Hâur kriz uô ciêz Vênhx huôv-Du lịch Lai Châu shông 2022, nhiv kruôr đhâu, zuôr xar 150 lênhx vận động viên tưz cxaz chuôz trâu giải sik tưr đhiê Marathon cêr poz jêz lâul Pavi nhoz jok du lịch Sin Suối Hồ, huyện Phong Thổ, tỉnh Lai Châu.

Zơưv Vương Thế Mẫn, Chủ tịch Ủy ban huyện Phong Thổ, tỉnh Lai Châu puz pâuz: Giải sik tưr đhiê Marathon cêr poz jêz lâul Pavi zos jiês chiê piêr pâuz txos têx kror jông jav, lênhx nênhs nhoz huyện Phong Thổ hêik taz thiêz tỉnh Lai Châu hêik cxuô txos trâu tsôngv kruô sơưr đơưk pâuz:

“Piz txix muôx txox cêr poz jêz lâul, đros trâu têx chiv xênhz jông jav, mak pêz tsưr tsix đhiê sik tưr Marathon cêr poz jêz lâul Pavi. Đros kriz uô têx kror liv zenhx muôx chiê  huôv tsar du lịch đros trâu vênhx huôv jông tsôngv box cxuô mênhx cxưx tsơưs nênhs sâuv thax tsav huyện Phong Thổ. Lơưr pêz mak giải no zos iz kror tsưr uô du lịch jông nhoz Lai Châu”./.

(Khắc Kiên-Lik Thox cxêik nhênhv)

Thax tsav ju lix têz qơưk Mộc Châu (tỉnh Sơn La) tưz bax cxuô zav chiê tos thiêz phưx vưv kruôr ndis shuôk uô si hâur ntu so ntênhs hnuz 30/4- xiêz 1/5 zuôr txos.

Qơư jông uô si hâur ntu no nhoz Mộc Châu zos qơư ndis shuôk uô si Mộc Châu Island zuôr qir huôx tôngv. Tiv zix muk tul qox tsov iêr gra bê Bạch Long, zos tul qox muk tơư ntêr tiv zix sâuv ntiêx têz tâu cxiv uô ntơưv xã Mường Sang zuôr qir tos kruô tuôx ndis shuôk uô si.

Tix lâuk Hoàng Mạnh Duy, hlôngr njêx muôk qơư ju lix Mộc Châu Island puz pâuz, grê zuôr ntơưr muk tul qox tsov iêr Bạch Long hâur têx hnuz kaz ciêz thiêz ntênhs phêv zos 650 cxênhz đeiv iz lênhx nênhs hloz tiêr nênhs, 450 cxênhz đeiv đros mê nhuôs (siêz txix 1 yiv txos 1,4 yiv); hnuz fênhx yax zos 550 cxênhz đeiv iz lênhx nênhs hloz thiêz 350 cxênhz đeiv iz lênhx mê nhuôs (siêz txix 1 yiv txos 1,4 yiv); mê nhuôs kis đuô 1 yiv muk tsi pôngz nhiêx txiêx. Tsôngv box nênhs Sơn La, shux xênhz thiêz nênhs muôx côngz tâu tsov cưv hâur têx hnuz fênhx yax, đros grê zuôr ntơưr muk zos 400 cxênhz đeiv iz lênhx nênhs hloz thiêz 250 cxênhz đeiv iz lênhx mê nhuôs./.

(Thu Thùy-Txâur Vax cxeik nhênhv)

Ban Chỉ huy Quân sự huyện Điện Biên, tỉnh Điện Biên sik côngv đros Ban Chỉ huy Quân sự quận Hoàn Kiếm (TP. Hà Nội), zênhx hangx VietinBank Sơn La, Zênhx hangx VietcomBank, Tổng công ty tenhv tênhz faz Bắc nhiv kruôr tsưr tsix jiês uô tiêr thiêz chos zok côngz trinhx tsêr lớp cơưv ntơưr trâu tsêr cơưv cxênhx oz xar Thanh Nưa, huyện Điện Biên.

