Shông no, tỉnh Lào Cai sir jos muôx cxaz tsơưs tiv zix 133 jêx jos nôngx cxênhz yiêz thiêz 59 jêx jos nôngx cxênhz yiêz hlôngr yiêz. Lơưr co, têx xã sir jos uô tiêr hâux lưv cxiv tsa nôngx cxênhz yiêz hâur shông 2022 mak 100% chor jêx jos tsuv tax ploz tsênhr nôngx cxênhz yiêz. Têx xã tso tơưv tsưr ziv uô tiêr hâux lưv cxiv tsa nôngx cxênhz yiêz ntu 2021-2025 sir jos muôx tsơưs tiv zix 20% chor jos tâu côngz jênhv zos nôngx cxênhz yiêz. Hâur ntu cxiv tsa jos nôngx cxênhz yiêz têx tiv phaz tsov cưv uô jông côngz xưv yax mông, vênhv tôngv tsôngv box thôngx ziv uô, tsôngv box chiv chir sir jos, chuv tôngv muôz siêz tsơưr lươngv têx ploz tsênhr. Tiv zix tsuv taz por tsênhv tsênhz, chêx cuk tax tâu têx hâux lưv zov chênhr hâur cxiv tsa nôngx cxênhz yiêz./.

(TTTB-Txâur Vax cxeik nhênhv)

Txix têx mông nhiêk heik nhiêk txơưr tsi siz thôngx lok têx caz tơưs xưz sâuv tus qox tsov iêr siêz yax VN ntơưv Lai Châu, uô sơưr đơưk heik ntâu txos li uz li no hâur six hơưv đhâu, Sở Vênhx huôv, Thêv thao thiêz ju lix, Sở Cxiv tsa tỉnh Lai Châu tưz tso nênhs muk qênhz yuôx shuôs ntơưv thax tsav ju lix tus qox tsov iêr co. Zơưv Nguyễn Văn Huân, Tổng Giám đốc thax tsav ju lix no khav tinhv, tsi muôx têx li sơưr đơưk heik lol tus qox trâul tơưs xưz, đeiv iêr ntơư zos taz viv lav uô cov jông trâu saz sâuv xưz, hok 2 đeiv iêr saz hâur mak cux truôx tuk, tsi uô li chas. Tas nro têx iêr zôngv uô tus qox co puôr lênhx tâu zuôr ntơưv têz qơưk Mỹ lok thiêz muôx txâuk têx ntâuz ntơưr côngk nhav khor truôx trơưk li châu Âu cui tinhv.

Đhâu thâuv qênhz yuôx, Đoanx qênhz yuôx tưz thôngx ziv đros taz viv yêv đeiv iêr tơưs xưz iz kro câuv muk tso tsês trâu iz kro, six hơưv yêv zos uô hâur 10 hnuz. Hâur ntu nhoz tok lưv lươngv kỹ thuật yêv, đeiv iêr tơưs xưz iz câuv li heik sâuv zuôr tâu xor thêir hluô, tax tsi khênhr kruô muk lol thiêz muôx nênhs nhoz trơưr ntơưv co chiê kriê cêr trâu tsôngv kruô sơưr đơưk. Đhâu thâuv yêv tas đeiv iêr lok tso ntơưv tơư qox, li tso chei trâu kruô muk lol đhâu uô si./.

(Khắc Kiên-Riê Lâux cxeik, nhênhv) 

Lơưr njuôs xav, yuôr tsi muôx iz luz hlik thiêz, Ntênhs phêv pax lâuk tỉnh Điện Biên shông 2022 zuôr tâu krêz uô. Ndar txos ntênhs phêv coaz tsôngv tiv zix hâur shông, nganhx ju lix têx cấp, nganhx, taz viv muôx lênhx coaz puôr lênhx tsênhr ciêr chênhr bax uô đros siêz xar njôngr tsưr tsix yênhx côngz ntênhs phêv no đhâu 2 shông tsi tsưr tsix tiv moz Covid-19 huôv xênhz. Sở vênhx huôv, thiv thao thiêz ju lix- chiz coaz tsưr tsix ntênhs phêv tưz cxơưz tiês côngz xưv yax mông. Hâur co chêx chôngk yax mông, heik kriê lok pax lâuk li ziz njiêz, tsiv grê reik đros têx tsiv grê lix xưv, vênhx huôv chax chês jông hâur tsôngv box têx mênhx cxưx Điện Biên thiêz Tây Bắc txos chôngz kruô ndis shuôk hâur thiêz saz đrâuv têz qơưk. Ntênhs phêv pax lâuk li hâux lưv zov chênhr shông no zos jiês thik lênhx nxeik jông gâux jiês tiv 3 tâu tsưr tsix. Pos Nguyễn Thị Thanh Hương, Phưv giám đốc Tsênhv qơư vênhx huôv, điện ảnh tỉnh Điện Biên puz pâuz: Txix têx phêv liv tiv moz Covid-19, jiês thik cux zuôr tsưr tsix chiê khav tênhv Điện Biên li ntênhs phêv pax lâuk; thôngx cxix, ndar txos têx tsưr ziv lox tov kaz no./.

(Vũ Lợi-Txâur Vax cxeik nhênhv)

Công an huyện Vân Hồ, tỉnh Sơn La thâuv tsênhv taz tov uô hâux lưv ntơưv jok Bó Nhàng, xã Vân Hồ, huyện Vân Hồ, tỉnh Sơn La nhiv kruôr qênhz pov thiêz ntêk tâu Bùi Văn Duy, xênhz shông 2000 nhoz ntơưv xã Tân Mỹ, huyện Lạc Sơn, tỉnh Hòa Bình thiêz Lò Văn Nghiệp, xênhz shông 1998, nhoz ntơưv xã Thanh Long, huyện Văn Lãng, tỉnh Lạng Sơn zuôr muôs zax zênhz tsi trơưk chei. Lưv lươngv muôx vax huôv tưz sâu tsês tâu 137 njiêr yuôx shơư zênhz, 18 gam ntâu zênhz đơưz, đros trâu iz cxiê zav chuôz zênhx txơưr đuô cik txos. Nhiv no txuz nuv co tsênhv tror tâu qênhz yuôx, uô tsênhz mênhx./.

 (TTTB-Riê Lâux cxeik, nhênhv)