Niêv lâuk Vì Thị Thùy Dương, cán bộ qênhz jôngr thax tsav xã Huy Hạ, Hạt qênhz jôngr huyện Phù yên, tỉnh Sơn La puz pâuz: Txix ciês hâur shôngk shông, lưx lươngv qênhz jôngr sâuv thax tsav tưz đros têx lưx lươngv, ban nganhx đoanx thêv têx xã tsưr tsix yax mông, heik kriê zaoz zux lok côngz xưv coar lik, por vêv, phax cuz tuôx cuz jôngr trâu 500 ntâu jiês tsôngv box cxaz chuôz; muôz 1 cxênhz đeiv fiêx...

“Shông tưs taz viv cux cxiv tsa tsưr ziv, yênhx lix têx tuêv coar lik, por vêv yax six muk qênhz yuôx jôngr, uô ntêx zos lok côngz xưv coar lik, phax cuz tuô cuz jôngr thiêz côngz xưv ntor luôx jôngr sâuv thax tsav tâu choz coar lik”./.

(VOVTB-Txâur Vax cxeik nhênhv)

Iz lênhx nênhs trâus moz trưx phax nhoz Lào Cai nhiv kruôr tâu fêik txiêr lênhx nênhs co đêiv siêz moz tsưx phax. Jiês fêik txiêr lênhx nênhs moz tsưx phax co đêiv siêz, tâu uô ntơưv Tsênhv qơư Ung bướu-Y học hạt nhân, Tsêr kho moz  Đa khoa tỉnh Lào Cai. No cux zos jiês fêik txiêr lênhx nênhs moz đêiv siêz xuz thơưx ciês tâu kriz uô ntơưv thax tsav qơư mak tsik tsuv yêv muk trâu tsêr kho moz thênhv siêz. Nênhs moz tâu fêik kho zos zơưv D.V.T (55 shông, nhoz phường Bình Minh, thành phố Lào Cai). Zơưv T tâu pov trâus moz trưx phax đhâu njuôk shuôk moz. Đhâu 2 six hơưv ntâu sir jos fêik kho, lênhx nênhs co đêiv siêz trâus moz trưx phax tưz tâu fêik txiêr por tsês. Thạc sĩ Tô Minh Hùng-Phưv Giám đốc Tsênhv qơư Ung bướu-Y học hạt nhân puz pâuz:

“Đros têx chuôz zênhx zuk muôx, pêz njuôk shuôk pâuz tâu tsênhz mênhx lok moz trưx phax siêz. Taz sik, thâuv njuôk shuôk pâuz tâu moz lơưv mak hâux lưv chơưv kho cux zos iz kror phiv liv, thiêz fêik kho cux zos kror tsưr ziv uô jông tiv zix chiê chơưv kho trâu zav moz no. Thâuv sik côngv đros Trung ương, Tsêr kho moz Đa khoa tỉnh Lào Cai cux zuôr uô tâu kror tsưr ziv fêik txiêr kror trưx phax moz hâur siêz no, paz trâu tsôngv box nhoz hâur tỉnh tsik thav yêv muk trâu têx tsêr kho moz thênhv siêz”./.

(An Kiên-Lik Thox cxêik nhênhv)

Hnuz đhâu 18/4, tỉnh Yên Bái qir krêz uô hâux lưv cxax yuôx vắc xin phax moz Covid-19 trâu mê nhuôs txix 5 txos kis đuô 12 shông sâuv thax tsav tỉnh. Pos Lê Thị Hồng Bân, Giám đốc Sở y tế tỉnh Yên Bái puz pâuz: Đros 9 cxênhz côngz yuôx vắc xin Modena txix Bộ y tế muôz, Sở y tế Yên Bái tưz muôz trâu tsênhv qơư y tế têx huyện, thị xã, thành phố tsưr tsix cxax côngz tiv 1 zav yuôx no trâu mê nhuôs txix 6 txos kis đuô 12 shông. Hâur co, tsov cưv cxax trâu mê nhuôs txưv 11 shông ( lớp 6) đros iz côngz zos 0,25 ml iz lênhx mê nhuôs. Yuôx vắc xin Phai dơ thâuv tâu muôz zuôr cxax trâu mê nhuôs 5 shông. Chiê hâux lưv cxax yuôx tâu uô taz por, uô ntêx hâur thiêz đhâu thâuv cxax yuôx tas, têx taz viv tsưr tsix cxax yuôx uô jông têx tsưr ziv cxax trơưk bộ y tế li heik kriê. Njuôs xav txix nhiv no txos hnuz 22/4 Yên Bái zuôr uô tiêr hâux lưv cxax tas nro chor yuôr văc xin phax moz Covid-19 tâu cungz hâur jiês no./.

(Thừa Xuân-Txâur Vax cxeik nhênhv)

Nhiv kruôr đhâu, Công an huyện Điện Biên sik côngv đros Phòng Cảnh sát qênhz yuôx nênhs uô cxâuv lok zax zênhz Công an tỉnh, Đội Cảnh sát qênhz yuôx uô cxâuv lok Hình sự, Kinh têr thiêz Zax zênhz Công an huyện Mường Chà, Công an xar Na Sang ruôr tâu txuz anr 422L, cxov tâu Lò Văn Lún (zus shông 1965), nhoz jok Na Pheo, xar Na Sang, huyện Mường Chà tỉnh Điện Biên tsênhv thâux gra 12.000 njiêr yuôx shơư zax zênhz chox muk muôs đros ntâu zav txơưr đuô cik txos. Ntơưv cơ quan Công an, Lò Văn Lún hêik pâuz tiêk zuôr chor zax zênhz co ntơưv thax tsav ntus đriv đros gri zos 120 triệu đêiv txix iz lênhx nênhs Lào pâuz tsik tsênhz bê, thâuv tsênhv chox muk muôs chêk trâus pov thiêz cxov tsês. Nhiv no txuz hâux lưv tsênhv tror tâu kriz đar qênhz yuôx, nriêr pâuz cov tsênhz mênhx./.

(Vũ Lợi-Lik Thox cxêik nhênhv)