Đros têx qơư di tích lịch sử cxiv tsav tir ntâuk trol châuz Điện Biên Phủ, chiv xênhz đrox tsuôs jông đros trâu luz nênhx vênhx huôv ntơưv qơư tưz thiêz tsênhv tâu ngênhx ju lix tỉnh Điện Biên sir jos krêz uô chiê muôx tâu têx jông jav nhiêk txơưr nhiêk tsi siz thôngx, paz huôv tsar ju lix yênhx ngênhx kinh tế zov chênhr.

  Nhoz iz saz tsênhv qơư TP Điện Biên Phủ, jok Phiêng Lơi, xã Thanh Minh muôx jông tox trôngz câuv har, chiv xênhz đrox tsuôs, têx txux chi vênhx huôv thâuv nzor cux tâu tuôr tsês tsi chiê pôngz plox. Chênhr viv li, têx shông jê lok no, jok tưz nzaz nzơưv têx muôx jông heik sâuv chiê huôv tsar ju lix côngv thôngx. Tix lâus Lường Văn Muôn, Tsar jok Phiêng Lơi, heik: “Chiê hu zâuv tsôngv kruô sơưr đơưk tuôx ndis seiz têz qơưk uô si hâur jok, lênhx nênhs uô ju lix tsuv muôx têx jông chiê kruô ndis seiz, lơưr li xar tuôx uô si. Iz chas bax têx zav nox kaz, pêz tsênhv muôx têx paz tuz nxeik nthuôr uô cêr lov jêv phưx vưv tsôngv kruô hur si thiêz. Iz chas ntơư, sir jos cxiv uô têx qơư jông, vênhv tôngv tsôngv pêx xênhv sik đros tsưx phưv, qêz suô đu lus têx qơư nox nhoz, muk lol chiê huôv tsar ju lix côngv thôngx reik đros cxiv tsa jêx jok yiêz. Txix ntơư, muôz suôv qơư no uô yênhx qơư ju lix jông jav, hu zâuv tâu ntâu tus chôngz lênhx kruô tuôx ndis shuôs uô si, nriêr pâuz lok têx txux chi vênhx huôv jông. Khov li co, têx lênhx kruô ndis shuôs ntux uô si nhiêv tuôx trâu jok Phiêng Lơi ziv hnuz ziv tsar ndê chôngz lênhx./.

(TT Việt-Riê Lâux cxeik, nhênhv)

Chêix du lịch lov jêv tiv zix hâur shông zuôr tâu kriz uô ntơưv Lào Cai trâu kaz hli 4 no, đros muôx ntâu xor xưv tsuv tsov cưv txos.

Lơưr co, xor xưv kriz uô Ntênhk hôiv chêix ntux sor 2022 zuôr tâu tsưr tsix ntơưv thị xar Sa Pa trâu hnuz 23/4 đros muôx 18 tsaz yênhx, xor xưv vênhx huôv-thể thao-du lịch jông truz ntêr hâur 3 luz hli so sor nhoz ntơưv tỉnh. Đros hnuz co, Ntênhk hôiv pax buôs Fansipan 2022 đros tsênhv njiêz “Fansipan-Thax tsav pax buôs hâur têx huôz” thiêz Caraval “Sa Pa-thax tsav pax buôs” cux zuôr tâu tsưr tsix. Tưz tsik zos ntơưv thax tsav qơư du lịch Sa Pa, ntơưv Lào Cai jiês no  cux zuôr muôx ciêz vênhx huôv du lịc Bảo Yên jiês tiv iz, piz txix hnuz 22/4 txos tas hnuz 1/5. No cux zos kror tsiv gri, chiê tok hơưv chiv nhênhv 75 shông hnuz yênhx lix Đảng bộ huyện Bảo Yên, tỉnh Lào Cai (22/4/1947-22/4/2022). Zơưv Đỗ Văn Lưu, Bí thư Đảng ủy xar Nghĩa Đô, huyện Bảo Yên puz pâuz:

“Ciêz Vênhx huôv du lịch cux zos jiês chiê piêr pâuz, huôv tsar du lịch trâu Nghĩa Đô đros trâu vênhx huôv mênhx cxưx Tày, zênhx zos iz kror jông lơưv, taz sik xor xưv zuôr paz nzir trâu pêx xênhv muôx tsưr ziv chiê uô dịch vụ du lịch, tuôr chiê têx vênhx huôv lơưr tsưr ziv tưz tso tơưv”./.

