Njuôk xav hâur shông no, Lào cai zuôr tok muôx nhos 5 tsov lênhx kruô tuôx ndis shuôs têz qơưk uô si. Chiê bax jông cxuô luôs hâux lưv txeik tok ntâu lênhx kruô tuôx ndis seiz têz qơưk uô si li heik sâuv hâur ntu muôx moz gênhk huôv xênhz, ntơưv qơư tưz muôx ntâu faz tsưr ziv chiê uô huv đros, phax tir thêir tâu jông moz Covid-19 hâur têx hâux lưv ju lix. Iz chas co, moz siêz tsưx phưv jông têx qơư ndis shuôs uô si, por hưv, tuôr truôx cxuô heir nênhs têx txux chi vênhx huôv jông….. Zơưv Hà Văn Thắng, Giám đốc Sở Vênhx huôv-Thêv thao thiêz ju lix tỉnh Lào Cai heik pâuz:

“Têx tsưr ziv taz por truôx tuk phax tir thêir moz zuôr tror tâu fuô uô txos trâu hur tiz si cxuô jêx jok. Lào Cai cux tưz cxiv tsa têx tsênhv chei paz max huôv tsar ju lix, cê por hưv têx txux chi vênhx huôv, cê muôz jông six hơưv trâu têx chuôz zis chiê lơưr uô jông têx luôs hâux lưv phưx vưv tsôngv kruô ndis shuôs têz qơưk uô si. Tiv 3, tỉnh Lào Cai tưz cxiv tsa têx tsưr ziv huôv tsar uô têx huv ju lix trâu shông 2022-2025 thiêz uô ndar txos trâu shông 2030”./.

(TTTB-Riê Lâux cxeik, nhênhv)

Lơưr Sở y tế tỉnh Yên Bái li hêik pâuz yiêz tiv zix, iz cxiê xã, phường nhoz tiv phaz no tưz hlôngr yênhx thax tsav muôx moz huôv xênhz siêz thâuv têx lênhx nênhs trâus moz Covid-19 chuôz ndê siêz đhâu thâuv nox tsiêz tas. Tsênhz mênhx, tỉnh Yên Bái nhoz cấp 1 (zos thax tsav njuôz) đros 6 huyện nhoz cấp 1 thiêz 3 huyện, thị xã, thành phố nhoz cấp 2 zos TP Yên Bái, thị xã Nghĩa Lộ thiêz huyện Yên Bình. Tas nro tỉnh muôx 124 xã phường, thị trấn nhoz cấp 1, muôx 43 xã, phường, thị trấn nhoz cấp 2. 3 xã nhoz cấp 3 zos xã Yên Thành (huyện Yên Bình); xã Phúc Sơn thiêz phường Tân An (thị xã Nghĩa lộ). Xã Nghĩa An (thị xã Nghĩa Lộ) xã Pá Lau thiêz xã Tà Xi Láng (huyện Trạm Tấu) nhoz cấp 4 zos cấp muôx moz huôv xênhz siêz. Lơưr ban chox kriê phax tar moz Covid-19 tỉnh Yên Bái, txix hnuz 27/11 txos nhiv no tỉnh muôx 3 cxênhz 500 lênhx nênhs trâus moz, hâur co muôx 2 cxênhz lênhx tưz tâu kho jông moz./.

(TTTB-Txâur Vax cxeik nhênhv)

Têx chuô txiêk tror uô ruôr hiêv txos tỉnh Sơn La, uô ntux lok nas yâur nhoz ntâu thax tsav qơư, tox siêz no njiv. Tiv chuô txiêk uô ruôr hiêv, hâur têx hnuz txuôk lơưr co, ntơưv chor huyện li: Sông Mã, Sốp Cộp, Mai Sơn, Thuận Châu, Bắc Yên, Yên Châu, Phù Yên thiêz TP Sơn La ntux tror lok nas yâur thiêz nxông, hâur ntux đuz nxông muôx têx muôx chuô lox, no, thax tsav tox siêz no njiv. Txix ntux têx txơưr txar li heik sâuv, canr bôv cxiz kôngz tỉnh Sơn La tưz sir jos qênhz yuôx, heik trâu tsôngv pêx xênhv lok têx tsưr ziv phax tar no thiêz yeiz trâu tsiêx cxu li: Qêz suô hur si, xor thêir ntov têx qơư cơư tsiêx tsi chiê chuô txiêk yâu; muôz cxaz têx jâuz krâur trâu tsiêx cxu nox chiê muôx đas jos phax tir no. Tix lâus Phàng A Sà, nhoz jok Kim Bon, xã Kim Bon, huyện Phù Yên, tỉnh Sơn La heik:

“Tâu canr bôv moz siêz txos, yax kriê trâu tsôngv pêx xênhv, tsôngv niêv txir lax pêx xênhv cux pâuz to tâuz, nhiv no tưz muôx qơư khor truôx, jông trâu têx tsiêx cxu, chor nhux tưv trâul tuôs hâur cheix nttux no tưz txo grêk tsơưs, uô tsâus lok six ntâu trâu canr bôv”./.

 (TTTB-Riê Lâux cxeik, nhênhv)

Txix hnuz 13-15/2 lưx lươngv phax tar zax zênhz công an tỉnh Điện Biên tsi so ruôr yênhx côngz 3 chuyên án ntês cxov tâu 3 lênhx nênhs zos Shôngx A Ko xênhz shông 1993 nhoz jos Huổi Hạ, xã Na Sang, huyện Mường Chà; Shôngx A Chua xênhz shông 1996 nhoz jos Phà Só A, xã Xa Dung, huyện Điện Biên Đông, Shôngx A Sình xênhz shông 1997 nhoz jos Pá Lùng, xã Chung Chải, huyện Mường Nhé, tỉnh Điện Biên muôv muôs zax zênhz, sâu tâu 4 đeiv zênhz đơưz, 36 cxênhz 600 njiêr zax zênhz thiêz ntâu chuôz zênhx muôx lênhx coaz. Chor lênhx nênhs no hêik tiêk zuôr chor zax zênhz heik sâuv ntơưv thax tsav ntus đriv, tsênhv chox muk muôs txơưv trâus ntês cxov. Nhiv no công an tỉnh Điện Biên tsênhv tror krêz đar qênhz yuôx nzir têx chuyên án./.

(Vũ Lợi-Lan dịch đọc)