx taz viv coar lik cêr ar chêx chôngk cxuô zav yêz, zav meir tuôx chiê khưx phưx qơư muôx tox poz. Lơưr Đeix njuôs pov ntux nas tỉnh Lai Châu, jiês lok nas no tsênhv truz ntêr hâur 1-2 hnuz zuôr txos. Ntux lok nas phênhv ntâu nhoz têx huyện Mường Tè, Nậm Nhùn, Phong Thổ, Sìn Hồ, Tam Đường thiêz TP Lai Châu; njuôs xav muôx đêx cuôr yôngz, tox poz siêz; tsôngv box tsuv tsưv ziv seiz njôngr qênhx shênhx ntux nas chiê muôx tsưr ziv tir tar, txu grês têx trâus ruôr hiêv./.

(Khắc Kiên-Txâur Vax cxeik nhênhv)