Muôx nhos 1 luz hlik thiêz txir khơưz Sơn La thiêx txos six hơưv sâu đê, taz sik chuôz zis zơưv Lê Tiến Dũng thiêz têx lênhx nênhs hâur HTX jix vuv kôngz nuv Toàn Phát, xã Phiêng Khoài, huyện Yên Châu chor txir khơưz tưz tâu sâu đê ntâu jiês. No zos ntu txir khơưz muôs tâu grê txix 100-120 cxênhz đeiv iz cir, siêz đuô ntâu jiês pir đros txir khơưz sâu đê trơưk chiv cheix. Zơưv Lê Tiến Dũng puz pâuz, zơưv chuôz zis chos 3 hecta txir khơưz nyar, thâuv tsoz phưz zơưv zôngv qir hữu cơ, uô trơưk têx tsưr ziv chos viv li txir khơưz siêr nzor, sâu tâu ntâu đuô ntâu jiês pir đros thiêz ntu tov ntêx thiêz txir jông gâux. Đros txir khơuz siêr nzor, chungz fênhx 1 ciêz chuôz zis sâu đêx iz jiês, sâu tâu muôx nhos 50 cir. Đros grê muôs li nhiv no zuôr xar 100 cxênhz đeiv iz cir, siêz đuô 10 jiês pir đros txir khơưz siêr trơưk chiv cheix. Njuôs xav,zơưv chuôz zis zuôr sâu tas nro tâu muôx nhos 5 tênhr txir khơưz./.                        

(DTMN- Lan dịch đọc)

Ciêz Vênhx huôv-Di lịch Lai Châu shông 2022 đros tsênhv njiêz “Lok trâu thax tsav Lai Châu jông jav”. Đrâuv têx huôx tôngv lok vênhx huôv mênhx cxưx, ntênhk hôiv jông, Lai Châu tưz piêr pâuz txos ntâu kror qơư du lịch côngv thôngx li: Lao Chải 1, Sì Thao Chải, Sin Suối Hồ… thiêz 6/10 hâur trôngz siêz tiv zix Việt Nam li Pu Si Lung, Tả Liên Sơn, Pu Ta Leng, Bạch Mộc Lương Tử, Hoàng Liên San. Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch tỉnh Lai Châu puz pâuz: Xor xưv tưz paz piêr pâuz txos du lịch ntơưv thax tsav qơư txos trâu tsôngv fôngx zưs sơưr đơưk hâur têz qơưk thiêz ntiêx têz pâuz txos, jux juk khav tênhv tâu cxuô zav thiêz côngz bê lok Du lịch Lai Châu trâu sâuv bản đồ Du lịch Việt Nam. Hâur ntu tsưr tsix xor xưv, thax tsav qơư tưz tok muôx 70.000 ntâu lênhx kruô hâur têz qơưk thiêz ntiêx têz tuôx ndis shuôk, uô si…

“Shông 2022 du lịch Lai Châu li tsưr ziv zos tok muôx 470 cxênhz ntâu lênhx kruô. Pêz tso tơưv tsưr ziv uô txix têx hax huv, têx kror Lai Châu muôx li du lịch côngv thôngx thiêz têx hax huv du lịch yiêz li dịch vụ nriêr pâuz ndis shuôk têx hâur trôngz siêz”./.

(Khắc Kiên-Lik Thox cxêik nhênhv)

Chiê cxơưz cxiz ju lix đhâu jiês moz Covid-19 huôv xênhz, Yên Bái tưz tsưr tsix Phêv ziv cxơưz cxiz huôv tsar ju lix đros njiêz luv “Yên Bái qơư tuôx taz por, jông jav”. Dưv thiêz lov lik phêv ziv muôx lênhs tov tỉnh Yên Bái, hlôngr njêx muôk Tổng cục ju lix, têx sở, nganhx,tiv phaz thiêz 70 ntâu doanh nghiệp uô ju lix hâur thiêz đrâuv tỉnh. Ntơưv phêv ziv, têx teiv plor chêx chôngk sik seiz lax uô tsênhz mênhx iz cxiê njiêz luv li: Ntâuk grê tas nro qênhx shênhx, têx trâus ruôr hiêv đhâu jiês moz Covid-19 huôv xênhz đros nganhx ju lix Yên Bái; têx chênhz zênhv, thix ziv txix têx doanh nghiệp uô ju lix hâur thiez đrâuv tỉnh; ndar txos cxiv tsa têx xiv huv ju lix jông, muôx tsơưr lươngv, têx jiês muk ndis shuôk hâur tỉnh thiêz sik côngv đros têx tỉnh txơưr, paz tsôngv kruô muôx têx jiês ndis shuôk uô si jông tiv zix thâuv tuôx Yên Bái./.