Côngz trinhx tsêr lớp cơưv ntơưr Tsêr cơưv Cxênhx oz xar Thanh Nưa tâu cxiv tsa txix hli 11/2021 txos hli 2/2022. Muôx 2 qar lớp cơưv oz yôngx, đar muôx 207 thiêr ndis, iz qar cơưv ntơưr đar muôx 52 thiêr ndis, đros tas nro pênhr yưv uô muôx 870 triệu đêiv. Choz zok tsêr lớp cơưv, chor nênhs siêz jông tưz paz nzir 42 bôv trôngx tos trâu chor shux xênhz, cưk kriê ntơưr, têx chuôz zênhx cxuô zav hâur qar cơưv ntơưr, tax tâu shux xênhz thiêz cưk kriê ntơưr li hâux lưv kriê thiêz cơưv ntơưr. Kror uô tiêr thiêz muôz lok sir zôngv oz qar tsêr lớp cơưv no zuôr paz trâu tsêr cơưv muôx nzir qơư chiê cơưv ntơưr jông đuô, zôngx ziv đuô thiêz paz gra siêz đuô tsơưr lươngv cơưv ntơưr trâu chor shux xênhz./.

(BaoĐB-Li Thox cxêik nhênhv)

Ntâuk tsiv hâur tsêr cơưv zos iz hâux lưv xã hội tsênhv lok six tsi jông siêz. Taz sik,nhoz iz cxiê qơư hâur hâur tỉnh Yên Bái, ntâuk tsiv hâur tsêr cơưv tsênhv lok six zov chênhr.

Chiê phax tar qênhx shênhx no, zaoz zux jông, nganhx zaoz zux thox xov Yên Bái đros têx chiz coaz muôx txơưx jênhv tưz seiz shuôk jông qir tiv thiêz krêz uô têx tsưr ziv phax tar. Lơưr zơưv Đào Anh Tuấn, Phưv giám đốc Sở zaoz zux thox cxov tỉnh Yên Bái, ntu zuôr txos, nganhx zuôr tsov cưv txos zaoz zux siêz xar, cêr uô nênhx trâu shux xênhz, cxiv tsa tênhx qơư zaoz zux jông chiê mê nhuôs hloz lox jông.

“Pêz chuôz tsar côngz xưv coar luk, chox kriê têx phongx zaoz zux, qơư zaoz zux muôx tsưr ziv chiê phax tar ntâuk tsiv hâur tsêr cơưv. Chuôz tsar têx huôx tôngv, zaoz zux cêr chei, lok phax tar ntâuk tsiv hâur têx tsaz yênhx tsênhv cux xưk li huôx tôngv zoz qơưx hâur tsêr cơưv. Yax six thôngz xor mông hâur 2 saz zos tser cơưv thiêz shux xênhz li niêv txir lok shux xênhz li qênhx shênhx cơưv ntâuz ntơưr...chiê thôngx ziv tsưr ziv zaoz zux” ./.

(Thừa Xuân-Txâur Vax cxeik nhênhv)

Xar muôx 3 six zar hnuz kêix hnuz 24/4, luz tsêr lơưx oz yôngx ntơưv jok Mo Nghè 1, xar Quang Huy, huyện Phù Yên, tỉnh Sơn La tưz trâus cuz hnhiêz.

Ciês pov hluôr tơưl chis cuz, chor lưx lươngv muôx vax huôv huyện Phù Yên tưz tso nênhs tuôx paz tuô hluôr tơưl thiêz hluôr tơưl tưz tâu tuô tuôs tsik chiê txêik chis cuz muk trâu têx vax tsêr nhoz iz ndis.

Taz sik tiv qiv hơưv kruôr gis, yar ntux cuz sor, viv li cxuô zav hâur luz tsêr co tưz trâus cuz hnhiêz tas hur si; iz lênhx pos lâul muôx 90 shông tưz trâus tuôs.

Qir tiv hluôr tơưl chis cuz tsênhv tâu chor lưx lươngv muôx vax huôv qênhz  yuôx, nriêr pâuz cov tsênhz mênhx./.

(Trấn Long-Lik Thox cxêik nhênhv)