Jiês cơưv tiv plâuz-Hôiv đôngx tỉnh Lào Cai khóa 16, ntu 2021-2026 tâu kriz cơưv txix hnuz 19/4 tưz thôngz đhâu têx Nghị quyế zov chênhr chiê tso tơưv Cui tênhv cik txos phêiz têx pênhr nhiêx txiêx têz qơưk kriz uô 17 dự án nhoz 2 Tsaz yênhx tsưr ziv têz qơưk. Têx dự án zuôr taz por  tâu uô tsênhz mênhx, ndax ndênhk, huv cui tênhv, yưv pênhr muôx tsênhv njiêz, huv đros qênhx shênhx tsênhv tsênhz…Hâur jiês kriz cơưv, chor têiv plor cux tsêx trung nhênhz chơưv, sêiz lax, thôngz đhâu ntâu kror hâux lưv zov chênhr txơưr đuô xưk li Cêv kuôk tỉnh Lào Cai ntu 2021-2030, tsưr ziv uô txos shông 2050; cui tênhv gri dịch vụ njuôk shuôk caz moz Sát-Covi-2 tsik zos hâux lưv tâu Cuiv bảo hiểm y têr thêv nhiêx trâu têx qơư y tế công lập sâuv thax tsav; tso tơưv, kho đuô tsưr ziv yưv pênhr iz cxiê dự án yưv pênhr côngz./.

(An Kiên-Lik Thox cxêik nhênhv)

Viv cêr cor cav muôz têx shôngz ntông uô tsêr nhoz, đros trâu iz cxiê zav chuôz zênhx phưx vưv hâur luz nênhx; iz cxiê lênhx pêx xênhv tsênhv tsi tâu pâuz tsênhz txos têz qơưk têx chei; chênhr zos li heik co, hâur thax tsav huyện Mù Cang Chải, tỉnh Yên Bái cux muôx yưv qênhx shênhx pêx xênhv muk hâur têx xuz jôngr, jôngr txưr chiê ntor cơư têx shôngz ntông lok sir zôngv. Txix têx li heik no, Công an huyện Mù Cang Chải tưz sir jos đros lưv lươngv muôx vax huôv thiêz hâu nov cxuô thax tsav qơư yax kriê, xưv bluô ntov jông têx lênhx nênhs cxoz txưv uô cxâuv chei. Trung úy Lê Diên Kiên, Công an xã Khao Mang, huyện Mù Cang Chải, tỉnh Yên Bái heik pâuz:

“Lưv lươngv Công an xã tsi so đros ủy ban xã hux jos thiêz lưv lươngv yuôx jôngr seiz car têx jôngr ntông thiêz têx lưv lươngv jênh quân qir qênhz yuôx, qênhz shuôs tsi so cux iz zav li thâuv muôx pêx xênhv heik pâuz lok sik têx mông cik txos ntor jôngr ntông. Thâuv qênhz pov têx uô cxâuv, pêz puôr lênhx đros nov ntơưv qơư xưv bluô trơưk chei têz qơưk cui tinhv….”./.

 (VOVTB-Riê Lâux cxeik, nhênhv) 

Hnuz 19/4, nganhx Y têr tỉnh Điện Biên tưz kriz uô cxax yuôx vắc xin phax moz Covid-19 trâu chor nhuôs zâu txix 5 txos tsik tâu muôx 12 shông ntơưv 5 kror qơư cxax yuôx nhoz oz huyện Mường Ảng thiêz Điện Biên. Côngz xưv cxax yuôx tâu kriz uô truôx jông, ngaz tuk trơưk Bôv y têr li têx cui tênhv tưz tso tơưv. Txix ciês thâuv sơưr nzor, yênhx puô lênhx shux xênhz thiêz shux xênhz niêv txir tsêr cơưv Cxênhx iz Thanh Luông, huyện Điện Biên tưz muôx njêx muôs ntơưv tsêr cơưv ntơưr chiê uô têx ntâuz ntơưr tsuv muôx bax trâu kriz uô cxax yuôx vắc xin phax moz Covid-19 trâu chor nhuôs zâu. Tiv tsêr cơưv ntơưr, chính quyền thiêz nganhx y têr ntơưv thax tsav qơư tưz uô jông côngz xưv yax krie txix ntâu luz hli uô ntêx viv li phênhv ntâu shux xênhz niêv txir puz pâuz tiêk lok six shir phaz./.

(Vũ Lợi-Lik Thox cxêik nhênhv)

Ntơưv tỉnh Sơn La tưz fuô uô luôs hâux lưv cxax yuôx vắc xin phax tar moz Covid-19 trâu têx nhuôs zâu txix 5-11 shông ntâu. Huyện Mường La zos qơư xuz thơưx fuô uô luôs hâux lưv co. Qơư cxax vắc xin Covid-19 trâu têx nhuôs zâu txix 5- 11 shông ntâu zos ntơưv Tsênhv qơư Y tế huyện Mường La. Txơưv tiêk tsênhv yuôr ntâu cêr cxơưx, viv no zos jiês xuz thơưx cxax, taz sik khov têx lênhx cưk yuôx, bác sĩ bax uô jông cxuô luôs hâux lưv, chor uô niêv uô txir tưz tso siêz đuô thâuv chox têx tuz nhuôs tuôx cxax yuôx phax phôngz moz. Zơưv Cà Văn Thương, nhoz thị trấn Ít Ong, huyện Mường La heik:

“Pêz zos chor uô niêv uô txir mak tưz tâu cxax ntêr lok lơưv. Viv li lok six xar cov chor nhuôs tâu cxax. Nhiv no jông siêz, shir phaz thâuv têx tuz nhuôs tâu cxax côngz tiv iz. Pêz cux chiê siêz Sở, huyện muôz jông six hơưv chiê têx mê tuz mê nhuôv tâu cxax yuôx phax phôngz moz cxix cxuô”./.

(VOVTB-Riê Lâux cxeik, nhênhv)