(Thừa Xuân-Txâur Vax cxeik nhênhv)

 Hnuz 20/4/2022, Phongx Cảnh sát Zoz thôngz, Công an tỉnh Điện Biên tưz uô ntâuz ntơưr xưv lik nênhs tsar yêz N.V.M (zus shông 1994) nhoz xar Nà Tấu, thành phố Điện Biên Phủ đros kror cxâuv zos tsik jav cêr trâu chor yêz muôx hâux lưv zov chênhr muk uô hâux lưv.

Xor xưv muôx yưv thâuv 9 six 30 phênhz hnuz 20/4 sâuv txox cêr Võ Nguyên Giáp, thành phố Điện Biên Phủ (thax tsav Quảng trưởng 7/5). Thâuv six hơưv co, N.V.M tsar yêz ô tô muôx biển số 27S-017xx tưz tsik uô trơưk yêz chox cêr hêik pâuz cov txar cêr trâu chor yêz muôx hâux lưv zov chênhr muk uô hâux lưv.

Cui tênhv lơưr Điểm b, ntu 6, grê 5 Chính phủ li Nghị định 100/2019/NĐ-CP tâu kho đuô cxaz nzir ntơưv Nghị định 123/2021/NĐ-CP đros phênhv xưv bluô txix 6 tsov đêiv txos 8 tsov đêiv, lênhx nênhs tsar yêz no tưz trâus xưv bluô 7 tsov đêiv thiêz trâus sâu tsês ntơưr tsar yêz 3 luz hli./.

(Vũ Lợi-Lik Thox cxêik nhênhv)

Nhiv kruôr đhâu ntơưv jos Buốc Pát, xã Lóng Sập, huyện Mộc Châu, tỉnh SƠn La, Công an huyện Mộc Châu lov lik sik côngv đros Phongx cảnh sát qênhz yuôx nênhs phamv cxâuv lok zax zênhz (Công an tỉnh Sơn La), Zênhx pênhz phax trôngx đriv Lóng Sập (bộ chỉ huy bộ đội pênhz phax tỉnh Sơn La) thiêz công an huyện Sốp Bâu, tỉnh Hủa Phăn (têz qơưk Lào) ntês yênhx côngz 1 lênhx nênhs phamv cxâuv.

Co zos Páo Xênhv Tsaz xênhz shông 1984 nhoz jos Phiêng Cành, xã Tân Lập, huyện Mộc Châu. No zos lênhx nênhs muôx lênhv nriêr zok lơưr Công an tỉnh Sơn La li Cuiz tênhv số 09 hnuz xiêz 9/8/2021 viv muôv muôs zax zênhz.

Uô ntêx co, thâuv hli 3/2021, Páo Xênhv Tsaz cxaz chuôz muôv muôs tsi trơưk chei 2 cir zax zênhz poz jêz ntơưv thax tsav Tân Lập, huyện Mộc Châu. Thâuv têx nênhs fêv txơưr trâus ntês cxov, Páo tưz khiêr muk đhâu ntus đriv muk têz qơưk Lào. Đhâu iz ntu txix têx tsưr ziv nghiệp vụ, lưx lươngv muôx txơưx jênhv tưz ntês tâu Páo.

Nhiv no Páo tâu choz trâu chiz coaz cảnh sát qênhz yuôx, Công an tỉnh Sơn La chiê qênhz yuôx uô tsênhz mênhx thiêz yưr lir trơưk pháp luật li cui tênhv./.

(CTV-Lan dịch đọc)