(An Kiên-Lik Thox cxêik nhênhv)

Cik txos txuz iz paz tuz hluôk zuôv iz lênhx nhuôv nxeik nhoz huyện Quỳnh Nhai, tỉnh Sơn La uô đaz uô tuôs, Cơ quan Công an tưz ntêk cxov 6 lênhx nênhs chiê phưx vưv luôs hâux lưv qênhz yuôx.

Xưk li tưz xa mông uô ntêx ntơư, hnuz 21/4, sâuv mạng xã hội muôx ntâu xor mông sâu heik lol iz lênhx nhuôv nxeik đhâu thâuv hâuk chơưr kâus tưz trâul iz paz tuz hluôk muôx 5 lênhs uô đaz uô tuôs. Xor xưv co tâu seiz zos muôx yưv ntơưv huyện Quỳnh Nhai, tỉnh Sơn La; lênhx nxeik ntơư zos shux xênhz cơưv ntơưr lớp 9 ntơưv iz tsêr cơưv cxênhx 2 hâur xã Mường Giàng, huyện Quỳnh Nhai; 5 lênhx tuz hluôk heik sâuv xuz thơưx tâu xav tinhv zos nhoz ntơưv xã Chiềng Khoang, huyện Quỳnh Nhai, tỉnh Sơn La.

Mông txix Công an huyện Quỳnh Nhai, tỉnh Sơn La heik pâuz: Txuz nuv no muôx thâuv hli 3, txos hnuz 14/4, thâuv chuôz zis pâuz têx tsi jông co, li heik trâu Công an huyện Quỳnh Nhai, pênhr chor tuz hluôk zuôv lênhx nxeik ntơư uô đaz uô tuôs. Nhiv no Cơ quan Công an huyện Quỳnh Nhai tưz ntêk cxov 6 lênhx nênhs chiê phưx vưv qênhz yuôx, uô tsênhz mênhx./.

 (Trấn Long-Riê Lâux cxeik, nhênhv)

Nhiv kruôr đhâu, ntơưv thax tsav jok Ả Thượng, xar Nghĩa Phúc, thị xar Nghĩa Lộ, tỉnh Yên Bái, tôv côngz xưv phongx Cảnh sát qênhz yuôx nênhs phamv cxâuv lok zax zênhz, Công an tỉnh Yên Bái pov, cxov tâu Phành Xênhv Hơưx, zus shông 1970, nhoz jok Pa Te, xar Túc Đán, huyện Trạm Tấu, tỉnh Yên Bái zuôr muôs tsik zos chêi zax zênhz. Sâu tâu iz chor hnaz tax ntiv têx njiêr yuôx njuôz thiêz xiêr.

Qênhz shuôk sêi ntơưv qơư nhoz, Công an tror pov nzir iz hnaz tax zâu ntiv iz chor njiêr yuôx xiêr. Zok nriêr hâur vax pov nzir tâu 52 hnaz tax ntiv têx njiêr yuôr njuôz thiêz xiêr li co.

Đhâu njuôk shuôk mak tas nro têx sâu tâu co puôr lênhx zos chor njiêr yuôx shơư zax zênhz, tas nro muôx zuôr xar 17.000 njiêr yuôx, hnhar muôx 1,6 cir ntâu. Nhiv no txuz hâux lưv tsênhv tror tâu qênhz yuôx, nriêr pâuz cov tsênhz mênhx./.

(TTTB-Ly dịch đọc)