Sông Mã zos tỉnh Sơn La luz huyện tox siêz, ntus đriv tsênhv yuôr ntâu kror txov nhêv đros muôx chor chuôz zis pluôs tsav muôx 27%, chor chuôz zis zuôr xar pluôs yuôr xar muôx 14%. Lơưr chính quyền ntơưv thax tsav qơư li qênhz yuôx, chor vax tsêr đaz tuôs, tsik ngaz tuk tsuv tâu paz cxiv uô yiêz hâur ntu 2021-2025 zos xar muôx 750 luz. Ntu đhâu, txix chor pênhr huiz tôngv txix têx tsưr tsix, tiz nênhs, doanh nhân, chor nênhs siêz jông, huyện Sông Mã tưz paz uô yiêz tâu muôx 270 ntâu luz tsêr trâu chor chuôz zis pluôs. Tas nro nhiêx txiêx cxiv uô xar muôx 20 tiv đêiv. Zơưv Nguyễn Chí Chung, Phưv Chủ tịch Ủy ban huyện Sông Mã puz pâuz, 100% chor tsêr đaz tuôs tâu cxiv uô hâur shông taz por plas khor, faz nja khor, trur khor. Hâux lưv paz uô tsêr nhoz trâu chuôz zis pluôs tâu pêx xênhv ntâuk gri siêz. Huyện sir jos shông 2023 zuôr uô tiêr kho đuô têx tsêr đaz tuôs lav nhoz trâu chor chuôz zis muôx luz nênhx txov nhêv./.

(VOV4-Lik Thox cxêik nhênhv)

Xav tinhv hlôngr yiêz tsưr ziv uô kôngz lôngk zos iz kro jông thiêz truôx trâu uô têx kôngz chiê muôs, paz uô tâu yênhx côngz tsưr ziv hlôngr yiêz ngênhx kôngz nuv reik đros cxiv tsa jêx jok yiêz, tỉnh ntus đriv Lai Châu tưz sir jos cxơưz tiês hlôngr yiêz tsưr ziv, muôz têx meir jông lok phưx vưv uô kôngz, paz tsôngv pêx xênhv jux juk tsi yuô trâul txov nhêv, tas ntâu côngk đas jos khưr uô liêx têz thiêz paz hlôngr yiêz pêx xênhv li tsưr ziv jênhv pâuz hâur uô trơưk cêr uô nox yiêz, gra siêz phênhv sâu tâu hâur thax tsav. Chiê uô tâu têx li heik co hâur six hơưv zuôr txos, Lai Châu tror chox kriê cxuô thax tsav qơư sir jos yax kriê, heik, vênhv tôngv pêx xênhv tror hlôngr yiêz tsưr ziv uô nox li heik sâuv. Huôk njôngr cxuô pênhr jos chiê yưv pênhr, paz max têx chuôz zênhx, meir uz no jông trâu tsôngv box heir nênhs tsơưs, chuôz zis pluôs, chor xã muôx tsi txâuk nênhs lox tôngv; sik đros krêz têx lớp kriê txux chi tsưr ziv uô kôngz, lar heik zos kho têx chuôz zênhx, meir uz no phưx vưv uô têx luôs hâux lưv heik co……/.

 (DTMN-Riê Lâux cxeik, nhênhv)

Iz shông yênhx lix yiêz 800 doanh nghiệp, txos shông 2025 tas nro tỉnh muôx 9.000 ntâu doanh nghiệp thiêz txos shông 2030 zos 16.000 ntâu doanh nghiệp, chor doanh nghiệp huôv tsar uô tâu nox tax tâu muôx 60% ntâu, zos tsưr ziv mak tỉnh Lào Cai sir jos kriz uô hâur Đề án huôv tsar doanh nghiệp txos shông 2030, tsưr ziv uô txos shông 2050. Lơưr đề án, chor doanh nghiệp iz shông zuôr paz muôx hâux lưv uô yiêz trâu 8.000 lox tôngv; txos shông 2025 thax tsav doanh nghiệp gôngr côngv muôx 55% tas nro phênhv sâu sâuv thax tsav tỉnh thiêz 65% phênhv sâu trâu nhiêx txiêx têz qơưk.

Chiê uô tâu tsưr ziv no, tỉnh Lào Cai tưz sir jos uô côngz xưv yax kriê, gra siêz jênhv pâuz, txơưx jênhv trâu cxuô cấp, cxuô nganhx; hlôngr yiêz tsênhv njiêz, tsưr ziv uô thiêz chuôz cxaz cấp ủy đảng li lênhx tov, gra siêz Mặt trận Têz qơưk thiêz chor tsưr tsix chinhr triv, xar hôiv hâur huôv tsar doanh nghiệp li pưk txux…/.

(TTTB-Lik Thox cxêik nhênhv)

Zơưv Nguyễn Ngọc Hà, Chủ tịch Uỷ ban phường Đồng Tâm, TP Yên Bái, tỉnh Yên Bái heik pâuz, tsôngv pêx xênhv nhiv kruôr qênhz pov iz lênhx txir nênhx đei chax đaz tuôs ntơưv tus nênhs co li tus muôv tsêr.

Iz chas co, muôx nhos 7 six tsâuk ntux hnuz 30/7, tsôngv pêx xênhv qênhz pov zơưv Hoàng Văn H (xênhz shông 1969, nhoz phường Yên Thịnh, TP Yên Bái) đei chax đaz tuôs ntơưv nưk tus muôv nhoz jok 1, txox cêr Trần Quốc Toản, phường Đồng Tâm, TP Yên Bái li luz tsêr. Đhâu hlo thâuv qênhz pov muôx têx tsi jông li heik sâuv, tsôngv pêx xênhv tưz zênhx max heik trâu cơ quan muôx vax huôv pâuz. Nhiv no, cơ quan Công an tsênhv đros cxuô taz viv muôx vax huôv qênhz yuôx, uô tsênhz mênhx./.

 (Báo Dân Việt-Riê Lâux cxeik, nhênhv)