Đhâu xar muôx 2 shông tsuv tso tsês, txos nhiv no, thâuv moz Covid-19 tưz phênhv tưs tâu tir tar, têx doanh nghiệp, HTX, qơư uô nox ntơưv Yên Bái tưz tror piz uô nox, kinh doanh. Iz hâur têx vênhv thix tâu tsov cưv txos co zos sir jos paz thơưz thương mại, tiv zix zos muôs têx hax huv chênhr li yuôx zêx, cuêv fix, ntông…tơưv saz đrâuv têz qơưk. Pos Nguyễn Thị Mai Phương, Chi cục phưv, Chi cục Hải quan Yên Bái puz pâuz: xav txos kaz hli 7 ,shông 2022, hâux lưv sâu nhiêx txiêx têz qơưk txix tỉnh li têx hax huv muôs tơưv saz đrâuv têz qơưk đhâu Chi cục Hải quan Yên Bái tâu muôx 177 tiv đêiv, ndê 10% pir li six chênhz shông 2021, muôx 74% pir li tsưr ziv tâu choz shông 2022:

“Kaz shông pêx tsêx trung trâu kho đuô têx chuôz zênhx, vax tsêr cxuô zav, lênhx nênhs chiê paz tâu zôngx ziv đuô zaz zâuv chor doanh nghiệp tuôx uô ntâuz ntơưr ntơưv Chi cục Hải quan Yên Bái”./.

(Đinh Tuấn-Lik Thox cxêik nhênhv)

Qênhz yuôx, ruôr por tsês têx txuz nuv tsi trơưk chei hâur niêx shông puôr lênhx tax 90% ntâu, têx txuz plâuz ntus lox tax 100%; tsi chiê têx nênhs fêv uô muôx cêr cuz nxor hâur thax tsav zos lưv lươngv Công an tỉnh Lào Cai li sir jos lês uô jông têx luôs hâux lưv zok muôz hâur chor shông đhâu, gra cêr truôx tuk trâu tsôngv lax pêx xênhv. Trơưk li Đại tá Lưu Hồng Quảng, Giám đốc Công an tỉnh Lào Cai, txix shông 2015 txos nhiv no tưz muôx 3 cxênhz ntâu txuz uô cxâuv chei têz qơưk tâu xưv bluô, hâur co tsi tsơưs cxuz nuv lox, paz phax tir thêir têx nênhs fêv, tsưx phưv truôx thax tsav qơư:

“Choz hâux lưv trâu têx lênhx hloz hâur cxuô phongx, taz viv chox kriê, lês uô têx nuv co, lar heik zos têx hâux lưv zov chênhr. Taz por truôx tuk, tôngv zênhx sơưr đơưk sik tưr uô nuv jông hâur jiês sơưr tơưv txênhz phax tar têx nênhs fêv uô cxâuv chei têz qơưk”./.

 (An Kiên-Riê Lâux cxeik, nhênhv)

Bax trâu shông cơưv yiêz, txos nhiv no, nganhx Zoz zux tỉnh Lai Châu tưz bax cxix cxuô lok vax tsêr, chuôz zênhx kriê ntơưr, chor cxưk kriê ntơưr đros cxuô zav trâu hâux lưv hlôngr yiêz tsaz yênhx zoz zux phôv thông trâu lớp 3, lớp 7, lơp 10. Thôngx cxix, kriz uô hlôngr yiêz tsưr ziv sêiz car, gra siêz đas jos sêiz car tsêr cơưv ntơưr đros uô lơưr dân chủ hâur huôx tôngv zoz zux. Nganhx cux sir jos sik côngv, tso muk kriê nzir cưk kriê ntơưr Luk Anh, Tin học uô lơưr Tsaz yênhx zoz zux phôv thông 2018 tsênhv muôx tsik tâu txâuk thiêz uô huv, txâuk, ndar six hơưv têx chêi paz trâu chor shux xênhz zos mênhx cxưx tsơưs nênhs…/.

(Khắc Kiên-Lik Thox cxêik nhênhv)

Đhâu iz ntuk ntêr trâul moz Covid-19 uô ruôr hiêv, “Hnuz hội vênhx huôv cxuô heir nênhs huyện Mộc Châu shông 2022” zuôr tâu uô lok hnuz xiêz 2/9 ntơưv huyện Mộc Châu, tỉnh Sơn La, đros ntâu hâux lưv, txux chi vênhx huôv, cêr lov jêv jông. Jiês uô lov jêv xiêz 2/9 jâuv no zuôr nthuôr uô têx txux chi cêr lov jêv heik kriê suôv qơư, thax tsav, lênhx nênhs, cxuô heir nênhs huyện Mộc Châu li têx txux chi vênhx huôv jông thiêz đhiê pax vuôk xoè sik thôngx siêz cxuô heir nênhs; tror nthuôr uô têx txux chi vênhx huôv côngv thôngx muk lol tâus cêr zos têx lênhx txơưx hu gâux, sênhr chêr uô nhoz iz cxiê qơư sâuv txox cêr lox sôr 6, cêr muk lol hâur huyện Mộc Châu….trâu tsôngv fôngx zưs, têx lênhx kruô nhoz đêz jê tuôx seiz, pâuz txos. Iz chas ntơư, tsênhv muôx sik tưr thik heik kriê lok cxuô heir nênhs li têx zav nox kaz, xiv huv kôngz nuv jông, ju lix. Trơưk li tsưr ziv, uô têx txux chi cêr lov jêv “Hnuz hội vênhx huôv cxuô heir nênhs huyện Mộc Châu” zuôr tsưr tsix txix hnuz 29/8 txos tas hnuz xiêz 04/9./.

(Trấn Long-Riê Lâux cxeik, nhênhv)