Txix moz Covid-19 huôv xênhz phiv liv ntơưv tỉnh Điện Biên, Sở Zoz thôngz tỉnh lai Châu tưz muôx ntơưr heik pâuz lok tax nduô tsês tsi khênhr têx yêz kruô thâux xa kruô muk lol txix Lai Châu trâu Điện Biên thiêz Điện Biên tror lok Lai Châu.

Iz chas co, qir txix 5 six têik cik sơưr nzor hnuz xiêz 03/11, tax nduô tsês hâux lưv yêz thâux xa kruô muk lol txix Lai Châu trâu Điện Biên thiêz Điện Biên tror lok Lai Châu tax thâuv tưs muôx heik pâuz yiêz. Hok chor yêz tưz thâux xa kruô muk uô ntêx 5 six têik cik sơưr nzor hnuz xiêz 03/11 ntơưv 2 qơư tsav yêz tâu tror thâux xa kruô cov muk thiêz lok txos qơư. Têx yêz muk txix Lai Châu trâu chor tỉnh, TP txơưr đuô thiêz txix luôs 2 chas tỉnh, TP  ntơư tror lok, muk đhâu Điện Biên thiêz txix Điện Biên trâu chor tỉnh, TP txơưr đuô thiêz tror lok, zos muk đhâu Lai Châu mak tsi tâu nhoz đrêk chiê tok kruô thiêz tso kruô grêk ntơưv Lai Châu./.

(Khắc Kiên-Riê Lâux cxeik, nhênhv)

Hnuz đhâu xiêz 3/11, tỉnh Sơn La sâu jênhv cxaz 8 lênhx nênhs trâus moz Covid-19. Têx nênhs moz no nhoz jos Phiêng Phả, xã Chiềng Lao, huyện Mường La, tỉnh Sơn La thiêz puôr lênhx zos tsôngv box txix tỉnh Bình Dương tror lok. Lơưr Tsênhv qơư seiz car moz tỉnh Sơn La li ntâus grê, 8 lênhx nênhs no tâu qênhz pov hâur qơư cêv kuôk ntơưv xã Chiềng Lao, huyện Mường La, njuôs xav cik moz trâu côngv thôngx kis. Taz sik, hâux lưv coar lik thax tsav cêv kuôk tsi tâu tâu uô jông, njuôs xav zuôr siz cik hâur têx lênhx nênhs trâus moz. Nhiv no xav tênhv muôx 23 lênhx tsôngv box tsênhv cêv kuôk zos F1 hâur 8 lênhx nênhs moz no. Xav txix hnuz xiêz 5/10 txos nhiv no, tỉnh Sơn La pov muôx 49 lênhx nênhs trâus moz yiêz, puôr lênhx zos tsôngv box tror lok tsêr txix têx tỉnh faz Nam; hâur co muôx 21 lênhx tưz tâu kho jông moz, 28 lênhx tsênhv chơưv kho trau tsêr  kho moz./.

(Trấn Long-Txâur Vax cxeik nhênhv)

Trơưk li Tsênhv qơư qênhz shuôs moz gênhk tỉnh Điện Biên heik pâuz sei, hâur têik cik hnuz xiêz 03/11, hâur tax tsav tỉnh tror muôx nzir 11 lênhx nênhs trâul moz SARS-CoV-2. Hâur 11 lênhx nênhs trâul moz yiêz ntơư, muôx 10 lênhx nhoz ntơưv huyện Điện Biên (2 lênhx nhoz xã Pom Lót, 3 lênhx nhoz xã Mường Nhà, 5 lênhx nhoz xã Na Tông) thiêz iz lênhx nhoz ntơưv xã Phình Giàng, huyện Điện Biên Đông. Nhiv no, têx cơ quan muôx vax huôv hâur tỉnh Điện Biên tsênhv tror yơưz phơưz, tso nyar seiz njuôk shuôs moz ntơưv têx xã Na Tông, Mường Nhà, Pom Lót (huyện Điện Biên); iz chas ntơư, muôz chor nênhs tâu nhoz jê đros têx lênhx nênhs moz Covid-19 co chêik cêv lơưr nhoz lơưr iz kro trơưk cui tinhv cov taz por truôx phax tar moz./.

 (Vũ Lợi-Riê Lâux cxeik, nhênhv)