Sổ tay đảng viên điện tử tâu kriz uô siv thiêz đêz đar ntơưv Yên Bái ntu jê lok no tưz jux juk hlôngr yiêz lok côngz xưv Đảng; paz gra siêz tsơưr lươngv xênhz huôx cấp ủy, xênhz huôx chi bộ thiez gra siêz jênhv pâuz trâu chor đảng viên. Sổ tay đảng viên điện tử tâu Tỉnh ủy Yên Bái kriz uô siv txix hli 2/2022. Txos nhiv no, tưz muôx 11 tsưr tsix đảng hlôngr njêx muôs trâu chor tsưr tsix đảng hâur cơ quan hành chính, sự nghiệp; doanh nghiệp; xar, phường kriz uô siv, đros tas nro muôx 61 chi bộ thiêz xar muôx 2.000 đảng viên cxaz chuôz. Lơưr chỏ đảng viên sir zôngv Sổ tay đảng viên điện tử mak pov paz muôx tâu ntâu kror liv. Đảng viên Trần Thị Hoài Thu, Chi bộ Thôngz mông-Pov chir-Xuất bản, Đảng bộ Sở Thôngz mông thiêz Yax mông tỉnh Yên Bái puz pâuz:

“Sir zôngv Sổ tay đảng viên điẹn tử tỉnh Yên Bái muôx ntâu tsiv gri lox trâu yênhx lênhx đảng viên, zuôr paz trâu đảng viên hlôngr yiêz jênhv pâuz, huôx tôngv; paz trâu chor chi bộ hlôngr yiêz, gra siêz tsơưr lươngv xênhz huôx đảng. No cux zos kror yiêz paz sâu jênhv, khơưk chir chor đảng viên têx ziv chênhv, paz trâu cấp ủy pâuz tâu cxuô lênhx nênhs li siêz xar, txix co sêiz car thiêz pâuz tâu txos chor đảng viên luz nênhx truôx jông đuô”./.

(Đinh Tuấn-Lik Thox cxêik nhênhv)

Nhiv kruôr no, Zênhx Pênhz phax xã Huổi Luông nhiv kruôr tsưr tsix yax kriê lok Chei Pênhz phax Việt Nam thiêz têx ntâuz ntơưr cui tinhv tsênhz mênhx trâu canr bôv, công chức, viên chức thiêz tsôngv pêx xênhv hâur xã Huổi Luông, huyện Phong Thổ, tỉnh Lai Châu. Trơưk li Chủ tịch uỷ ban xã Huổi Luông, zơưv Hoàng A Do, đros thiêz thax tsav qơư tox trôngz hâur pêk nxaz, phiv liv muk lol, têx đriv têz zôngx ziv muôx ntâu têx cuz nxor, phiv liv uô tsi truôx tuk thax tsav. Lar heik zos têx nênhs fêv uô cxâuv chei têz qơưk li: Zuôr muôs, thâux gra têx chuôz zênhx tsi trơưk chei muk lol đhâu đriv têz, zuôr muôs, fax thâux têx huv txưr, nênhs uô luôv zax zênhz tsi trơưk chei….. Chênhr zos li heik co, hâux lưv yax kriê chei têz qơưk cux tâu xã uô đreiv thiêz tsi so chiê gra siêz tsôngv pêx xênhv sơưr đơưk hâur thax tsav qơư li txux chi tsưr ziv jênhv pâuz uô jông trơưk têz qơưk têx chei fuô kriê./.

 (VOV4-Riê Lâux cxeik, nhênhv) 

Hâur 2 ciêz hâur  hlik hli 8, chor nênhs moz tuôx tsêr kho moz chiê kho moz khâuz huôk ntơưv Tsêr kho moz đa khoa tỉnh Sơn La chuôz ndê chôngz đuô 3 jiês pir li hli uô ntêx. Têx hnuz jêx lok no, chor nênhs moz tuôx njuôk, kho moz ntơưv tsêr kho moz đa khoa tỉnh Sơn La chuôz ndê chôngz lênhx, phênhv ntâu zos chor zav moz siz cik, moz cik txos cêr uô pa thiêz nox hâuk. Ciês moz khâuz thuôk A, hâur oz ciêz hâur hlik hli 8, pov muôx zuôr xar 50 lênhx nênhs tuôx kho moz, siêz đuô 3 jiês pir li hli uô ntêx. Đros co, chor nênhs moz tuôx tsêr kho moz tiv uô cuz cux chuôz ndê chôngz lênhx. Qir tiv chênhr zos tiv nênhx moz tso siêz, thâuv tuôx tsêr kho moz chiê njuôk shuôk thiêz chơưv kho mak tưz trâus moz hnhar lơưv. Zơưv Đỗ Xuân Thụ, Giám đốc Tsêr kho moz đa khoa tỉnh Sơn La puz pâuz:

“Đros muôx ntâu zav caz moz huôv xênhz thâuv mak caz moz Covid-19 tsênhv txơưr txar phiv liv, Tsêr kho moz đa khoa tỉnh Sơn La tưz kriz  uô trơưk Bôv Y têr hêik kriê, bax cov cxix cxuô têx yuôx, chuôz zênhx cxuô zav chiê chơưv kho trâu chor nênhs trâus moz khâuz thuôk, moz suôz liêz… Taz por txo grêk tsơưs tiv zix chor nênhs trâus moz hnhar, phiv liv, cux li tx grêk tsơưs tiv zix chor nênhs tuôs tiv têx zav moz siz cik”./.

(Trấn Long-Lik Thox cxêik nhênhv)./.

Ntơưv jok Co Tang, xã Lóng Luông, huyện Vân Hồ, tỉnh Sơn La, Công an huyện Vân Hồ tổ côngz xưv nhiv kruôr qênhz yuôx, ntêk tâu Suôr Xênhv Tsaz, xênhz shông 2002, nhoz ntơưv jok Co Tang, xã Lóng Luông, huyện Vân Hồ, tỉnh Sơn La tsênhv thâux gra 161 njiêr yuôx shơư zênhz muôx nhos 17,34 txiêx  tâu muôz jêik tsês jông trâu hâur luz hnaz ntiv chor điz phaz cir, cheix yêz meir txix jok Co Tang tuôx trâu ntơưv txox cêr lox. Ntơưv cơ quan Công an, Suôr krêz lênhk tiêk, Suôr tsênhv taz tov gra chor yuôx shơư zênhz co muk muôs trâu iz lênhx nênhs tsi pâuz tsênhz bê nhoz tov cêr yuôv jok Co Tang txơưv trâul lưv lươngv muôx vax huôv ntêk tâu. Tâu Pâuz, Suôr Xênhv Tsaz zos Xênhz Xênhv Tsaz, xênhz shông 1985, tưz trâul Công an Sơn La ntêk cxov lok sâuv thâux gra tsi trơưk chei 31 poz zênhz đơưz sâuv luz yêz lox hnuz 24/4/2015 ntơưv jok Co Chàm, xã Lóng Luông, huyện Vân Hồ, tỉnh Sơn La tus tuz. Nhiv no txuz nuv co tsênhv tror tâu qênhz yuôx, uô tsênhz mênhx./.

 (VOVTB-Riê Lâux cxeik, nhênhv)