Fet ti va cxuô zav txir ntông thiêz VN têx hax huv jông shông 2022 ntơưv tỉnh Sơn La đros trâu jiês tưr uô cxuô zav nox kaz, muôz txir ntông chox lok uô. Ntơư zos iz luôs hauax lưv uô muôx liv, cxơưz cxiz tsôngv kruô tuôx sêiz shuôk têz qơưs. Pos Bùi Thanh Thuỷ, chủ tịch Hội liên hiệp pox niêv, vir ndâuk tỉnh Sơn La hêik pâuz: “Tưr muôz têx txir ntông chox lok uô tâu cxuô zav nox kaz, zos iz luôs hâux lưv jông, kruôk txos cxuô lênhx nênhs huôv tsar uô chiê hêik kriê tsôngv px cxuô zav nox kaz trâu tsôngv kruô hâur têz qơưs thiêz sâuv ntiêx têz pâuz txos”./.

                              Tsu cxêik nhênhv-Đức Anh-Chia BT

Têx tỉnh Tây Bắc li Sơn La, Lai Châu, Điện Biên, Lào Cai....tưz muôx yưv ntux lok nas lox, uô ntâu txox cêr zaoz thôngz muk lok muôx tox poz, muk lok tsi tâu.

Ntơưv Sơn La, thôngz sâu txix hnuz 20/5 txos nhiv no, tas nro tỉnh muôx 1 lênhx nênhs tuôs, 1 lênhx trâus saz, yênhx châuv luz tsêr thiêz ntâu mênhv chêx tsoz chos nhoz 5/12 huyện, thành phố trâus ruôr hiêv, njuôs xav ruôr hiêv tas nro 4,7 tỷ đeiv.

Lai Châu zos iz hâur têx tiv phaz muôx ntux lok nas lox thiêz trâus zênhr shar ntâu lok vênhv thix zaoz thôngz. Ntơuv têx cêr muk txix huyện Mường Tè muk huyện Mường Nhé tỉnh Điện Biên; cêr muk txix tsênhv qơư huyện Phong Thổ muk têx xã ntus đriv muôx yênhx châuv qơư tox poz lox zâu, tiv zix zos ntơưv xã Nậm Khao, huyện Mường Tè, jos Căng Ký, xã Tung Qua Lìn, huyện Phong Thổt uô zaoz thôngz muk lok tsi tâu.

Têx tỉnh thax tsav Tây Bắc txix hmo 30/5 txos hnuz no 31/5, ntâu thax tsav ntux lok nas lox, muôx têx qơư lok six lox....Viv li, têx cấp, nganhx thiêz têx tiv phaz hâur thax tsav tsênhv chuv tôngv ntâu tsưr ziv chiê tir tar thiêz khưx phưx têx hâux lưv muôx yưv./.

(VOVTB-Txâur Vax cxeik nhênhv)

Hmo 29/5 hâur thax tsa xã Nà Hỳ, huyện Nậm Pồ, tỉnh Điện Biên muôx yưv ntux lok nas lox, shơư chuô, xoz kuôx đrôngl ntưk.

Thâuv 7 six, muôx 2 tus mê nhuôv zâu zos Lý Thuỷ L, muôx 3 shông; Lý mai Q, muôx 8 shông, puôr lênhx nhoz jos Sín Chải tsênhv taz tov uô si trâu iz luz hâur pâuk ntông lox ntơưv ntus têz. Hmôngr tsik jông, pov xoz lêiv liêz vos tuô trâu tsoz ntông thiêz tuô trâus oz tus mê nhuôv co. Pov tus mê nhuôv trâus xoz tuô, niêv têik thiêx zênhx max  chox oz tus mê nhuôv co lok pư trâu hâur tsêr fênhz suôz ntơưv tsêr têz, taz sik oz tus mê nhuôv co tưz trâus tuôs.

Đhâu muôx yưv têx tsik jông hêik ntơư, hâu nov huyện Nậm Pồ đros trâu hâu nov xã Nà Hỳ tưz tuôx sêiz shuôk thiêz đros chuôz zis phêiz kênhx têx cêr pôngz siêz./.

                                  Tsu cxêik nhênhv-Vũ Lợi-Chia BT

Công an huyện Than Uyên, tỉnh Lai Châu nhiv kruôr đros Công an huyện Văn Chấn thiêz phongx cảnh sát zaoz thôngz, Công an tỉnh Yên Bái ntês 2 lênhx nênhs zos Bùi Văn Công, xênhz shông 1974 thiêz Nguyễn Văn Đường, xênhz shông 2003 puôr lênhx nhoz xã Diễn Kim, huyện Diễn Châu, tỉnh Nghệ An zôngv sơư nhiêx đơưz chuôr chiê huôz nox nhiêx txiêx.

Xav tênhv hâux lưv no zos txuz hâux lưv nziês đas nhiêx txiêx muôx tsưr tsix, Công an huyện Than Uyên tưz đros Công an huyện Văn Chấn đros trâu phongx cảnh sát zaoz thôngz, Công an tỉnh Yên Bái ntês 2 lênhx nênhs heik sâuv. Sâu tâu 1 luz yêz ô tô, 21 txox sơư nhiêx chuôr, 4 luz điện thoaị di động thiêz zuôr xar 42 tsov đeiv nhiêx txiêx.

Đhâu tơưv txênhz, têx lênhx nênhs jênhv zôngv sơư nhiêx chuôr chiê đas muôs trâu ntâu qơư muôv muôs nhiêx cuz thiêz tsôngv box têx huyện Tam Đường, Tân Uyên thiêz Than Uyên (Lai Châu). Txix hâur shôngk shông 2021 txos nhiv no, chor nênhs fêv co tưz muk đas nziêk ntâu tỉnh, thành phố faz Bắc, muôs tâu 1 cxênhz ntâu cây nhiêx đơưz chuôr, sâu liv tâu 400 tsov đeiv ntâu. Nhiv no Công an huyện Than Uyên tsênhv tror krêz đar qênhz yuôx, uô tsênhz mênhx hâux lưv no thiêz yưr lir trơưk pháp luật li cui tênhv./.

(K.Kiên-Txâur Vax cxeik, nhênhv)