Zar hnuz kêix xiêz 04/11, Ban chox kriê phax tar moz Covid-19 tỉnh Điện Biên tưz cơưv zênhx max txuôk đros 10 huyện, thị xã, TP hâur tỉnh. Zơưv Nguyễn Văn Thắng, Ủy viên T.Ư Đảng, Bí thư Tỉnh ủy Điện Biên buôk ti chox kriê cơưv. Trơưk li Ban chox kriê phax tar moz Covid-19 tỉnh Điện Biên heik pâuz, caz moz Covid-19 tsênhv huôv xênhz lok six phiv liv hâur thax tsav qơư. Hâur 4 hnuz đhâu, ntơưv qơư tưz muôx txos 50 lênhx nênhs trâul moz SARS-CoV-2 ntơưv chor xã Na Tông, Mường Nhà, Pom Lót, huyện Điện Biên. Njuôk xav, moz Covid-19 hâur thax tsav tsênhv zuôr phiv liv thâuv tsi tâu tâu pâuz tsênhz shor lênhx nênhs moz cik tâu moz kror tưs lok; iz chas ntơư zos ntâu lênhx nênhs muk lol txix chor thax tsav muôx moz tror lol hâur qơư nhoz; cux tsênhv muôx têx lênhx lok hâur thax tsav qơư tsi trơưk chei, tsi xar muk nhoz cêv kuôk, tsi krêz heik tsênhz mênhx lok đas jos, têx qơư tưz nhoz thiêz muk đhâu, tsi hux jos đros tir thêir moz…. viv li zôngx ziv uô moz siz cik tâu trâu chôngz lênhx ntâu tus hâur tas nro tỉnh. Chênhr zos li heik co, uô ntêx, tas nro xã Na Tông tưz tâu heik cov sơưr đơưk uô jông trơưk cui tinhv ntơưv Nghị định 128 lok phax tir thêir moz gênhk./.

 (Vũ Lợi-Riê Lâux cxeik, nhênhv)

Zuôr xar 7 cxênhz lênhx shux xênhz tsênhv cơưv ntơưr ntơưv 9 tsêr cơưv sâuv thax tsav tỉnh Lào Cai zuôr tâu cxax siv yuôx vắc xin phax moz Covid-19, qir txix hnuz xiêz 5/11. Jiês no njuôs xav tsưr tsix hâur 4 hnuz. Lênhx nênhs zos tas nro shux xênhz têx tsêr cơưv THPT, tsêr cơưv cao đẳng Lào Cai, tsênhv qơư zaoz zux yax six tỉnh, thành phố. No zos tsaz yênhx nhoz hâur tsưr tsix cxax yuôx phax moz Covid-19 trâu mê nhuôs mak UB tỉnh Lào Cai nhiv kruôr tso tơưv. Nhiv no, đrâuv hâux lưv bax cxix cxuô lênhx nênhs, chuôz zênhx, têx tiv phaz hâur tỉnh Lào Cai cux tsênhv uô tiêr hâux lưv qênhz yuôx, sâu bê têx mê nhuôs txix 12-17 shông, seiz shuôk đas jos chiê bax trâu côngz xưv cxax yuôx./.

(An Kiên-Txâur Vax cxeik nhênhv)

Trơưk li thôngz sâu, shông uô ntêx chor nhuôv nxeik thiêz nhuôv tuz xênhz zus tâu tsi siz bâus ntơưv Sơn La zos 118 ntâu lênhx nhuôv tuz hâur 100 lênhx nhuôv nxeik, mak 9 luz hlik hâur shông no zos 122 lênhx nhuôv tuz hâur 100 lênhx nhuôv nxeik. Têx li heik no, Sơn La tâu seiz iz hâur têx qơư xênhz zus nhuôv tuz thiêz nhuôv nxeik tsi siz bâus ntâu đuô hur si hâur tas nro têz qơưk. Iz hâur têx qir tiv chênhr, zos iz cxiê lênhx tsôngv box cux tsênhv muôx tsưr ziv xar tiêk, zus tuz chiê tuôr đaz tuôr kruô. Chiê sir jos uô luôs hâux lưv phax tir thêir têx siêz xar li heik sâuv, cov txo grêk tsơưs qênhx shênhx xênhz zus nhuôv tuz thiêz nhuôv nxeik tsi siz bâus, Ủy ban tỉnh Sơn La tưz cir ntơưr tso tơưv tsưr ziv qênhz shuôs, tir thêir têx li heik no hâur thax tsav ntu II (2021-2025). Iz chas ntơư, tror fuô uô jông têx hâux lưv yax kriê txos trâu cxuô lênhx pêx xênhv, lar heik zos chor gơưv niêv txir tsênhv nhoz hnuz nhôngs xênhz zus mê nhuôv, têx qơư seiz njuôk shuôs mê nhuôv. Uô lơưr tsênhv chei cxiz, paz max chiê gra siêz pox niêv, têx nhuôv nxeik li pưs txux, qơư sơưr hâur xã hội. Tỉnh Sơn La sir jos tror tir thêir thiêz txo grêk tsơưs jux juk qênhx shênhx xênhz zus nhuôv tuz thiêz nhuôv nxeik tsi siz bâus hâur six hơưv zuôr txos./.

 (Bích Thủy-Riê Lâux cxeik, nhênhv)

Xav tênhv huôv tsar kôngz, jôngr đêx nuv zos iz hâur têx tsưr ziv coaz tsôngv chiê cxơưz tiês huôv tsar kinh têr tiv phaz, uô HĐ tỉnh li Nghị quyết 69, shông 2021 tỉnh Yên Bái tưz tsês 51 tỷ đeiv ntâu chiê krêz uô têx chính sách paz txưv. Txos nhiv no, tưz muôz pênhr thiêz uô tâu 43% tsưr ziv tso tơưv. Hâur co, tỉnh Yên Bái tưz tsưr tsix paz chos 1 cxênhz 400 hecta ntâu jôngr ntơưv huyện Yên Bình thiêz Văn Chấn; paz 23 dự án sik côngv tsiv uô xiv huv; paz 940 qơư tu zus lơưr saz hax huv...Têx chính sách tâu krêz uô jông gôngr phênhv paz tsôngv box zôngx ziv đuô hâur hâux lưv tâu txeik pênhr krêz đar tsiv uô, truôx siêz uô têx chính sách paz txưv đros tỉnh li têx xiv huv tsênhv./.

(Yenbai.gov.vn-Txâur Vax cxeik nhênhv)