Têis cik 16/8, đoanx côngz xưv tỉnh Lào Cai zos zơưv Hoàng Quốc Khánh, Phưv Chủ tịch Ủy ban tỉnh uô tsar đoanx tưz muôx njêx muôs ntơưv qơư chiê chox kriê côngz xưv zok nriêr, chơưv paz chor nênhs trâus txiêz nanv nzênhr fuôx sâuv tuk đêx Chảy uô 5 lênhx nênhs tsik pov nhoz huyện tox siêz Si Ma cai nhiv kruôr đhâu. 100 ntâu lênhx nênhs zos chor lưx lươngv ntơưv qơư thiêz chor nênhs txơưr tưz tâu huiz tôngv zok nriêr trơưk tuk đêx txix kror qơư fuôx nzênhr lok trâu zar kaz đêx. Txos tar su hnuz 16/8, nhiv kruôr nriêr pov tâu 2 lênhx nênhs zos iz lênhx nênhs lâul thiêz iz lênhx nhuôs zâu; 3 lênhx nênhs txơưr cux tsênhv plox mông zok nriêr tsik tâu tâu; tas nro 5 lênhx nênhs co puôr lênhx zos chor nênhs sik cxênhz jê. Zơưv Hoàng Quốc Khánh, Phưv Chủ tịch Ủy ban tỉnh Lào Cai puz pâuz:

“Iz zos tsuv yax kriê trâu pêx xênhv pâuz txos têx qơư phiv liv, riêz nênhs chiê lơưr tsik muk lok đhâu thâuv muôx yưv ntux nas chuô, đêx ngaz cuôr. Tiv oz zos tsuv muôx têx fiêx hêik pâuz phiv liv thiêz tror kriz uô têx tsưr ziv phax tar ntux têz ruôr hiêv txơưr đuô”./.

(An Kiên-Lik Thox cxêik nhênhv)

Zar hnuz kêix 16/8, Sở lox tôngv-Xaz pênhz thiêz xã hội đros Tsưr tsix seiz njiê têx jông ntiêx têz ntơưv Việt Nam tsưr tsix jiês siz chuôs njiz, sik thav lok têx nhuôs zâu tỉnh Yên Bái shông 2022 đros njiêz luk “Sik côngv têk por hưv têx nhuôs zâu, tsuv sik đros phax tir thêir tsi chiê nhuôs zâu trâul ntâuk tsiv, zuôv uô têx nuv tsi trơưk chei”. Jiês siz chuôs njiz, sik thav co zos iz hâur têx hâux lưv uô muôx liv, muôz jông six hơưv trâu chor tuz nxeik hluôk, nhuôs zâu hâur tỉnh tâu heik yưv zuk li tsưr ziv, siêz xar, heik lol zuk li chei, vax huôv hâur uô lơưr Công ước ntiêx têz lok nhuôs zâu li vax huôv thiêz chei nhuôs zâu shông 2016, cux iz zav li tâu seiz lax lok têx hâux lưv nhuôs zâu moz siêz txos, lar heik zos por hưv têx nhuôs truôx tuk sâuv mạng xã hội, phax tar ntâuk tsiv…. Ntơưv jiês cơưv co, têx lul nus tưz tâu chor hlôngr njêx muôs cxuô sở, ban, ngênhx hâur tỉnh buôk ti têz trâu sơưr đơưk./.

 (Báo Yên Bái-Riê Lâux cxeik, nhênhv)

Xar Mường Nhà, huyện Điện Biên, tỉnh Điện Biên zos xar ntus đriv buôs ti tez qơưk Lào, phênhv ntâu zos tsôngv box Thái thiêz Hmôngz uô nênhx nhoz. Pêx xênhv nhoz Mường Nhà luz nênhx tsênhv yuôr ntâu txov nhêv, tsuôk zos khov trâu uô têx liêx têz. Xar muôx 5 shông tror lok no, tsôngv box Hmôngz nhoz Mường Nhà tưz hlôngr đuô têx ar têz đaz tuôs tsik jông chiê chos txir pôngr lux Lào. Nhiv no, txir pôngr lux Mường Nhà cux tsênhv zos iz hâur chor hax huv tâu sơưr đơưk nhiêv zuôr, chor nênhs uô lax luôv tuôx ti gâuk ntơưv jok chiê zuôr têx txir pôngr lux co. Nhiv kruôr no, huyện Điện Biên cux tưz kriz uô tsưr ziv chos txir pôngr lux ntơưv jok Pu Lau, xar Mường Nhà chiê choz zok khoa học kỹ thuật trâu pêx xênhv, paz gra siêz tsơưr lươngv, tiv zix zos paz trâu pêx xênhv uô jông lơưr saz hax huv hữu cơ, huôv tsar hax huv txir pôngr lux Pu Lau zos yênhx iz hâur têx hax huv OCOP jông ntơưv thax tsav qơư./.

(Quốc hội TV-Lik Thox cxêik nhênhv)

Ntơưv thax tsav jok Láy, xã Tân Xuân, huyện Vân Hồ, tỉnh Sơn La, Phongx Cảnh sát qênhz yuôx têx nênhs zuôr muôs uô luôv zax zênhz tsi trơưk chei (Công an tỉnh Sơn La) đros Công an huyện Vân Hồ, Zênhx Pênhz phax Chiềng Sơn (bộ Chỉ huy Bôv đôiv Pênhz phax tỉnh Sơn La), đội qênhz yuôx phax tar zax zênhz (Cục Hải quan Điện Biên) nhiv kruôr ruôr por tsês yênhx côngz iz txuz zuôr muôs, uô luôv zax zênhz, ntêk tâu Khu Xênhv Shôngx, xênhz shông 1992, nhoz jok Láy, xã Tân Xuân, huyện Vân Hồ (Sơn La). Lưv lươngv muôx vax huôv tưz sâu tsês tâu 10.610 njiêr yuôx shơư zênhz, iz luz xor tôngx mê gra ntơưv têk, đros trâu iz cxiê zav chuôz zênhx txơưr đuô cik txos. Nhiv no txuz nuv co tsênhv tâu tror qênhz yuôx, uô tsênhz mênhx./.

 (VOVTB-Riê Lâux cxeik, nhênhv)