Zos iz luz tỉnh tox siêz ntus đriv, kinh têr-xar hôiv tsênhv txov nhêv, iz phênhv nênhs li txux chi lok tsơưr pưr tsênhv kik viv li hâux lưv hlôngr yiêz đuô tsơưr pưr đros thiêz pox nhuôs mênhx cxưx tsơưs nênhs nhoz tỉnh Lai Châu ntêr lok no cux tsênhv zos iz hâur têx kror lax uô tâu. Txix chor tsaz yênhx, dự án lok hlôngr yiêz qênhx shênhx tsơưr pưr trâu chor uô niêv thiêz nhuôs zâu, đros muôx cxuô cấp, cxuô nganhx, thax tsav qơư li sir jos thiêz pêx xênhv li thôngx ziv, Lai Châu tưz tax tâu iz cxiê kror hâur txo grêk tsơưs tsik txâuk tsơưr pưr shưz. Lơưr Nganhx Y têr tỉnh li thôngz sâu, zos xưk li shông 2017, chor nhuôs zâu tsik tâu muôx 5 shông tas nro tỉnh tsik txâuk tsơưr pưr shưz zos 21% ntâu mak txos nhiv no, tưz grêk tsơưs txos yuôr muôx 18% ntâu, gôngr phênhv paz trâu chor nhuôs huôv tsar cxix cxuô, taz por lok đas jos thiêz txux chi./.

(DTPT-Lik Thox cxêik nhênhv)

Nênhs La Chí zos mênhx cxưx tsơưs nênhs, nhoz uô nênhx phênhv ntâu nhoz xã Nậm Khánh, huyện Bắc Hà, tỉnh Lào Cai. Nênhs La Chí li luz nênhx vênhx huôv chax chês muôx ntâu kror jông. Tiv zix zos hâux lưv chos pax ntok ntâuz xơưk tsôngs yo. Chiê tuôr tsês, phuôx huiz vênhx huôv mênhx cxưx jông co, nganhx vênhx huôv thiv thao tỉnh Lào Cai tưz hôx phưx hâux lưv chax chês no chiê huôv tsar ju lix zaz zâuv tsôngv kruô tuôx ndis shuôk, txix co muôz siêz phênhv sâu trâu tsôngv box tiv phaz. Hâux lưv chax chês chos pax ntok ntâuz tsênhv tâu nênhs La Chí nhoz Lào Cai tuôr tsês jông. Li ntơưv nhiv no, pox nhuôk nhiv kruôr uô tâu xiv huv chiê phưx vưv chuôz zis, tsi tâu huôv tsar yênhx xiv huv chiê muôv muôs. Đros nganhx muôx txơưx jênhv sik côngv uô, njênhs njôngr tsi ntêr thiêz tsôngv box La Chí nhoz no li têx tsiv grê vênhx huôv jông zuôr tâu chôngz lênhx ntâu tul pâuz txos./.

(TTTB-Txâur Vax cxeik nhênhv)

Shông 2022, tỉnh Sơn La txêik tok xar muôx 3,2 triệu lênhx kruô du lịch, ndê 3,5 jiês pir li shông 2021; phênhv sâu txix du lịch njuôk xav tâu muôx 2.800 tiv đêiv, ndê muôx 2.000 tiv đêiv ntâu pir li shông uô ntêx. Chiê tax tâu zoz qơưx nhoz so trâu kruô du lịch, Sơn La nhiv no tưz huôv tsar muôx 540 ntâu qơư nhoz so…. Hâur shông 2023, Sơn La sir jos txêik tok muôx 3,9 triệu lênhx kruôk, phênhv sâu muôx 3.200 tiv đêiv ntau. Thax tsav qơư no nhiv no tsênhv kriz uô ntâu tsưr ziv chiê huôv tsar du lịch nzor zos yênhx nganhx kinh têr chênhr, tsêx trung zaz zâuv yưv pênhr trâu têx qơư du lịch, đros muôx têx hax huv du lịch jông, muôx suôz bê. Zơưv Vũ Thanh Hải, Phưv Chủ tịch Ủy ban huyện Vân Hồ - thax tsav qơư nhoz hâur cêv kuôk Thax tsav du lịch têz qơưk Mộc Châu, tỉnh Sơn La puz pâuz: “Huyện tưz xav jênhv tsênhz mênhx huôv tsar du lịch zos nganhx kinh têr zov chênhr, đros muôx kôngz nuv thiêz têx nganhx txơưr đuô. Chiê uô tâu li co, huyện tsênhv sik côngv đros têx sở, nganhx tsêx trung trâu côngz xưv cêv kuôk; khov lơưr cêv kuôk thax tsav qơư, chor qơư du lịch, zuôr yax kriê, piêr pâuz, chiê zaz zâuv chor nênhs yưv pênhr tuôx trâu huyện, cxiv tsa tâu têx hax huv tax tâu du lịch tsơưr lươngv siêz li zoz qơưx thiêz têx tsưr ziv uô…”./.

(Lê Hạnh-Lik Thox cxêik nhênhv)

Công an thành phố Sơn La, tỉnh Sơn La nhiv kruôr xưv phuôv 8,5 tsov đeiv iz lênhx nênhs tsar yêz meir tsa tâuz hâu yêz. Co zos iz lênhx hluôk nênhs nhoz xã Hua La, TP Sơn La. Ntơưv chiz coaz công an lênhx hluôk nênhs no jênhv zuk li hâux lưv uô cxâuv thiêz lênhx hluôk nênhs no tsi tâu muôx ntơưr tso chei tsar yêz. Đros hâux lưv uô cxâuv no Công an TP Sơn La sâu tsês luz yêz meir, uô ntâuz ntơưr xưv bluô hành chính, bluô nhiêx txiêx thiêz thôngz pov lok tsêr cơưv ntơưr, qơư lênhx hluôk nênhs nhoz uô nênhx./.

(B.Thủy-Lan dịch đọc)