Tỉnh Lai Châu nhiv kruôr tsưr tsix jiês cơưv côngz fur quyết tinhv trâu 10 lênhx thơưx, lês uô hâux lưv lox chor sở, ngênhx. Đros co, Tỉnh uỷ Lai Châu tưz quyết tinhv zơưv Hoàng Hữu An, Uỷ viên BCH đảng bộ tỉnh Lai Châu, Bí thư thư Huyện uỷ Than Uyên ntu 2020-2025 lok uô hâur Ban Nội chính Tỉnh uỷ, uô Tsar ban 5 shông, xav txix hnuz 26/7/2022.

Bộ chỉ huy Quân sự tỉnh Lai Châu tsưr tsix cơưv choz zok hâux lưv Chỉ huy tsar Bộ chỉ huy quân sự tỉnh lơưr Bộ trưởng Bộ Côx phax li quyết tinhv lok xeir zuôr Đại tá Trần Văn Bắc, Chỉ huy trưởng Bộ chỉ huy quân sự tỉnh Lai Châu uô Phưv Tham mưu trưởng Quân khu II; đại tá Hán Đức Nhu, Tsar phongx Quân Huấn, Bộ Tham mưu Quân khu II uô Chỉ huy trưởng Bộ chỉ huy quân sự tỉnh Lai Châu…. Six hơưv lês uô têx hâux lưv yiêz cux puôr lênhx zos 5 shôngx, xav txix têx hnuz 24/6 thiêz hnuz 22, 26/7/2022./.

(Khắc Kiên-Riê Lâux cxeik, nhênhv)

Nhiv kruôr đhâu, ntơưv xar Mường Thải, huyện Phù Yên, tỉnh Sơn La muôx ntux lok nas đros chuô lox. Thôngz sâu xuz thơưx, jiês ntux lok nas lox đros chuô lox no tưz yuôz za tas xar muôx 30 ziv chuôz zis li 500 đêiv vuôk đơưz thiêz chor vuôk liêz; xar muôx 25 héc ta poz cưk trâus hiêv.

Hok ntơưv tỉnh Yên Bái, ntux nas lox thiêz chuô tưz uô 118 luz tsêr trâus zơưv trur, tsêx trung ntơưv chor huyện Văn Chấn, Trấn Yên thiêz Văn Yên. Ntux nas lox cux uô hiêv txos xar muôx 9 héc ta blêx, poz cưk thiêz têx ntông lox; uô iz cxiê tuk tsiêx cxu trâus tuôs. Iz cxiê côngz trinhx tsêr cơưv ntơưr, côngz trinhx đêx liv trâus xưz poz, ndê tênhv lor vâu. Đhâu ciês txêik tâu xor mong heik pâuz têx trâus hiêv, Ban sêiz car phax, tar ntux têz ruôr hiêv-zok nriêr chơưv paz têx huyện đros chính quyền ntơưv qơư tưz muk qênhz yuôx, chox kriê chor lưx lươngv ntơưv qơư paz trâu pêx xênhv kho đuô têx trâus hiêv đros tsưr ziv 4 ntơưv qơư, paz trâu pox nhuôs nzor truôx tuk luz nênhx thiêz uô nox./.

(TTTB-Lik Thox cxêik nhênhv)

Nhiv kruôr đhâu, ntơưv tỉnh Sơn La, Bộ Tư lệnh Bôv đôiv Pênhz seiz car hux jos đros Bộ Tư  lệnh Quân khu II thiêz Uỷ ban tỉnh Sơn La tsưr tsix siz njiz, sik thav lok sâuv “Bôv đôiv sir jos uô luôs hâux lưv phax tar têx nênhs fêv zuôr muôs lênhx nênhs”.

Têx shông đhâu, chor nênhs fêv li heik sâu nhoz Việt Nam heik cxuô, thax tsav đriv têz heik taz muôx yưv ntâu phiv liv. Xav txix shông 2021 txos nhiv no, cxuô taz viv hâur tas nro bôv đôiv tưz qênhz pov, ntêk cxov thiêz xưv bluô 77 txuz, 42 lênhx nênhs, chơưv paz, lênhk tok tâu 118 lênhx trâul chor nênhs fêv co đas nziêk muôs. Ciês hâur hli 7/2022, têx taz viv tưz qênhz pov, ntêk thiêz xưv bluô 15 txuz, 8 lênhx nênhs, chơưv paz, lênhk tok tâu 33 lênhx nênhs. Đại tá Nguyễn Văn Thìn, Tsar phongx Tuyên huấn, Cục Chính trị Quân khu II heik pâuz:

“Iz hâur têx tsưr ziv cur xar zos lok six zov chênhr, tsuv paz max pêx xênhv huôv tsar kinh tế, vênhx huôv, xã hội, cxuz cêr yeiz pluôs, viv chênhr têx li heik co zos qir tiv uô trâu chor nênhs fêv zuôr muôs lênhx nênhs đas nziêk tâu têx lênhx pêx xênhv muôx luz nênhx txov nhêv ntơư, viv li zos gra siêz tâu sơưr đơưk txux chi tsưr ziv jênhv pâuz, gra siêz pêx xênhv luz nênhx nox nhoz mak zuôr txo grêk tsơưs ntâu têx txuz li heik sâuv”./.

 (Trấn Long-Riê Lâux cxeik, nhênhv)

Chor đêix nta đuôz-xa đuôz têx tỉnh thax tsav Tây Bắc tưz bax tâu jông chiê đros kriz uô Liên hoan nta suôz tas nro têz qơưk. No cux zos thax tsav qơư zuôr paz muôx tâu ntâu jax pov chir jông ntơưv jiês Liên hoan no. Thôngz sâu puz pâuz, nta suôz ziv hnuz ziv tâu tsov cưv txos ntơưv thax tsav qơư txov nhêv tiv zix têz qơưk no. Xav ciês hâur shông 2021, 8 Đaix nta đuôz-xa đuôz hâur thax tsav Tây Bắc zos Phú Thọ, Sơn La, Điện Biên, Lai Châu, Lào Cai, Yên Bái, Hàng Giang thiêz Tuyên Quang tưz kriz uô yiêz tas nro muôx 88 tsaz yênhx nta suôz; đros six hơưv tso zos 35,5 six hơưv iz hnuz; chor tsaz yênhx nta suôz chiv chir uô zos 84 six hơưv iz hnuz. Chor Đaix nta đuôz nhoz thax tsav li ntâu jax pov chir, xor xưv tâu sơưr đơưk ntâuk gri siêz, tax tâu ntâu giải pov chir lox ntơưv chor jies thik zos Trung ương, thax tsav qơư tsưr tsix. Lơưr zơưv Phạm Mạnh Hùng-Phưv Tổng Giám đốc Đaix nta suôz Việt Nam, ntu 4.0 đros muôx internet thiêz mạng xar hôiv tsênhv uô trâu pov chir njiz ntâu kror phiv liv tsuv sir jos hlôngr yiêz cov huv đros. No zuôr zos kror zôngx ziv chiê chor Đaix ntơưv cxuô thax tsav qơư khav tênhv tâu zuk li qơư sơưr./.

(An Kiên-Lik Thox cxêik nhênhv)